AALO REMBAAVAAY-18

  పాశురము-18

  ***********

 "ఒప్పుకున్న తప్పులన్ని పురుషకార లాలనలో

 తప్పిపోవ దండనలు పురుషోత్తమ పాలనలో."

   పిరాట్టి అనుగ్రహమనే పురుషకారమును మనకు అందిస్తున్న గోదమ్మకు అనేకానేక దాసోహములను  సమర్పించుకుంటు,పంచేంద్రియ పరమార్థమునందించు విశేషానుగ్రహ పాశురమును అనుసంధానము చేసుకునే ప్రయత్నమునుచేద్దాము.

 ఉందు మదగళిట్రన్ ఓడాద తోళ్వలియన్

 నందగోపాలన్ మరుమగళే! నప్పిన్నాయ్

 కందం కమళుం కుళలీ కడై తిరవాయ్

 వందు ఎంగుం కోళి అళైత్తనగాణ్; మాదవి

 పందల్ మేల్ పల్కాల్ కుయిల్ ఇనంగళ్ కూవిణగాన్

 పందార్ విరలి; ఉన్ మైత్తునన్ పేర్పాడ

 శెందామరైక్కైయ్యాల్ శీరార్ వళై యెళుప్ప

 వందు తిరవాయ్ మగిందేలో రెంబావాయ్.

  నప్పిన్నాయ్-యశోద సోదరుదైన కుంభగోపుని-ధర్మదల కుమార్తె.సుగంధ కేశసౌందర్యము కలది.

శెందామరల వంటి చేతులు కలది.శీరార్వళై -ఐశ్వర్యవంతమైన కరకంకణములు కలది.అంతే కాదు 

"పందార్ విరలి" చేతిలో కందుకమును/బంతిని ధరించి యున్నది.

 నప్పిన్నాయ్ -అనగా 

నప్పినాయ్ అమ్మవారిని ముద్దుగా తమిళభాషలో పిలుచుకునే పేరు.అంటే లక్ష్మీదేవి.లక్ష్మీదేవి అంశలు మూడుగా విడివడి ఆదివరాహుని భూమాతగాను,(భూదేవి) శ్రీ రాముని సీతాదేగాను (శ్రీదేవి) శ్రీ క్రిష్ణుని నీలాదేవిగాను అనుసరించారు.నప్పిన్నాయ్ ని ఉత్తర భారతీయులు రాధా దేవిగా కొలుస్తారు. అమ్మ స్వామి ఆత్మైక స్వరూపులు.దేహములు రెండు కాని ఆత్మ ఒక్కటే.స్వామి నిదురించుట అంటే అంతర్ముఖమైనారు.

ఓ నప్పిన్నాయ్-మా వరప్రసాదమా,నీవు మా నందగోపుని యొక్క

మరుమగళై-మేనకోడలివి.

 మా నమగోపుడు,వేదశాస్త్ర సంపన్నుడు మాత్రమేకాదు ,

 ఉందు మదగళిట్రన్ ఓడాద తోళ్వలియన్ 

 బాగా మదించి,మదజలమును నిరంతరముగా స్రవించుచున్న ఏనుగుల గుంపులను,(మదగళిట్రన్)

 ఉందు తోళ్వళియన్-అతిశయించున భుజబలముతో (ఓడాద)తరిమివేయగల పరాక్రమము కలవాడి కోడలా మమ్ములను అనుగ్రహించు.

 అదుపుతప్పి ప్రవర్తించు ఇంద్రియముల సమూహములే మదగజములగుంపులు.వాటిని తరిమివేయకల భావపరాక్రమము కలవాడు నందగోపన్.

 అదేపరంపరను కొనసాగించగల ఓ నీలాదేవి స్వామిని మేల్కొలిపి మమ్ములను అనుగ్రహించునట్లు చేయవమ్మా అని ప్రాధేయపడుతున్నాడు.

 వారికి అమ్మపై అంత నమ్మకము.దానికి కారణము స్వామికి నీలాదేవి 

  కందం కమళుం కుళలీ-సహజ సుజంధభరిత కేశపాశముపై వీడలేని వ్యామోహము.అంతేకాదు స్వామికి నీలాదేవి

శీరార్ వళై యెళుప్ప-ఐశ్వర్యవంతమయిన గాజుల శబ్దమును వినుటయందు వీడలేని ఉత్సాహము. 

 సాక్షాత్తు ఉపనిషత్సారముగా 

 పరిమళిస్తున్నవి అమ్మవారి కేశములు,ఉపకార/పురుషకార-చేతనుల తప్పులను మన్నించుమని,వారి తప్పులు తెలుసుకొని పశ్చ్హాత్తపముచెందిన ,దోషములనెంచక మన్నించమని ,మధురముగా స్వామికి నచ్చచెప్పు   వాక్కులే తల్లి అందమైన చేతులకు అలంకరింపబడి శ్రావ్యముగా మ్రోగుచున్న కంకణములు.

 నీలమ్మ ఒకచేతిలో లీలగా బంతిని పట్టుకుని  యున్నదట.మరియొక చేతిని స్వామి భుజముమీద ఉంచి మనతరఫున స్వామిని బుజ్జగిస్తున్నదట.

 చేతనులైన మనకు చైతన్యమైన స్వామికి మధ్యన తానుండి స్వామిని సముదాయిస్తూ-మనకు సంస్కరించుకునే అవకాశమినిస్తున్నది నీలాపిరాట్టి.

 కాని వీరికి అమ్మ వచ్చి తలుపు తీసి,నేనున్నానులెండి.స్వామికి మీ గురించి చెప్పి నోముస్థలికి వస్తామని చెప్పలేదని ఆత్రత.

 అందుకే వారు తల్లీ తెల్లవారినది.అంటూ రెండు విషయములను సంకేతించినారు.

1.ఎంగుం కోళి అళైత్తనగాణ్-అంతటను కోళ్ళు కూయుచున్నవి.

 2.కుయిల్ ఇనంగళ్ కూవిణగాణ్ -

   మాదవి పందలి మేల్ పల్కాల్ అని బాహ్యమునకు అమ్మను రప్పించుటకు గుర్తులు చెప్పుచున్నారు.

ఎంగుం-అన్నిచోట్ల,

కోళి-కోళ్ళు లేచి

వందు-రమ్మని,

అలైత్తన్-పిలుస్తున్నాయి

దేనికి-తమ కాళ్లను సాగించి,చకచక అటు-ఇటు నడుస్తు తమకు కావలిసిన గింజలను ఏరుకుని-ముక్కున పట్తుకుని స్వీకరించమని .

తల్లీ కణ్-అమ్మా చూడు.

ఈ కోళ్ళు గింజలను ఎక్కడ తిరుగుతు ఏరుచున్నవి.అమ్మ నీలాదేవి భవనము దగ్గర.ఆ భవనము మణిమయము.నవరత్న తాపితము.అక్కడ వాటికి కావలిసిన ఆహారములో తో పాటుగా ఎన్నో మణులు-ముత్యములు-రత్నములు అన్ని కలగలిసి ఉన్నాయి.అవి వాటిని తమ ముక్కుతో వేరుచేస్తూ,తమకు కావలిసిన దానికై అటుఇటు కదులుతు గింజలను మాత్రమే తమ ముక్కుతో గట్టిగా పట్టుకుని స్వీకరిస్తున్నాయి

 ఇది వాచ్యార్థము.ఈ కోళ్ళు ఆచార్యులు/ఆళ్వారులు.వారికి కావలిసినది శ్రీకృష్ణానుగ్రహమనే ఆహారము.అది ఐహికములై దారిమరల్చు విషయవాసనలతో మిళితమై ఉన్నది.వారు తమ జ్ఞానమనే ముక్కులతో వాటిని మణులను-నవరత్నములను దూరముగా తోసేస్తు,తమకు కావలిసిన పరమాత్మ అనుగ్రహమనే గింజలను నిశ్చల భక్తి అనే ముక్కుతో గట్టిగా పట్టుకుని,ఆస్వాదిస్తు-ఆనందిస్తున్నారు.అందుకే వారు మేల్కాంచగానే ఒకరినొకరు సత్సంగమునకు పిలుచుకున్నారు.

  ఇదేవిషయమును మరొక్క ఉదాహరనముతో 

 మాదవి పందల్-మాధవభక్తి అనే తీగ అల్లుకున్న పందిరి

 మేల్-మీద/పైన కూర్చుని-స్థిరముగా

 పల్కాల్-పలువిధములుగా 

కుయిల్ ఇనంగళ్-కోయిలల గుంపులు

కూవిణగాన్-కీర్తిస్తున్నాయి

 కోళ్ళ కూతలు-కోయిలల బృందసంకీర్తనలు

 ఉన్మైందనన్-నీ భర్తయొక్క వైభవమును కీర్తిస్తున్నాయి.

 ఇంక జాగుచేయక,

 మము బ్రోవమని చెప్పవే నీలమ్మ తల్లి,నీ కరకంకణముల సవ్వడితో నీవు మా అజ్ఞానమనే తలుపుగడియను తీసి మమ్ములను అనుగ్రహించమని  పురుషకారత్వమును మగిందు తిరవాయ్-రామానుజలను అనుగ్రహించిన తల్లిని వేడుచున్న,

 ఆండాల్ దివ్య తిరువడిగళే శరణం 

 

 

AALO REMBAAVAAY-17

 

 పాశురము-17

 *********

 "శయ్య శయనిస్తున్నది అతిశయము మీర

 శ్యామసుందరు లీల కనుడు కనులార."

 ఆధ్యాత్మిక మయమైన నందగోప పాలకుని శయనమందిరమునకు అత్యంత భక్తిశ్రధ్ధలతో, ప్రవేశించిన వారలై,అపురూప భావనము-ఆరాధ్య సేవనముతో,వారు ఎన్ పెరుమాన్-ఎన్ పెరుమాట్టి-త్రివిక్రమ-బలరామ అని వారి మహోన్నతత్త్వమును కీర్తిస్తూ,వారిని నలుగురిని తాము నోముచేయుచున్న ప్రదేశమునకు విచ్చేసి,నోమును సుసంపన్నము చేయమని ప్రార్థిస్తున్న వారితో పాటుగా మనలను అనుగ్రహిస్తున్న గోదమ్మకు అనేకానేక దాసోహములను సమర్పించుకుంటు,పాశురమును అనుసంధానము చేసుకునే ప్రయత్నమును చేద్దాము.

 అంబరమే తణ్ణీరే శోరే అరం శెయ్యం

 ఎంబెరుమాన్ నందగోపాల! ఎళుందిరాయ్

 కొంబనార్కెల్లాం కొళుందే! కులవిళక్కే

 ఎంబెరుమాట్టి! యశోదాయ్! అరివురాయ్

 అంబరం ఊడరత్త ఓంగి ఉలగలంద

 ఉంబర్కోమానే ఊరంగాదు ఎళుందిరాయ్

 శెంపోర్ కళలడి శెల్వా బలదేవా

 ఊంబియున్ నీయుం ఉరంగేలే రెంబావాయ్.

అంబరమే-తన్నీరే-శోరే ను ,అన్నము పరబ్రహ్మ స్వరూపము.అటువంటి అన్నమును-నీటిని-వస్త్రములను ధర్మముగా దానము చేయువాడు.

"వైకుంఠము-విరజానది- ఉపనిషత్తులను అంబరమే-తన్నీరే-శోరే గా ప్రస్తావించినది ఆండాళ్ తల్లి.

ఓం-నమో-నారాయణాయ అను అష్టాక్షరిని కూడ అంబరమే-తన్నీరే-శోరే లుగా ఆరాధిస్తారు."

అంబరము-వస్త్రము-తన్నీరు-మంచినీరు-శోరే-ఆహారమును ప్రసాదించుటకు

నందుని-యశోదను-కృష్ణుని-బలరాముని నిదుర మేల్కొన మని,నోమునకు రమ్మని అర్థమగుచున్నది.కాని ఇది కేవలము వాచ్యార్థము. నిగమార్థసార నిథులను నిక్షిప్తపరచినది,నిరంతరానుగ్రహమును ప్రసాదించునది ప్రస్తుత పాశురము..

 1.గోదమ్మ సుప్రభాతమును  నందునితో ప్రారంభించినది.ఆచార్యునిగా అగ్రస్థానమునిచ్చినది.

ఆచార్యుడు నందుడు. మంత్ర సంపదను-తద్వారా లభించిన జ్ఞానమును ఆకళింపు చేసుకొనుచు ఆత్మానందములో మునిగితేలు వేదస్వరూపము వంటి  వాడు.మనందరికి తండ్రి వంటివాడు నందగోపన్ సుప్రభాతము.

 2.రెండవ వారు"కొంబనారక్క్" నదీతీరములలో మొలచు,అతి సుకుమారమైన ప్రబ్బలి తీగ.విజ్ఞాన సర్వస్వమునకు నాజూకు రూపమైన మంత్రస్వరూపము. యశోద.ద అంటే ఇచ్చునది-పుట్టినది అను అర్థమును మనము అన్వయించుకుంతే ఆచార్య జ్ఞానమును మంత్రముగా మలచి-దాని అర్థమును తెలియచేయు భాగ్యశాలి.మంత్రము-దాని అర్థము-పరమార్థము తానైన యశో విభూషిత యశోద సుప్రభాతమమ్మా.అరిఉరాయ్ అన్నది.ఎళుందిరాయ్ అనలేదు.అది సంప్రదాయము. మంత్రము ఎప్పుడు శక్తితగ్గి ఉండదు.అందులకే అరివురాయ్ అని జాగరూకవు కమ్మంటున్నారు.

 3.మూడవ వారు " అంబరం ఊడు అరుత్తు ఓంగి" చెలగి వసుధను,గగనమును కొలిచిన త్రివిక్రమ స్వరూపుడు.. మన స్వామి.తల్లి-తండ్రులకు విధేయుడు.వారిని దాటి బయటకు రాలేని వాడు.ఆచార్య అధీనములో నున్న మంత్రమునకు అధీనుడు.యశోప్రద-ఆనందుల కుమారుడు.కనుక వారి ప్రకాశమునకు ప్రతీకయై ప్రకాశించు పరమాత్మా సుప్రభాతము..

 4.నాల్గవ స్థానములో నున్న వారు"శెంబొర్ కళలదిచ్చెల్వా" వీరత్వ ప్రతీకగా ఎర్రగా బంగరు కాంతులతో ప్రకాశించు కాలికడియము కలవాడా ఓ బలదేవా!.కన్ననికి అన్న.మంత్రమును సదారక్షించు బలవంతుడు.అదే మన భాగవతుడు.

  లౌకికముగా బలరాముడు శ్రీకృష్ణునకు అన్న.అయినప్పటికిని స్వామిని మేల్కొలిపిన తరువాత మేల్కొలుపబడుచున్నాడు.అనంతుడు స్వామికి అన్నగా జనించి ఆదమరచి నిదురించుచున్నాడట.ఎక్కడైన శయ్యయే శయనించుట కలదా అని కవి చమత్కారము

.

ఈ నలుగురు మహనీయుల స్వభావములను గుర్తించుటకు నందనాయకుని వస్త్రములు-చల్లని నీరు-అన్నమును ప్రసాదించు వానిగా స్తుతించినది.అదియును ఏదో కొద్ది సేపు-కొంచము కొంచముకాదు.నిరంతర పుష్కల ప్రసాదము. ఇదే వారసత్వము కారణ-కార్య సంబంధముగా శ్రీకృష్ణ పరమాత్మ ద్రౌపదికి వస్త్రములు -అక్షయ పాత్ర-అన్ని వేళల తోడునీడ అను చల్లని నీరు  ఇచ్చి ఋజువు చేసికొనినాడు. 

 వైకుంఠ ప్రాప్తి-విరజానది స్నానము-విడివడని కృష్ణభక్తియే వారుకోరుకొనునవి.

.

యశోదమ్మ సుకుమారతను నదీతీరములలో పెరుగు ప్రబ్బలితో పోలిచినది"కొంబనారుక్కు" సులభసాధ్యతను "కులవిళక్కే" అని మంత్ర తేజముగా తెలిపినది. కన్నని తో పాటుగా నందుని,బలరాముని,యశోదను నోముస్థలికి తీసుకునిరమ్మని చెప్పి,నీళాదేవిని మేల్కొలుపుటకు గోపికలతో పాటుగా కదులుచున్న,

 ఆండాళ్ దివ్య తిరువడిగళే శరణం.