ఆదిత్యహృదయం-శ్లోకం-07
********************
ప్రార్థన
******
" జయతు జయతు సూర్యంసప్తలోకైకదీపం
హిరణసమిత పాప ద్వేషదుఃఖస్య నాశం
అరుణకిరణ గమ్యం ఆదిం ఆదిత్యమూర్తిం
సకలభువన వంద్యం భాస్కరం తం నమామి."
పూర్వరంగము
************
అద్వితీయమైనపరమాత్మ "రశ్మిభావన"తో సముద్యంతుడై పునః సృష్టిని కావించి,పాలించుటకై,తన నుండి కొన్ని అద్భుతశక్తులను కిరణములగా భూమిపైప్రసరింపచేయుచు వాటికి బ్రహ్మ-మహేశ్వర-విష్ణు-స్కంద ఇత్యాది నామములను ప్రసాదించినాడు.
ప్రస్తుత శ్లోకములో ఉద్భవించిన ఆ శక్తులకు సహాయకారులుగా మరికొన్ని శక్తిబృందములను విస్తరించినాడు.
వానికి వివిధ సార్థకనామములను-స్వభావములను ప్రకటించినారు.
ఐతిహాసికపరముగా సమన్వయ కథనమున్నప్పటికిని మనకు వాటిని కార్యనిర్వహణశక్తులుగా/ప్రాణశక్తులుగా వైజ్ఞానిక శాస్త్రము వివిధశాఖలను అప్పగిస్తుంది.
శ్లోకము
*****
" పితరో వసవ సాధ్యా యశ్వినో మరుతో మనుః
వాయుర్వహ్ని"
ప్రజాప్రాణ ఋతుకర్తా ప్రభాకరః"
ముఖ్యపదము"-వాయుర్వహ్ని ప్రజాప్రాణా"
ప్రజలప్రాణశక్తులు-అగ్ని/చైతన్యము-వాయువు గాలి.
పరమాత్మ అన్ని ఉపాధులలో అగ్నిస్వరూపముగా దాగి-దానిని ఉచ్చ్వాశ-నిశ్వాసములను వాయు ప్రక్రియ ద్వారా ప్రజల/సమూహముల ప్రాణశక్తులను నిర్వహిస్తూ,శైశవము -కౌమారము-యవ్వనము-వానప్రస్థము-వృద్ధాప్యము అను ఋతువులను ఏర్పరచుచున్నాడు.శిశిరము ఉపాధి సమాప్తి.
స్థూలము సైతము సూర్య రశ్ములచే వివిధకార్యములు నిర్వహింపబడుతూ,
వసంత-గ్రీష్మ,వర్ష,శరత్-హేమంత అను ప్రకృతికి వివిధ అవస్థలను కల్పించి,మహాప్రళయమను వివిధ ముగింపును తెస్తుంది.
మహాప్రళయ సమయము వరకు పాలించేవారిని-ధర్మాచరణులను మనువులు అంటారు.వీరు బ్రహ్మ మానస పుత్రులుగా కీర్తింపబడుచున్నారు.
మను శాస్త్రమును ప్రామాణికముగా స్వీకరిస్తారు.అల్లసాని పెద్దన "మనుచరిత్ర" అను ప్రబంధమును మనకు అందించారు.
దీర్ఘకాల పరిపాలనా దక్షులు-విషయగ్రహణ శక్తి కలవారు-ధర్మపరాయణులు. వీరు.కల్పాంత ప్రళయము తరువాత తిరిగి సృష్టి జరిగినపుడు మనువు మారి పరిపాలనను కొనసాగిస్తాడు
.
స్వాయంభువ మనువు మొదటివాడు.ఇప్పుడు మనము ఏడవ మనవైన "వైవశ్వత మన్వంతరములో ఉన్నాము.
అదేవిధముగా వాయుశక్తికి సహాయకార శక్తులుగా ఏడుగురు 'మరుత్తులు" అన్న నామముతో స్థూలములోను,ఉపాధులలోను సంచరిస్తూ ప్రాణశక్తికి దోహదపడుతుంటారు.
"ఆవహం అంటే వాయువు.
ఆవహం-ప్రవాహం-సంవహం-ఉద్వహం-వివహం-పరివహం-వరవహం అని వీరి సంకేతిక నామములు.ఆవడు-ప్రవహుడు-సంవహుడు-ఉద్వహుడు-వివహుడు-పరివహుడు-వరవహుడు అని వ్యవహరిస్తారు.ఇంద్రునిచే ప్రహరింపబడిన పిండముయొక్క యొక్క ఏడుభాగములని,దితి ఇంద్రుని"మారుద-మారుద"కొట్టవద్దు-విఛ్చేద పరచవద్దు" అనిన కారణముగా మరుత్తులు అన్నారని చెబుతారు.
మారుత సహాయక శక్తులు కనుక మరుత్తులు అంటారు.వీరు మేఘములో-వర్షములో-ఆకాశములో,సూర్యమందలములో-చంద్రమండలములో,నక్షత్రమండలములో,గ్రహమండలములో సప్తర్షి మందలములో సంచరిస్తుంటారట.మన శరీరములో పంచేంద్రియములలో,నాడీ మందలములో,జీర్ణవ్యవస్థలో ,రక్తప్రసరణములో,ప్రాణ వ్యవస్థలో శక్తులుగా,కార్యనిర్వహణమును చేస్తుంటారు.
స్థిర-చర శక్తులుగా"మాతాచ-పితాచ"తథా పితృ జనుక పితృదేవతా నామములతో స్థిర-చర/స్థావర-జంగమ శక్తులను ప్రసాదించే కిరనములను స్వామి ప్రసరింపచేస్తాడు.
వసో సమృద్ధిః అన్నట్లు వివిధ సంపదలను ప్రాణులకు అందించుటకు మరికొన్ని కిరణముల గుంపు నిరంతరముగా శ్రమిస్తుంటుంది.
ఆరోగ్యం భాస్కరాదిత్యేత్ అన్న సూక్తిని అనుసరించి,అశ్వనీదేవతలను రెండు రోగనిర్థారణశక్తి-రోగ నిరోధకశక్తిగా పరిగణిస్తారు. ,
నశక్యాన్-దస్త్రాన్ అన్న నామములతో కిరణరూపములో పనిచేస్తుంటాయి.
మేథస్సును-సాధనను పెంచే సాఫల్యశక్తిని అనుగ్రహించే కిరణములే సాధ్యులు.ఇది వైజ్ఞానిక పారిభాష అయితే ఐతిహాసికకథనము-మన పూర్వీకులను పితృదేవతలుగా(విశ్వే దేవతలుగా) అష్టవసువులను గంగాపుత్రులుగా,మరుత్తులను దితిపుత్రులుగా,సాధ్యులను తపోసంపన్నులుగా,అశ్వనీదేవతలను సూర్యపుత్రులుగా,14 మంది మనువులులను బ్రహ్మ మానస పుత్రులుగా ,
సృష్టి-స్థితి-సంహార-తిరోధాన-అనుగ్రహ "పంచకృట్య నిర్వహము లో ప్రధాన శక్తులకు సహాయశక్తులుగా సన్నుతిస్తాయి.
ఉపాసన దృష్టి కలవారు జలమును అర్ఘ్యప్రదా నముతో,వాయువును అజపా శ్వాసతో,అగ్నిని యజ్ఞకార్యములతో ,నేలను భూమిపూజలతో,నింగిన పండుగ విశేషములతో సేవిస్తూ,వానిలో దాగిన పరమాత్మను/శుద్ధ చైతన్యమును దర్శించి ధన్యులవుతారు అని అగస్త్యుడు రామచంద్రునికి కర్తవ్యోపదేశము చేయుచున్న తరుణమున,
" తం సూర్యం ప్రణమామ్యహం."
