SIVA SANKALPAMU-105

   శివ సంకల్పము-105

 నువ్వు తిక్కలోడివని అంది నా మూఢత్వం

 నిన్ను చక్కదిద్దాలనుకుంది నా మూర్ఖత్వం

 నీకేమి తెలియదంది నా అహంకారం

 నీకు తెలియచేయాలనుకుంది నా అంధకారం

 నిన్ను గౌరవించలేనంది నా తాత్సారం

 నీతో గారడి చేయాలనుకుంది నా మాత్సర్యం

 నీకు నాగరికత లేదంది నాలోని ఆటవికం

 నిన్ను నాగరికుడిని చేయాలంది నాలోని ఆధునికం

 నీకు పాఠము చెబుదామనుకుంది నాలోని ఆర్భాటం

 నీకు పరీక్ష పెట్టాలనుకుంది నాలోని ఆరాటం

 సముద్రాన్ని పరీక్షించు ఉప్పుబొమ్మ నేనైతే

 నా తప్పు చెప్పినావురా ఓ గొప్ప శంకరా.