"కదంబ వన చారిణీం ముని కదంబ కాదంబినీం
నితంబ జిత భూధరాం సురనితంబినీ సేవితాం
నవాంబురుహలోచనాం అభినవాంబుదశ్యామలాం
త్రిలోచనకుటుంబినీం త్రిపురసుందరీం ఆశ్రయే"
అనిప్రస్తుతించారు అమ్మను ఆదిశంకరులు.
హయగ్రీవ-అగస్త్యసంవాదమైన లలితా రహస్య సహస్రనామస్తోత్రము,
"మూలప్రకృతి అవ్యక్తా వ్యక్తావ్యక్త స్వరూపిణి"అని సంకీర్తించింది.
వ్యాపినీ వివిధాకారావిద్యావిద్యాస్వరూపిణి గా సన్నుతించింది.
మూలప్రకృతి అంటే ఏమిటి?
అది వ్యక్తరూపముగా ఎప్పుడుంటుంది?
అది అవ్యక్త రూపముగా ఎప్పుడుంటుంది?
పరమాత్మ తాను ప్రకాశ+విమర్శ రూపమైన పరంజ్యోతిగా ప్రకాశించటము పరారరహస్యయోగము.అదియే మనము బిందువు రూపముగా తెలుసుకోబోతున్న "సర్వానందమయ చక్రము" పరంజ్యోతి పరమేశ్వరి ,
'సత్యజ్ఞానందరూపా-సామరస్య పరాయణా" గా ప్రకాశములో అంతర్లీనమైన అద్భుత సన్నివేశము.
సర్వానందమయ చక్రము-తొమ్మిదవ ఆవరణము
*****************************
సర్వసిద్ధిప్రద-సర్వమంగళకారిణి అయిన పరమేశ్వరి,
సర్వులకు-సర్వవేళల-సర్వవిధములుగా ఆనందమును కలిగించు సన్నివేశము/సందర్భము."కామకళా రూపముగా" శివశక్తులు పంచకృత్యములను జరిపి ,
1. ద్వైతము అద్వైతముగా పరిణామము చెందిన ఆనందము.
2.అజ్ఞానము సంపూర్నజ్ఞానమయమైన ఆనందము.
3.విమర్శ+ప్రకాశము మమేకమై ప్రకాశిస్తున్న ఆనందము
4.దేశ+కాలములు/సమయ+స్థలములు సద్దుమణిగిన ఆనందము
5.జీవాత్మ పరమాత్మగా ఐక్యమైన ఆనందము
6.ప్రకటనము లుప్తమై గుప్తముగా నున్న ఆనందము
7.బహిర్ముఖము వీడి అంతర్ముఖము అందించే ఆనందము
8.ఏ ఆవరణము చే కప్పబడని మూలబిందు తత్త్వ ఆనందము
9.ప్రకృతి/పరమేశ్వరి రూపాంతర స్థితి అని తెలియబడిన ఆనందము
10.చేతనులు జన్మచక్ర పరిభ్రమనమునుండి విముక్తి పొందిన ఆనందము
11.మూల స్వరూపమైన శివశక్తి+జీవ స్వరూపమైన శక్తి,
సాకారమునుండి నిరాకారముగా,సగుణమునుండి నిర్గునముగా
సింధువు లోని బిందువు సవికల్పమునిర్వికల్పముగా యథాస్థితికి చేరిన ఆనందమే
సర్వానందమయ చక్ర వ్యవహార నామము కల ఆత్మసిద్ధి.
సాథకుడు సర్వయోని ముద్ర అనగా విశ్వమాతగా/మూలకారనముగా బిందువును గ్రహించిన సమిష్టి ఆనందము.
బ్రహ్మ స్వరూప/బ్రహ్మ తత్త్వ అవగాహన యైన ప్రాప్తిసిద్ధి అనుగ్రహించిన ఆనందము.
మిథ్యాప్రపంచమునుండి సాధనను ప్రారంభించినచేతనుడు విద్యాప్రపంచమున అడుగిడి ఆత్మానమును అనుభవించు అమ్మ అనుగ్రహమునకు అనేకానేక ప్రాతులను సమర్పిస్తూ,
యాదేవి సర్వభూతేషు మోక్ష రూపేణ సంస్థితా
నమస్తస్త్యై నమస్తస్త్యై నంస్తస్త్యై నమోనమః.
సర్వం శ్రీమాతాచరణారవిందార్పణమస్తు.
1.
