ప్రియ మిత్రులారా!
" తనోతు నః శివః శివం."
*****************
అణువణువు శివమే.అడుగడుగు శివమే.
శివానుగ్రహము అర్థముకానిది.అయినప్పటికిని అద్భుతమైనది.అది అట్టడుగున నున్నవారినిసైతము గట్టిగా పట్టుకుంటుంది.మత్తుకళ్ళనుతెరిపిస్తుంది.కొత్తదనమునుచూపిస్తుంది.స్వామికరుణ మనలను సందర్శింప చేస్తుంది.సంభాషిస్తుంటుంది.సన్నుతింపచేస్తుంది.సన్మార్గము చూపిస్తుంది .
కాని చమత్కారము.లీలగా,
మనలను మాయలో ముంచేస్తుంది.శివమును నిందింపచేస్తుంది.నిలదీస్తుంటుంది.నిష్టూరమాడుతుంది.
నేనే వ్రాస్తున్నానను భ్రమలో ముంచివేస్తూ,
"తనోతు నః శివః శివం" అను
శివమును విస్తరింపచేయు శివుని కీర్తించుటకు ప్రయత్నిస్తుంది.
శివునికి దాసోహమనాలన్న నన్ను తనకు దాసోహము చేసుకుని నా అజ్ఞానము కొసమెరుపులు దిద్దుతానంటూ,ముసిముసిగానవ్వుతూ,కొసరి కొసరి తప్పులను వడ్డిస్తుంటుంది.శివస్వరూపులు పెద్దమనసుతో నా దోషములను మన్నించి,నన్ను ఆశీర్వదిస్తారన్న నమ్మకముతో,ఈ నా చిన్నిప్రయత్నమును మీతో పంచుకుంటున్నాను.
కదిలేది ప్రపంచం-కదలనిది పరమాత్మ.
భజశివమేవ నిరంతరం.
ఏక బిల్వం శివార్పణం.
