TIRUPPAAVAI-01

 మార్గళి తింగళ్ మదినిఱైండ నన్నాళాల్
 నీరాడప్పోదు వీర్ పోదు మినో నేరి జైఈర్
 శీర్ మల్గుం ఆయ్ ప్పాడి చ్చెల్వ చ్చిఱు మీర్గాళ్
 కూర్వేల్ కొడుందొళినన్  నందగోపన్ కుమరన్
 ఏరారంద కణ్ణి యశోదై ఇళంశింగం
 కార్మేని చ్చెంగణ్ కదిర్మదియం పోల్ముగత్తాన్
 నారాయణనే నమక్కే పఱై తరువాన్
 పారోర్ పుగళ్ప్పండింద్ ఏలో రెంబావాయ్.

 ఓం నమో నారాయణాయ-1

***********************

విచిత్రముగ నామది " శ్రీ విల్లిపుత్తూరుగా" గా మారినది
"విష్ణు చిత్తీయమై" శ్రీహరినామ సంకీర్తనమే కోరుతోంది

బ్రాహ్మీ ముహూర్తమనే సత్వగుణ ప్రధానమైన
సమ శీతోష్ణత గల " శ్రీ మహా విష్ణు మాసములో"

ధన్యతనందించ గలుగు "ధనుర్మాస వ్రతమైన"
అంగనలారా! మంగళ "శ్రీ రంగనాథుని సేవలలో"

భక్తి తత్పరతయే భవతారణ భాగ్యమైన
బాహ్యాభ్యంతర శుచియగు " భాగీరథీ స్నానములో"

"పర-రూప-విభవ-అర్చ-ఆంతర్యాది" రూపమైన
" ధర్మార్థకామమోక్ష" భాసురమను పాశురములలో

తెల్లవార వచ్చెనమ్మ చెలులారా రారె
తెల్ల బరచగ "భక్తి"పూల మాలలతో నేడె

భావము

"మార్గళి" సుప్రభాత సమయము శుభ ప్రదమైన " శ్రీ వ్రతమును" మనందరము కలిసి ఆచరించుటకు సానుకూలముగా నున్నది.పరమ పావనమైన "శ్రీ గోదా-రంగనాథ" మూర్తులయందు విహరించుచున్న నా మనసు,పవిత్రమై,పాశురములను కీర్తించుచు,భక్తి పువ్వులను,శరణాగతి అను దారముతో అల్లుచున్న హారములను స్వామికి సమర్పించుటకు, చెలులారా!కదిలి రండి.తెల్లవారు చున్నది.