RAKSHIMCHUNU (రక్షించును)

   రక్షించును

***************

 మత్తేభపు పెత్తనములునర్తించే ఈ జగములో

 మత్తేభవదనుడు నను రక్షించును ఈ క్షణములో

 .....

 పుండరీకములెన్నో గాండ్రించే ఈ లోకములో

 పుండరీకాక్షుడు నను రక్షించును ఈ క్షణములో

 .....

 వికటమగు మకరినోట కటకటలాడే ఈ జగములో

 మకరిబాధ తప్పించును కరివరదుడు ఈ క్షణములో

.........

 గోమాయువులా ఏమారిచే జిత్తులున్న ఈ లోకములో

 గోపాలుడు చిత్తుచేసి రక్షించును ఈ క్షణములో

 ............

 అసురపీడా విసురుగ ముసురుతున్న ఈ జగములో

 మురహరుడు సరగున నను రక్షించును ఈ క్షణములో

 ........

 అంతరంగ శత్రువులు అదురులేక,బెదురులేక

 నిరంతరముగ చెల్లాచెదురు చేయువేళ

 బయలుదేరి రావయ్యా భయముగొల్పు నాదరికి

 సాయముచేసి చేరనీ అభయవేల్పు నీదరికి.