నేనేమనగలను? వానిని
********************
ఆవరించు చీకటిలా అమావాస్య పుడతాడు (మహా శివరాత్రి)
జాగృతమగుటకు జాబిలి జతకడతాడు (చంద్ర శేఖరుడు)
********************
ఆవరించు చీకటిలా అమావాస్య పుడతాడు (మహా శివరాత్రి)
జాగృతమగుటకు జాబిలి జతకడతాడు (చంద్ర శేఖరుడు)
ఐదు ముఖములతో తానుంటూ బహుముఖ పూజలందుకుంటాడు
ఆలింగనములు ఇస్తాడు,లింగము తానంటాడు.(మార్కండేయునికి)
పెద్ద దిక్కు నేనని దిక్కులు చూస్తుంటాడు
వరములు ఇస్తుంటాడు,పరుగులు తీస్తుంటాడు (భస్మాసురుడు)
వరములు ఇస్తుంటాడు,పరుగులు తీస్తుంటాడు (భస్మాసురుడు)
కామేశ్వరి పతిని అని కామిని వెంటపడతాడు
తెలివైన వాడినంటాడు,తెల్లబోయి చూస్తాడు(మోహిని)
తెలివైన వాడినంటాడు,తెల్లబోయి చూస్తాడు(మోహిని)
అల్లుడిని అని అలుగుతాడు,ఇల్లరికము ఉంటాడు (దక్షుడు,హిమవత్పర్వతము)
కన్నులతో కాల్చుతాడు,కన్నెను పెండ్లాడుతాడు(మన్మథుని,పార్వతి
కన్నులతో కాల్చుతాడు,కన్నెను పెండ్లాడుతాడు(మన్మథుని,పార్వతి
కుడిఎడమల తను-సతి అని కూరిమి పలుకుతాడు (అర్థనారీశ్వరము)
ఎడమను దాచేస్తాడు,కుడిరూపుగ ఉంటాడు (దక్షిణామూర్తి)
ఎడమను దాచేస్తాడు,కుడిరూపుగ ఉంటాడు (దక్షిణామూర్తి)
నీటిని,నిప్పును తనలో నిక్షిప్తము చేసుకున్నవాడు (గంగమ్మ,మూడో కన్ను)
నీటిని జారనీయడు,నిప్పును ఆరనీయడు
నీటిని జారనీయడు,నిప్పును ఆరనీయడు
ప్రణవములో తానుంటూ ప్రళయములో ముంచుతాడు (జలమయం)
వీర భద్రుని పంపిస్తాడు,చిన్ముద్రలో ఉంటాడు (రౌద్రం-శాంతం)
వీర భద్రుని పంపిస్తాడు,చిన్ముద్రలో ఉంటాడు (రౌద్రం-శాంతం)
సన్యాసిని తానంటు సంసారిగ ఉంటాడు (మాయా సతి)
నాదము తానంటాడు-మౌనముగా ఉంటాడు (డమరుక నాదము,మౌన బోధ)
నాదము తానంటాడు-మౌనముగా ఉంటాడు (డమరుక నాదము,మౌన బోధ)
అమంగళము తనుధరించి మంగళము అని అంటాడు(పుర్రె,బూడిద,విషము)
కర్మలు జరిపేస్తాడు.కరుణను కురిపిస్తాడు (పాపహరుడు-సదా శివుడు)
కర్మలు జరిపేస్తాడు.కరుణను కురిపిస్తాడు (పాపహరుడు-సదా శివుడు)
నేననగలను వానిని ---వాడే సర్వేశ్వరుడు అని.
( ఏక బిల్వం శివార్పణం)
No comments:
Post a Comment