|
Jun 18
 | | ||
ఏరువాక (సీతా యజ్ఞము )
************************
మట్టిపై మమకారమాయె
రైతు కంట కారమాయె
అన్నదాత కళ్ళుసూడ
ఆగని జలధారలాయె
గుండె పగిలి సెరువాయె
మట్టిపై మమకారమాయె
రైతు కంట కారమాయె
అన్నదాత కళ్ళుసూడ
ఆగని జలధారలాయె
గుండె పగిలి సెరువాయె
ఆ సెరువు నీటితోనైన
సేద్యము సేద్దామన్న
సేద్యము సేద్దామన్న
ఏడున్నది ఏరువాక? ఎన్నడమ్మ దాని రాక?
అరకొర వానలాయె
అరక దూపు తీరదాయె
అన్నదాత పెయ్య సూడ
సిక్కిన బొక్కల గూడాయె
బుక్కెడు బువ్వ లేకపోయె
అరక దూపు తీరదాయె
అన్నదాత పెయ్య సూడ
సిక్కిన బొక్కల గూడాయె
బుక్కెడు బువ్వ లేకపోయె
ఆ బొక్కలగూడు కాడెయైన
దుక్కి దున్నుదామన్న
దుక్కి దున్నుదామన్న
ఏడున్నది ఏరువాక? ఎన్నడమ్మ దానిరాక?
దళారీ దందాలాయె
ధర అసలు గిట్టదాయె
అన్న దాత బతుకు సూడ
ఆగమవుతున్నదాయె
ఆశలు బుగ్గిపాలాయె
ధర అసలు గిట్టదాయె
అన్న దాత బతుకు సూడ
ఆగమవుతున్నదాయె
ఆశలు బుగ్గిపాలాయె
ఆ ఆగము నాగలిచేసియైన
సాగు సేద్దమనుకుంటే
సాగు సేద్దమనుకుంటే
ఏదమ్మ ఏరువాక? ఎన్నడమ్మ దానిరాక?
దేశపు వెన్నెముక ఆయె
దేనికి వెనుకాడడాయె
అన్నదాత తెగువ సూసి
పశువులకు పూజలాయె
పంట పనులు షురువాయె
దేనికి వెనుకాడడాయె
అన్నదాత తెగువ సూసి
పశువులకు పూజలాయె
పంట పనులు షురువాయె
నేడే కద ఏరువాక నేటిరైతు ఆశారేఖ!!!!!!!!!!.
(స్పూర్తినిచ్చిన శ్రీమతి శారద రమేష్ గారికి హృదయపూర్వక ధన్యవాదములతో.)
 |  |
No comments:
Post a Comment