*********************
అమ్మ అనుగ్రహముతో ఈ రోజు మనము భైరవీతత్త్వమును అర్థము చేసుకొనుటకు ప్రయత్నిద్దాము.
మొట్టమొదట అమ్మ నివాసము మూలాధారము.అంటే ఆ ప్రదేశములో కుండలినీ శక్తి తటస్థముగా నిద్రపోతుంటుంది.అంతా చీకటి.జంతుతతుల వెన్నెముక అడ్డముగా నుండుట వలన అవి నిటారుగా లేచి నిలబడలేనట్లు,మన మనసులలోని చైతన్యము తటస్థముగా ఉంటుంది.దానికి ఎటువంటి ఆశలు-ఆశయాలు-ఆచరణలు ఉండవు.నల్లమబ్బు కమ్ముకొనిన ఆకాశము వలె ఉంటుంది.అప్పుడు మనలను అనుగ్రహించేది భైరవీశక్తి.
శబ్ద-ప్రకాశ (ఉత్కృష్ట) సంకేతములతో నల్లమబ్బులను చెల్లాచెదరుచేసి ప్రకటింపబడు అందమైన మెరుపు వంటి (ఇక్కడ మెరుపు జ్ఞానము.రూపము కాదు) మనసుకు-శరీరమును అనుసంధానము చేస్తూ,మనకు దశేంద్రియ జ్ఞానమును ప్రసాదిస్తుంది.అవే కన్ను-ముక్కు-నాలుక-చెవి-చర్మము వాటిని శక్తివంతము చేయు శబ్ద రూప స్పర్శ రస గంధాదులు.
భైరవీ మాత ఈ పది ఇంద్రియములను పనిముట్లగా మలచి ఆత్మతత్త్వమును అర్థముచేసుకొను అభ్యాసమును ప్రారంభించమంటుంది.
భైరవీమాతా చరణారవిందార్పణమస్తు.
No comments:
Post a Comment