సౌందర్య లహరి-41
పరమపావనమైన నీ పాదరజకణము
పతిత పాలకమైన పరమాత్మ స్వరూపము
గులకరాయిగా నన్ను గుర్తించినదే తడవుగా
పాద ధ్యానమునకు నన్ను తరిలించినదేమొ
భావనామాత్రతతో భావోద్వేగములను తొలగించగ
అనుక్షణ రక్షణలో శుభలక్షణములను అలదినదేమో
పరిశుద్ధమైన మనసుకు పరిపక్వతనందించగ
అతిశయ అనురాగముతో అజ్ఞానమును తొలగించినదేమో
జాడ్యములను తొలగించి జ్ఞానమును కలిగించగా
సానపెట్టి రాతిమనసు సాలగ్రామమగుచున్న వేళ
నీ మ్రోలనే నున్న నా కేలు విడనాడకమ్మా,నా
మానస విహారి ఓ సౌందర్య లహరి.
No comments:
Post a Comment