etlaa ninnettukumdunammaa-varalakshmi talli

ఎట్లా నిన్నెత్తుకుందునమ్మా ఇట్లా రమ్మని పిలిచి,కోట్ల వరములిస్తావమ్మా. *********************************************** చారుమతిని కరుణించిన శ్రావణ వరలక్ష్మి చరణాలను సేవించగ తరుణులార రారమ్మా. ఆహా! మన భాగ్యము అని ఆహ్వానించేద్దాము అద్దము వంటి మనసును ఆసనము అందాము పాహిమాం అని అంటూ పాదములను కడుగుదాము అర్ఘ్యం అమ్మా అంటూ అరచేతులు తాకుదాము కమనీయ ముఖమునకు ఆచమనీయం అందాము పాలకడలి పట్టికి పంచామృత స్నానము చేయిద్దాము శుద్ధోదక స్నానమంటూ ఉద్ధరించమందాము సకల శాస్త్రాలనే వస్త్రాలను కట్టుదాము అమ్మా, ఆఘ్రాణించు అని సాంబ్రాణిని వేద్దాము త్రిగుణాత్మక దీపాలతో తిమిరము పోగొడదాము పాపములను ధూపములతో పరిహరించమందాము పంచేంద్రియ పూవులతో పూజలెన్నో చేద్దాము అథాంగ పూజలు.అర్చనలు కథలు చదివేద్దాము తొమ్మిది ముడుల తోరము తోడు అని చుట్టుదాము భక్ష్య,భోజ్య,చోహ్య,లేష్యములను భక్తితో నివేదిద్దాము పరిమళ తాంబూలమును ప్రసాదముగ అడుగుదాము కందర్పుని తల్లికి కర్పుర హారతులను ఇద్దాము మన దర్పము తుంచమని మనవి చేసుకొందాము తల్లి ధ్యానము ధ్యాస అను కుడి,ఎడమల అడుగులతో ఆత్మ ప్రదక్షిణము చేద్దాము విడిపోని కరుణా వీక్షణమును కోరుదాము సత్ చిత్ రూపిణి మా ఉన్మత్తత తగ్గించమని నిమిత్తమాత్రులమంటూ మంత్రపుష్పము సమర్పిద్దాము బ్రహ్మాండ రూపిణి అండదండ నీవనుచు కలవరమును తొలగించే వరము కోరుకుందాము వ్రతకథను చదువుకుని వెతలను తరిమేద్దాము ఒకరోజు స్వప్నమని ప్రతిరోజు సత్యమని పాదములను పట్టుకొని పరవశించి పోదాము. భక్తి తక్కువైనను ఫలము తప్పనీయకని చరణధూళి తాకుతు శరణు వేడుకుందాము అపరాధ క్షమాపణకు అభ్యర్థనలను చేస్తు పాలకడలి తల్లిని ప్రార్థించుకుందాము అమ్మ చరణములే శరణములు.

ammalaganna amma.

 

మనసు-బుధ్ధి-అహంకారము-చిత్తం అంతః కరణములు.కరణము అనగా పనిముట్టు.అంతః కరణము అనగా తనను తాను తెలిసికొనుటకు ఉపకరనములు.మనసు రూపము అనిర్వచనీయము.కాని దాని స్వభావము కొంచం కొంచము అర్థమవుతుంది.తన భావనా బలముతో భావనలకు రూపకల్పన చేస్తుంది.మనసు చూపిస్తున్న రూపముల యోగ్యతాయోగ్యములను వర్గీకరించే శక్తిని రెండవ ఉపకరణమైన బుధ్ధి కలిగిఉంది.బుధ్ధి రీజనింగ్ కలది.మూడవ ఉపకరణమైన అహంకారమునకు యోగ్యతాయోగ్యములతో సంబంధములేదు.వస్తువు కావాలో వద్దో నిర్ణయించుకుంటుంది.ఈ మూడింటి కంటె విరుధ్ధ స్వభావము కలది చిత్తు.అమ్మ అంతహ్కరణ ప్రభావితము కాని ఆహో పురుషికా.పురుషికా అనే శబ్దము శక్తికి సంకేతము.

    అమ్మ మనకు సాకారమై సాక్షాత్కరించవలిసిన పని ఏమి?తల్లి ఆనంతాకాశము నుండి కొంచము పరిమితమై,వాయువుగా మరికొంచము పరిమితమగుచు,అగ్నిగా పైవాటి లక్షణములతో పాటుగా శబ్ద-స్పర్శ-రూపములను వెంటబెట్టుకుని,జలముగా ఇంకొంచము రసమును తెస్తూ,ప్ర్థ్వి తత్త్వముగా గంధమును అందిస్తు తనకు తాను మన కొరకు క్లుప్తమై,పంచభూత తత్త్వ పరమార్థమును  మంకు పరికరములను బాహ్య సాధనకు అందిస్తున్నది.

  ఆత్మః దర్శనమునకు అంతకరణములను అందిస్తున్నది.

 అమ్మచిదగ్నికుండ సంభూతా.నామరూప స్వభావ క్రియలు బాహ్యము.లు.కాని నిజమునకు అవి సంకేతములు.

  తల్లిమీది ప్రేమ అపరిమితము.కనుకనే శిశువు తాను తల్లి నుండి విడివడినప్పటికి దానిని గుర్తించలేక తనకుతాను నడుచువరకు తను-తన తల్లి ఒకటే అను భావముతో ఉంటాడు.వేరుగా భావించడు.

  మనము అదే భావనతో సాగుతూ అమ్మ కృపను పొందుదాము.

 శ్రీమాత్రే నమః.