ISAAVAASYAM IDAM SARVAM

 ఈశావాస్యం ఇదం సర్వం.

   ************************

  " నమః కులాలేభ్యః కర్మారేభ్యశ్చవో నమః"

     స్వామిని ప్రత్యక్షముగా దర్శిస్తూ పఠించే ఉభయతో నమస్కారము ఇది. మంత్రము ఇరువైపులా "నమః" శబ్దముతో విరాజిల్లుతుంటుంది. అఖిలాండరక్షకునకు అనేకానేక నమస్కారములు.

   ఈశ్వర చైతన్యము బహుముఖ ప్రకాశము.ఈశ్వరానుగ్రహము బహుముఖ ప్రశంసనీయము.

  " నమః శివాయచ-శివతరాయచ."

   ప్రతి ఉపాధి ఈశ్వరమయమే అయినప్పటికిని,మన అజ్ఞానము ఉపాధులలోని, ఉచ్చ-నీచ తారతమ్యములను ఊహించేలా చేస్తుంది.కాని సత్వగుణ సంపన్న సాధకులు,సమస్త ఉపాధులలోను సర్వేశ్వర సాక్షాత్కారమును పొందగలిగిన ధన్యులు.

   " ఋషీనాం పతయే నమో నమః".

 1.బ్రహ్మజ్ఞానమును గుర్తించగలుగు ఉపవీతి,

 2.క్షాత్రమను ఖడ్గమును ధరించిన విషంగుడు,

 3.సృష్టి వ్యాపార సూత్రధారుడైన రోహితుడు,

 4.కులవృత్తుల ప్రవృత్తుల ప్రతి ఉపాధి 

   సదాశివుడే-ముదావహుడే.

  "  భూతేభ్యోః-భూత పతిభ్యో నమో నమః."

  ఉదాహరణకు,

 1.మట్టిపాత్రలను చేయు కుమ్మరులు. కులాలేభ్యః

 2.లోహకారులైన కమ్మరులు- కర్మారేభ్యః

 3.చేపలను పట్టు జాలరులు- నిషాదేభ్యః

 4.పక్షులను వేటాడు బోయవాడు-పుంజిష్ఠేభ్యః

 5.మృగములను వేటాడు ఆటవికుడు-మృగయభ్యః

 6.చెక్క పనులు చేయు వడ్రంగులు-స్తక్షభ్యః

 7చోరకళా ప్రవీణులు-తస్కరులు

  ఇంకా-ఇంకా అనేకానేక ఉపాధులలో నున్నవారందరు రుద్రులే.ఈశ్వరుని ఆమోద ముద్రలే.దయా సముద్రులే.

  " మహేభ్యో క్షుల్లకేభ్యో నమో నమః"

అంతే కాదు,

 1 భూమిని విస్తరింపచేయు రాజు-భువంతయే

 2.మంత్రాంగముతో రాజునకు సహాయపడు మంత్రి-మంత్రిణాం

 3.విల్లులను తయారుచేయు -ధన్వానేభ్యః

 4.బాణములను తయారుచేయు- ఇషుమభ్యః

 5.రథములను తయారుచేయు-రథకారేభ్యః

 6.శిరస్త్రాణమైన-బిల్మిని

 7.శరీర కవచమైన-కవచిని

 8.పెద్దరవముతో శత్రువులను వణికించు-పత్తీనాంపతి

 అసలు ఇన్నిమాటలు ఎందుకు,

  ఆయుధము ధరించి తిరుగు ఆతతావి ఆ ఆదిదేవుడే.

 " విశ్వేభ్యో విశ్వ పతిభ్యో నమో నమః".

స్వామి మనకోసం మోహలంపటునిలా కనిపిస్తాడు.అది ఆయన లీలా విశేషము.

  భక్తులకు మాత్రము ఆ పరమాత్మ,

 1.తీర్థాయచ-తీర్థములలో ప్రవాహరూపములలో నున్నవాడు,

 2.తీర్థ తీరములలోను ఉన్నవాడు-కూల్యాయచ

 3.అవతలి గట్టున నున్నవాడు-పార్యాయచ,

 4.ఇవతలి గట్టున ఉన్నవాడు తానే-వార్యాయచ,

     ఉండి ఏమిచేస్తున్నాడంటే,"మనలను"

 1.ఇవతలి ఒడ్డునుండి అవతలి ఒడ్డునకు చేర్చువాడు-ప్రతరణాయచ,

 2.అవతలి ఒడ్డునుండి ఇవతలి ఒడ్డునకు చేర్చువాడు-ఉత్తరణాయచ.

   అదేనండి కర్మఫలములను సంసారసాగరమునకు ఇరువైపులా తానుండి జీవలకు జననము ఒక ఒడ్డు-మరణము మరొక ఒడ్డు.జనన-మరణములను తీరములకు చేర్చుచున్నాడు ఆ కరుణాసాగరుడు.

 "జగతం పితరే వందేం పార్వతీ పరమేశ్వరం" మన కర్మఫలములను క్షయింపచేసి,తీరములను చేరు పనిని తీసివేసి తరింపచేస్తాడు.తనలో లీనము చేసుకుంటాడు-ఆతార్యాయచ.

    ఆ ఆతార్యునకు అపరాధక్షమాపణ నమస్కారములు.

   ఏక బిల్వం శివార్పణం.

 శివస్వరూపులు నా ఈ దుస్సాహసమును మన్నించి,తప్పులు సవరించుట శివసేవగా భావించి,

నన్ను ఆశీర్వదించెదరు గాక.

       ఓం తత్ సత్.