SARVA SAMKSHOBHANA CHAKRAMU.

 

 "  తాదృశం ఖడ్గమాప్నోతి యేన హస్త స్థితేనవై

    అష్టాదశ  మహాద్వీప0 సమ్రాడ్భోక్తా భవిష్యతి"

  పూర్వభాగ పరిచయము

  ***********************

 

 "లకారః పృథ్వీబీజం తేన భూబింబముచ్యతే

  సకారః చంద్రమా భద్రే కలా షోడశమాత్మకః"

 అంటూ భూపురములో ప్ర్థ్వీ తత్త్వమును.సర్వాసా పరిపూరకములో జలతత్త్వమును సంకేతించిన పరమేశ్వరుడు,మూడవ ఆవరణమైన,

సర్వసంక్షోభణచక్రమును 'హ కార బీజమైన " వ్యోమ తత్తముతో సంకేతిస్తూ పార్వతితో ,తన అష్టమూర్తి తత్త్వమే అష్టదళ పద్మని

అనంగ శక్తులను ప్రస్తావిస్తున్నాడు.

 

 సంక్షోభణము అనగా స్పందనము/కదలిక.స్పందనము ద్వారా /చైతన్య ప్రసరణమును గావించి పరిపాలించుట.త్రిపురసందరి చక్రేశ్వరిగా,ఎనిమిది అతిమహత్తర శక్తిస్వరూపములుగా ,

కుసుమా

ఏఖలా

మదనా

 మదనాతురా

 రేఖా

 వేగినీ

 అంకుశా/కుశా

 మాలినీ అను

    గౌణనామములతో,

 అనంగాను ఉపసర్గను ముందు నిలుపుకుని సాధకునికి సహాయపడుతున్నాయి.

   హ కారబీజపూరితమైన సర్వసంక్షోభణ చక్రములోని అనంగ శబ్దము ఆకాశతత్త్వమునకు ప్రతీకయైనది.

 ఒక విధముగాచూస్తే ఆ అనంత ఆకాశమునుండి ప్రకటింపబడినవి ఏగా వాయు,అగ్ని,జల,భూమి అను మిగిలిన భూతములు.

  అనంగ శక్తులు గుప్తతరముగా చేయుచున్న పనులను గమనిద్దాము.

 1.కుసుమా మాత మనమునిశ్చలముగానున్నదని భ్రమపడే భూమి తిరుగుటకు కారణముగాను,

2.మేఖలా మాత జలము తళుకులీనుచు ప్రవహించుతకు కారనముగాను

3.మదనా మాత అగ్ని ఊర్థ్వముఖముగా జ్వలించుతకు కారనముగాను

4.మదనాతుర మాత వాయువు మందముగాను/తీవ్రముగాను అవసరమును బట్టి వీచుటకు కారనముగాను,

5.రేఖా మాత ఆకాశము వ్యాపకత్వముతో విరాజిల్లుటకు కారనముగాను

6.వేగ మాత సూర్యోదయ-సూర్యాస్తమయములకు కారనముగాను/సూర్యగమన శక్తిగాను

7.కుశా మాతచంద్ర కళల తిథి రూపములకు కారనముగాను

8.మాలిని మాత జీవుల మనోభావముల వైవిధ్యమునకు/చలనమునకు కారణముగాను శక్తిని ప్రసాదిస్తున్నారు.

  గమనిస్తే విశ్వమును/జీవులను స్పందింపచేసే అనుగ్రహ శక్తులే

గుప్తతర యోగినులు.విశ్వపాలనమనగా విశ్వములోని సకల చరాచర పాలనయే కదా.

   వారు ఎవ్వరు గమనించలేన్విధముగా చలన స్వరూప/స్వభావములతో  జీవులు సైతము చక్రభేదనము చేయుటకు,నవావరణమున ప్రవేశించుటకు కారణభూతులగుచున్నారు.

  

 

  త్రైలోక్యమోహనము-సర్వాశా పరిపూరకము-సర్వ సంక్షోభనము అను మూడు ఆవరణములను "సృష్టి త్రయ చక్రములు" అని అంటారు.

సాధకులు ఈ మూడు ఆవరణములలో జరుగుచున్న భౌతిక పరిణామములను గమనించే స్థితిలోనే ఉంటారు.నేను-విశ్వము,దేహము-ఆత్మ,జీవుడు-దేవుడు అనే ద్వంద్వభావములనుండి,యోగినీ మాతల సహాయముతో,చక్రేశ్వరుల ఆశీర్వచనములతో,కోణ విలసితములైన (కుశాగ్ర బుద్ధిని అందించు)"సర్వసౌభాగ్యదాయక చక్రా ప్రవేశార్హతను పొంది,నిర్ద్వంద్వ స్థితిని తెలుసుకొనుటకు ప్రయత్నిస్తుంటాడు.

  సర్వంకామేశ్వర-కామేశ్వరి చరణారవిందార్పణమస్తు.

SARVAASAA PARIPURAKA CHAKRAMU

 

 "  తాదృశం ఖడ్గమాప్నోతి యేన హస్త స్థితేనవై

    అష్టాదశ  మహాద్వీపాం సమ్రాడ్భోక్తా భవిష్యతి"

  పూర్వభాగ పరిచయము

  ***********************

 " లకారః పృథ్వీ బీజం తేనభూబింబముచ్యతే" 

  ఫ్పార్వతీ ల కారము  ప్ర్ఠ్వీతత్త్వమునకు మూలబీజముగానున్నది.విశ్వములో త్రైలోకమోహన చక్రముగాను,జీవుల ఉపాథులలో  మూలాధారచక్రముగాను అమరియున్నది.

 విద్య-అవిద్యా స్వరూపిణి అయిన జగన్మాత ,

 అవిద్య గా చేతనులలోను,విద్యా స్వరూపిణిగా ప్రకటయోగినులు-చక్రేశ్వరి గా విరాజిల్లుతు సాధకుని తమోగుణమును మాయా మలమును దూరము చేసి గమనమును సుగమము చేస్తున్నది.

  " సర్వాశా పరిపూరక చక్రము"

    *******************

 అమ్మ అనుగ్రహముతో ఒక్క మెట్టు ఎక్కి రెండవ ప్రాంగనములోనికి ప్రవేశించిన సాధకుడు,వికసిస్తున్న పదహారు రేకులతో వృత్తాకారముగా నున్న ఆవరణములోనికి ప్రవేశించాడు.

   విశ్వములో "సర్వాశా పరిపూరక చక్రము"అని ఉపాధిలో "మణిపూరక చక్రము అని పిలుస్తారట.

  "షోడశ కళానిధికి షోడశోపచారములు" అను నాదము నినదిస్తుండగా,పదహారుగురు మాతృమూర్తులు సాధకుని సాదరముగా ఆహ్వానిస్తున్నారు.

   వారిని "గుప్తయోగినులు" అని కీర్తిస్తారు.ఆకర్షణ శక్తులుగా భావిస్తారు.వారినే,

1.షోడశాక్షరీ మంత్రము యొక్క

2.షోడశ జాతకకర్మల యొక్క

3.షోడశ తిథుల యొక్క 

   సంకేతములుగా అర్థము చేసుకుంటారు.

     అప్పటి వరకు చదును నేలపైనడిచిన సాధకుడు వృత్తాకారము చుట్టు అడుగులు వేయుటను అభ్యసిస్తున్నాడు.

   ఇంతకీ  అ ప్రదేశము జలమునకు ప్రాముఖ్యత వహించినది.

 చంద్ర కళల వివరమును తెలుపుచున్న ఆ ప్రదేశమునకు చంద్రుడు ,వరుణుని అధిదేవతగా-శ్రీగౌరిని ప్రత్యధిదేవత గా కలిగిఉన్నాడు.

  చంద్రమా మనసో జాతః అన్నట్లుగానే సాధకుని మనసులో చేరి ఆశ/కోరిక విచారణమును గావిస్తున్నాడు.

 మనో బుద్ధ్యహంకారములు-శబ్ద-రూప-స్పర్శ-రస-గంధములను పంచమాత్రలు,సాధకుని చిత్తములోని అధైర్యమును పోగొట్టి,మనసులోని దేహాత్మ భావమును తొలగిస్తూ,పరబ్రహ్మ తత్త్వము పలుకరించునట్లు చేస్తున్నారు.

 తమోగుణమను నిద్రను విడిచి స్వప్నావస్థలో నున్న సాధకుడు తనకోరికల గురించి ఆలోచిస్తున్నాడు.ఇది సర్వాశా పరిపూరకము.కాని సరియైన ఆశలు మాత్రమే సాఫల్యమును పొందుతాయి.

  అసలు తనకోరికలకు కారణమేమిటి? ఏది కోరుకోవాలి?

 మనసులో ఒక మెర్పు.ఆగామి సంచితములా?

 పూర్వ జన్మలలో చేసిన పాప-పుణ్యములా

    లేక

 తదుపరి జన్మలలోనేననుభవించవలసిన ఫలితములా

    నాలో ప్రవేశించి కోరికలుగా వెలువడునవి

 బీజాకర్షిణి మాత సాధకుని దరిచేరి నా మనసులోని ఆశాపాశములను-దేహభ్రాంతిని తొలగించి వేస్తున్నది.

   నావేఅనిపించే సుఖదుఃఖముల-బరువు బాధ్యతల మూటలు వానిని వీడి గుట్తలుగా పడియున్నాయి శరీరాకర్షిణి చల్లని దీవెనలతో.

 బుద్ధ్యాకర్షిణి మాతనా దరిచేరగానే ఇన్నిరోజులు సాధకుని ఆడించిన ఇంద్రియములు వాని దరిచేరి ఆడించుటకు తడబడుచున్నాయి.మనసు సైతము తన ఒరవడిను మార్చుకుంటున్నది.రజోగుణమయితే చల్లగా జారుకున్నది.

  నాలో గుప్తముగా జరుగుచున్న మార్పులను గమనిస్తూ,ఆ పదహారుగురు తల్లులు సాధకుని చక్రేశ్వరి అయిన "త్రిపురేశి" మాత దగ్గరకు తీసుకుని వెళ్లి పరిచయము చేశారు.ప్రణామములనందుకున్న తల్లి సాధకుని ఆశీర్వదించి,మరొక మెట్టు ఎక్కి,సర్వసంక్షోభణ చక్ర ప్రవేశార్హతను అనుగ్రహించింది.

  కామేశ్వర-కామేశ్వరి చరణారవిందార్పణమస్తు.