సాహో స్వాతంత్రమా ! జయహో గణతంత్రమా!
******************************
******************************
శ్రీ అంబేడ్కర్ అందించిన అద్భుత అభంగమా
భారత రాజ్యాంగమను భవితవ్యపు మంత్రాంగమా
అణువణువున గణగణమని జనగణమన పాడుతుంటే
సాహో స్వాతంత్రమా ! జయహో గణతంత్రమా!
భారత రాజ్యాంగమను భవితవ్యపు మంత్రాంగమా
అణువణువున గణగణమని జనగణమన పాడుతుంటే
సాహో స్వాతంత్రమా ! జయహో గణతంత్రమా!
అల్లూరి వీరత్వము _ ఆనందుని వివేకము
కలనేతగ నేసినది ఆ కాషాయపు రంగు
కలనేతగ నేసినది ఆ కాషాయపు రంగు
ఆ గాంధీ ఆశయాలు _ ఆ థెరెసా ఆచరణలను
మగ్గముపై నేసినది మధ్యనున్న తెలుపు రంగు
మగ్గముపై నేసినది మధ్యనున్న తెలుపు రంగు
పంచ భూతములు శుచిగ- పంచ భక్ష్య రుచులుగ
పల్లెరైతు నేసినది ఆ ఆకుపచ్చ రంగు
పల్లెరైతు నేసినది ఆ ఆకుపచ్చ రంగు
ఇరవై నాలుగు ఆకులు -ఇరవై నాలుగు గంటలు
నీలివృత్త నృత్యము నిరంతర ప్రయత్నము
ఆకులన్ని సమానము వ్యాకులతా నిర్మూలనము
ధర్మపు నడిబొడ్డు చూడు అశోక ధర్మచక్రము
నీలివృత్త నృత్యము నిరంతర ప్రయత్నము
ఆకులన్ని సమానము వ్యాకులతా నిర్మూలనము
ధర్మపు నడిబొడ్డు చూడు అశోక ధర్మచక్రము
నేతల చాతుర్యమనే నేతగల మన పతాక
ఉయ్యాల-జంపాల నేల-నింగి ఊగుతుంటే
ప్రగతికి ప్రతీకగా పైపైకి ఎగురుతుంటే
గణనీయము కాదా మన గణతంత్ర దినోత్సవము.
ఉయ్యాల-జంపాల నేల-నింగి ఊగుతుంటే
ప్రగతికి ప్రతీకగా పైపైకి ఎగురుతుంటే
గణనీయము కాదా మన గణతంత్ర దినోత్సవము.
జైహింద్.
No comments:
Post a Comment