నః ప్రయచ్చంతుంసౌఖ్యం-09
***********************
ఓం కులాలేభ్యః నమోనమః.
_____________________________
ముజ్జగములను మృత్తికను,కాలభ్రమణమనే చక్రమున బంధించి,తన హిరణ్య బాహువులతో బహు సుందర పాత్రధారులుగా మలచి,ప్రాణశక్తి అను అగ్నితో దానిని కాల్చి,లీలా వినోదమును తిలకించు గొప్ప కుమ్మరి ఆ గౌరీపతి.ఏ కుండకు ఎంత జీవనమో తెలిసినను ఏమితెలియనట్లుండు బహు చమత్కారి.ఏ జీవి రూపము ఎన్నేళ్ళో,ఏ కుండ పనితనము ఎన్నాళ్ళో.ఎవరు చెప్పగలరు?
క్షీరసాగర మథనంబున జనించెను హాలహలము అతి భీకరమై
క్షీర లింగేశ్వరుడు తన గళమున ధరించెను అది శ్రీకరమై.
గరళ ధరుని కరకమలములు కొలిచిన వారి కరతలామలకములు.
అని నిరంతర నామస్మరణతో సంతుష్టుడై ఉండెడివాడు.
చిదంబర ప్రాంతములో ఒక కుమ్మరి శివభక్తుడు ఉండేవాడు.నిరంతర శివనామ స్మరణము పలుకుచు,స్వామి హాలాహల భక్షణము గురించి,తన్మయత్వముతో తనతోటి వారికి వివరించుచు తరించుచుండెడివాడు
" నమః శివాభ్యాం-నవయవ్వనాభ్యాం" భక్తునకు యుక్త వయసు రాగానే, పరమసాధ్వి,శివసేవా పరాయణురాలితో శివానుగ్రహమన వివాహము జరిగినది.గురుతర బాధ్యతగా గృహస్థధర్మమును నెరవేర్చుచు,అతిథి- అభ్యాగతులను ఆదరించు వారి సంసారములో చిన్న మలుపును తెచ్చాడు ఆ చిదంబరుడు.భక్తులకు పెట్టు పరీక్షలు భగవదనుగ్రహ సూచనలే కదా.
.తన కులవృత్తిని ఈశ్వరప్రసాదముగా గౌరవించుచు,శివస్వామికి మాత్రమే కాకుండా, శివ భక్తులకు సైతము,అత్యంత భక్తిశ్రద్దలతో మట్టిపాత్రలను చేసి,సమర్పించుచుండెడి వాడు.నిరంతర "నీలకంఠ నామస్మరణ" అతనికి తోటివారిచే " నీలకంఠ" నామకరణము చేయించినది.అసలు పేరు మరుగున పడినది
" నమః శివాభ్యాం-నవయవ్వనాభ్యాం" భక్తునకు యుక్త వయసు రాగానే, పరమసాధ్వి,శివసేవా పరాయణురాలితో శివానుగ్రహమన వివాహము జరిగినది.గురుతర బాధ్యతగా గృహస్థధర్మమును నెరవేర్చుచు,అతిథి- అభ్యాగతులను ఆదరించు వారి సంసారములో చిన్న మలుపును తెచ్చాడు ఆ చిదంబరుడు.భక్తులకు పెట్టు పరీక్షలు భగవదనుగ్రహ సూచనలే కదా.
ఒకనాడు నీలకంఠుడు స్వామికి తను చేసిన పాత్రలు-దీపములు సమర్పించి వచ్చుచుండగా,
" నమో వర్షాయచావర్షాయచ" వర్హము-అవరషము రెండును తానైన రుద్రుని లీలగా
నమో మహేభ్యో క్షుల్లకేభ్య్శ్చ నమః.మహత్వము-సాధారణత్వము పు గలబోత అన్నట్లుగా ఆ ఇంటి యజమానురాలు
సహాయ ప్రవృత్తిలో సంపన్నురాలైనప్పటికి,వేశ్యా వృత్తిలో జీవనమును సాగించుచున్నస్త్రీ. పొడి బట్టలనిచ్చి,నీలకంఠుని ఆదరించెను.అవి ఆమె సంస్కార ప్రతిరూపములా అన్నట్లుగాఆ వస్త్రములు
సుగంధ పరిమళములను వెదజల్లుచుండెను.
నీలాపనిందకు ప్రతీకలా లేక నీలకంఠేశ్వరుని లీలకు సంకేతములా అనునట్లు ఆ కుమ్మరి ధరించిన వస్త్రములనుండి వచ్చుచున్న పరిమళములు,అతని భార్య సన్స్కారమును పరిహసించుచు,సందేహములై సందడితో చిందులు వేయసాగెనుతనను తాకరాదను ఆజ్ఞాపాలనమును చేస్తూనే,.ధర్మపరాయణులైన వారు,యథాధిగా శివ అర్చనలు,శివభక్తుల సేవలు,అతిథి మర్యాదలతో కాలముగడుపుతున్నారు.
తాళగలడా తనభక్తుల తడబాటులను.తరలివచ్చాడు తానే ఒక మహిమగల మట్టిపాత్రతో వారిని కృపాపాత్రులను చేయుటకు ఆ తాండవప్రియుడు ఒక వృధ్ధ బ్రాహ్మణ వేషధారియై.
"నమో హరికేశాయ ఉపవీతినే పుష్టానాం పతయే నమ:."
అతిథిని తమసేవలతో సంతుష్టుని చేసిరి.మరింత సేవింప తలపును కలిగించినాడు
బూదిపూతలవాడు.
.వారు సవినయముతో మీకు మేము ఏ విధముగా సహాయపడి ధన్యులము కాగలమో సెలవీయండి అని వేడుకున్నారు.సరైన సమయమిదేనని సదాశివుడు వారితో మీరింతగ అడుగుతున్నారు కనుక నాకొక చిన్న సహాయమును చేసిపెట్టండి అన్నాడు .ఆనందభాష్ప నయనములతో ఆనతీయమన్నారు అమాయకముగా
.ఆటను రక్తి కట్టిస్తూ,నాదగ్గర అద్భుత మహిమలు కల మట్టిపాత్ర ఉన్నది.దానిని తీర్థయాత్ర సమయములో భద్రపరచుట కష్టముగా నున్నది".నీలకంఠ నీవు కుండలను చేయుటలో-వానిని భద్రపరచుటలో సమర్థవంతుడివి "కనుక నేను కొంతకాలము ఈ
మహిమల పాత్రను
నీ దగ్గర దాచి,తిరిగి తీసుకుంటాను.అంగీకారమేనా? అన్నాడు ఆ ఆనందలోలుడు.సరేనన్నారు ఆ దంపతులు .ముందుకథను నడిపించే ముక్కంటి ముచ్చటైన పాత్రను వారికి అందించి,తన యాత్రను పూర్తిచేయు నెపమున తరలినాడు.మధురం శివలీల మనలను తరియింపగనే మనసా.
కాలాతీతుని కనుసన్నలలో కాలము పరుగులిడసాగుతోంది."తలనుగంగను దాల్చిన వాని తలపన" తిరిగివచ్చిన వృద్ధునికి సమర్పించుటకు ఎంతవెతికినను నీలకంఠునికి పాత్ర కనిపించలేదు.
చింతయే మిగిలినది.వింతను వీక్షిస్తున్నాడు విశ్వేశ్వరుడు.ఇంతలో కారుణ్యమును తోసివేసి కాఠిన్యము కదము తొక్కాలనుకొన్నది.తన వంతుగా ముంతకై పంతమునే పూనాడు."
తగవు అన్న"తగవులే కథను నడిపిస్తున్నాయి తమ వంతుగా..రాధ్ధాంతమునకు బదులు రాజీపడదామనుకున్నాడు రాగద్వేషాతీతుడు.అందులకు ముంత బదులుగ నీలకంఠ దంపతులు తమ బిడ్డలపై ఒట్టువేసి నిజము చెబితే నిందను తొలగిస్తానన్నాడు.
సారెపై తిరుగుచున్న మట్టిముద్దలా నలుగుతున్నది నీలకంఠుని మనసు.అవకాశమును అందిపుచ్చుకొనలేని అభాగ్యుడు.నిస్సంతులు నిందనెట్లు తొలగించుకొనగలరు.మరొక అవకాశముగా ( చివరి) నీలకంఠుడు నింద తొలగించుకొనవలెనంటే ఒకరి చేయి ఒకరు పట్టుకొని నిజమును వెల్లడించవలెన్నాడు ఆ వల్లకాడులో తిరుగువాడు.
ఇదొక పెద్ద ధర్మ సంకటము.నిరూపణకు ఆటంకము వారు శివుని ఆనగా పాలించుచున్న ప్రతిన.సంసారపు గుట్టు బట్టబయలుచేసి,వారి ఔన్నత్యమును లోకవిదితము చేయుటయే స్వామి సంకల్పము.
" నమః శ్శుష్కాయచ-హరిత్యాచ".
ఎండిన కట్టెలలోను-పచ్చి కట్టెలలోను ఉన్న రుద్రునకు నమస్కారములు.
తథాస్తుగా వారు స్వామి ఆదేశముపై పవిత్ర శివగంగాతీర్థములో కర్ర చెరొక కొన పట్టుకొని సత్యమును వెల్లడించిరి.ఆనవేయించుకొనిన నటరాజు ఆనందించి,సతీసమేతుడై వృషభమునెక్కి సాక్షాత్కరించెను.ధన్యోస్మి శంకరా ధన్యోస్మి.
ఒక్కడే రుద్రుడు జగములనేల-రెండవ దైవము లేనేలేడు.
" అస్తవ్యస్తముగా నున్న సంసార బంధములనే మట్టిని,భక్తరక్షణాచక్రమనే సారెపై నుంచి,అనుగ్రహ హస్తములతో మృత్తికాభాండమును అమృత భాండముగా మలచు ఏకైక కుమ్మరి కి,
" ఏక బిల్వం సమర్పయామి".
( ఏక బిల్వం శివార్పణం)
