OM NAMA SIVAAYA-83

   ఓం నమః శివాయ-83
  ********************

 విర్రవీగు వారిపై వెర్రిప్రేమచూపుతావు
 స్వార్థపు అభ్యర్థనలను ప్రార్థనలని అంటావు

 అహంకార తపములకు సహకారమవుతావు
 ప్రీతిపాత్రములుగ అపాత్రవరములిస్తావు

 ఆలోచనన్నదిలేక అసురత్వమునాదరిస్తుంటావు
 నిర్లక్ష్యము కూడదంటు ప్రత్యక్షము అవుతావు

 అడిగినాడు అంటావు-అడుసు తొక్కుతుంటావు
 అదునుచూసి వారు అదుపుతప్పుతారు అనుకోవు

 గతితప్పిన ఫలితములతో గాబరపడుతుంటావు
 మేకను జయించావు-పులిని జయించావు

 మేకవన్నెపులులతో  తికమకపడుతుంటావు

 నక్కవినయములేరా అవి ఓ తిక్కశంకరా.


శివుడు తనను గురించి తపము చేశారని,ప్రత్యక్షమై,వారికి వరములను అనుగ్రహించవలెననుకుంటాదు.కాని వారు రావణుని వలె అహంకారముతో తపమాచరించుచున్నారో,స్వార్థముతో అనుగ్రహమును కోరుతున్నారో,లేక తానిచ్చిన వర ప్రభావమును తన పైననే పరీక్స్గితారో,వారి నిజ స్వభావమెటువంటిదో ఆలోచించలేడు-నింద.

 అసురులు నమః శివాయ-అమరులు నమః శివాయ
 వరములు నమః శివాయ-వగచుట నమః శీవాయ

 నమః శివాయ నమః శివాయ ఓం నమః శివాయ