శ్రీగోదాం అనన్య శరణం శరణం ప్రపద్యే
*********************************
" శ్రీ విష్ణుచిత్త కులనందన కల్పవల్లీం
శ్రీ రంగనాథ హరిచందన యోగ దృశ్యాం
సాక్షాత్ క్షమాం కరుణయా కమలామివాన్యాం
గోదామనన్య శరణం - శరణం ప్రపద్యే".
శ్రీవైష్ణవ సాంప్రదాయానుసారము "ఆళ్వారులు" అనగా దైవభక్తిలో అనవరతము మునిగియున్న జ్ఞానగనులు.బధ్ధజీవులను తమతో పాటు తిప్పుకొనుచు,భగవత్తత్త్వము అను సముద్రములో అనవరతము మునకలను వేయిస్తు,ప్రకృతిలోని ప్రతివస్తువులోను-ప్రతిచర్య లోను పరమాత్మను దర్శింపచేస్తూ,బ్రహ్మానందమును చేర్చువారు.మార్గదర్శకులుగా సామాన్యుల వలె కనిపిస్తూ సర్వమును అర్థముచేయించగల దైవాంశ సంభూతులు.దివ్య నమస్కారములు .
" భూతం నరస్య మహదహ్వయ భట్టనాథ
శ్రీ భక్తిసార కులశేఖర యోగివాహాన్
భకాంఘ్రిరేణు పరకాల యతీంద్ర మిశ్రాన్
శ్రీమత్ పరాంకుశ మునిం ప్రణతోస్మి నిత్యం."
ఆళ్వారులులలో ఒకరైన ఆండాళ్ తల్లి (సాక్షాత్తు భూదేవియే) తనను తాను ఒక సామాన్య గోపిక వలె భావించుకొని,వివిధ స్వభావములు కలిగిన గోపికలను ఎంతో ఓర్పుతో-నేర్పుతో తనతో కలుపుకొనుచు,అందరు కలిసి పర వాయిద్యమును స్వామి దగ్గర నుండి ( పరము అను సాయుద్యమును) పొందుటకు చేయు వ్రతము( పావై)ఇది.ఇది ఎటువంటి వ్రతము? తిరు వ్రతము.అనగా శ్రీకరము-శుభకరము.దీనిని ముప్పదిరోజులు ముప్పది పాశురములను కీర్తిస్తు,చేయవలసిన పనులను చేస్తూ,చేయకూడని వానిని విసర్జిస్తూ చేసే సర్వస్య శరణాగతి అను సత్సంప్రదాయము.
మార్గశీర్ష మాసము మాధవునికి ప్రీతికర సమయము.ప్రకృతిపచ్చగా నుండి పరమాత్మను ప్రశంసిస్తుంది..సూర్యుడు ధనుర్ రాశిలోనికి న,ప్రవేశిస్తాడు. కనుక ఈ పవిత్ర సమయమును ధనుర్మాసము అనగా ధన్యతను అందించగల సమయమని భావిస్తారు.మూలద్రావిడములో తల్లి కీర్తించిన పాశురములు ( వాక్పుష్పమాలలను. మాలను) పూమాలలతో పాటుగా రంగనాథస్వామికి భక్తి-ప్రపత్తులతో సమర్పిస్తారు.
రేపల్లెలోని గోపికలను వారి తల్లితండ్రులు శ్రీకృష్ణుని సామాన్య పురుషునిగా భావించి వారి పిల్లలైన గొల్లెతలను స్వామిని కలవకుండా కట్టుదిట్టము చేసినారట.ఆ సమయమున విపరీత వర్షాభావ పరిస్థితి ఏర్పడుట వలన,పెద్దల సూచన ప్రకారము కన్నెపిల్లలు కాత్యాయినీవ్రతమును భక్తిశ్రధ్ధలతో చేసిన ఎడల వర్షములు కురిసి సుభిక్షత కలుగునని,శ్రీకృష్ణుని వ్రత నిర్వాహకునిగా ,గోపికలచే వ్రతమును జరిపించి ధన్యులైనారట. ఆ విషయమును మన తల్లి" కోదై" స్వామి కరుణామృత వర్షమునకై తనను రేపల్లెలోని ఒక గోపికగా భావించుకొని,తన చెలికత్తెలను కలుపుకొని మార్గళి వ్రతమును, కుసుమ మాలలతో-పాశురములతో ముప్పదిరోజుల శ్రీవ్రత విధానమును,దాని పరిపూర్ణ ఫలితములను అత్యంత దయతో మనకు అందించినది తల్లి.కోదై (పూలమాలిక) అను నామము గల ఆముక్తమాల్యద.
సరళముగా చెప్పుకోవాలంటే,
మన శరీరము పంచేంద్రియములకు ప్రతీక."ధనుస్సు" అనే పదమునకు శరీరము అనే అర్థమును కూడ పెద్దలు నిర్వచించారు కదా.మన మనస్సు శరముతో పోల్చబడినది."పరమాత్మ అనుగ్రహము" అను గురి చూస్తు,మన శరీరమును ధనువులా సారించి,మనసు అనే బాణముతో,సర్వస్య శరణాగతి అను విలు విద్యను ఉపయోగించి,పరమాత్మ అనుగ్రహమునకు పాత్రులమగుటయే "ధనుర్మాసము" అని ఆర్యోక్తి.
క్షమాపణ నమస్కారములతో నేను ఆండాళ్ తల్లి విరచిత తిరు-పావై దివ్య వ్రతమును మీతో పంచుకొనుటకు ప్రయత్నిస్తాను.ఎందుకంటే పరమాత్ముని గుణవైభవ సంకీర్తనమును పదిమందితో కలిసి చేసి,పరమానందమును పంచుకొనుట ఈ వ్రత లక్ష్యము కనుక.పరమాద్భుతమైన ఈ ద్రవిడ ప్రబంధము నవవిధభక్తి సమ్మేళనము.నవనీతచోరుని దివ్యలీలా తరంగము.
మార్గళి మాలను సంస్కరించి,సుగంధభరితము చేయుట పెద్దసన్మానముగా భావించి పెరుమాళ్ స్వరూపులు నన్ను ఆశీర్వదించెదరు గాక.
ధన్యతనందించే ధనుర్మాస వైభవమును మనసా,వచసా,కర్మణా స్తుతించి,ఆచరించి,దర్శించి కృతకృత్యులైన మహాను భావులు ఎందరో
.
" అందరికి వందనములు."
అవ్యాజమైన (ఏ అర్హత లేకుండానే) అమ్మదయతో, ఆండాళ్ తల్లి,అసలు పటుత్వమేలేని,నా చేతిని తాను పట్టుకొని,, శ్రీ రంగనాథ కృపా కటాక్షమనే కలమును పట్టించి,నా మస్తకమనే పుస్తకముపై,శ్రీ వ్రత శుభ సమయములో,"మార్గళి మాలై" అను దివ్య పరిమళ పారిజాత మాలను,"స్వామి కైంకర్యమునకై" అల్లుతోంది.ఇంతలోనే,ఇదేమి చోద్యమో! మాయా మోహితమైన (నా) అహంకారము దొంగలా ప్రవేశించి దోషములను ముళ్లను చేర్చుతోంది.
కావున సత్ చిద్రూపులారా! అన్యధా భావించక,మాలను సంస్కరించుటను," శ్రీ గోదా-రంగనాథుల సేవ" గా భావించి,సహకరించగలరని ఆశిస్తూ,
సవినయ నమస్కారములతో -మీ సోదరి.
సద్గురు పరంపరకు సాష్టాంగ ప్రణామములు.
( ఆండాళ్ దివ్య తిరువడిగలే శరణం.)
రేపల్లెలోని గోపికలను వారి తల్లితండ్రులు శ్రీకృష్ణుని సామాన్య పురుషునిగా భావించి వారి పిల్లలైన గొల్లెతలను స్వామిని కలవకుండా కట్టుదిట్టము చేసినారట.ఆ సమయమున విపరీత వర్షాభావ పరిస్థితి ఏర్పడుట వలన,పెద్దల సూచన ప్రకారము కన్నెపిల్లలు కాత్యాయినీవ్రతమును భక్తిశ్రధ్ధలతో చేసిన ఎడల వర్షములు కురిసి సుభిక్షత కలుగునని,శ్రీకృష్ణుని వ్రత నిర్వాహకునిగా ,గోపికలచే వ్రతమును జరిపించి ధన్యులైనారట. ఆ విషయమును మన తల్లి" కోదై" స్వామి కరుణామృత వర్షమునకై తనను రేపల్లెలోని ఒక గోపికగా భావించుకొని,తన చెలికత్తెలను కలుపుకొని మార్గళి వ్రతమును, కుసుమ మాలలతో-పాశురములతో ముప్పదిరోజుల శ్రీవ్రత విధానమును,దాని పరిపూర్ణ ఫలితములను అత్యంత దయతో మనకు అందించినది తల్లి.కోదై (పూలమాలిక) అను నామము గల ఆముక్తమాల్యద.
సరళముగా చెప్పుకోవాలంటే,
మన శరీరము పంచేంద్రియములకు ప్రతీక."ధనుస్సు" అనే పదమునకు శరీరము అనే అర్థమును కూడ పెద్దలు నిర్వచించారు కదా.మన మనస్సు శరముతో పోల్చబడినది."పరమాత్మ అనుగ్రహము" అను గురి చూస్తు,మన శరీరమును ధనువులా సారించి,మనసు అనే బాణముతో,సర్వస్య శరణాగతి అను విలు విద్యను ఉపయోగించి,పరమాత్మ అనుగ్రహమునకు పాత్రులమగుటయే "ధనుర్మాసము" అని ఆర్యోక్తి.
క్షమాపణ నమస్కారములతో నేను ఆండాళ్ తల్లి విరచిత తిరు-పావై దివ్య వ్రతమును మీతో పంచుకొనుటకు ప్రయత్నిస్తాను.ఎందుకంటే పరమాత్ముని గుణవైభవ సంకీర్తనమును పదిమందితో కలిసి చేసి,పరమానందమును పంచుకొనుట ఈ వ్రత లక్ష్యము కనుక.పరమాద్భుతమైన ఈ ద్రవిడ ప్రబంధము నవవిధభక్తి సమ్మేళనము.నవనీతచోరుని దివ్యలీలా తరంగము.
మార్గళి మాలను సంస్కరించి,సుగంధభరితము చేయుట పెద్దసన్మానముగా భావించి పెరుమాళ్ స్వరూపులు నన్ను ఆశీర్వదించెదరు గాక.
ధన్యతనందించే ధనుర్మాస వైభవమును మనసా,వచసా,కర్మణా స్తుతించి,ఆచరించి,దర్శించి కృతకృత్యులైన మహాను భావులు ఎందరో
.
" అందరికి వందనములు."
అవ్యాజమైన (ఏ అర్హత లేకుండానే) అమ్మదయతో, ఆండాళ్ తల్లి,అసలు పటుత్వమేలేని,నా చేతిని తాను పట్టుకొని,, శ్రీ రంగనాథ కృపా కటాక్షమనే కలమును పట్టించి,నా మస్తకమనే పుస్తకముపై,శ్రీ వ్రత శుభ సమయములో,"మార్గళి మాలై" అను దివ్య పరిమళ పారిజాత మాలను,"స్వామి కైంకర్యమునకై" అల్లుతోంది.ఇంతలోనే,ఇదేమి చోద్యమో! మాయా మోహితమైన (నా) అహంకారము దొంగలా ప్రవేశించి దోషములను ముళ్లను చేర్చుతోంది.
కావున సత్ చిద్రూపులారా! అన్యధా భావించక,మాలను సంస్కరించుటను," శ్రీ గోదా-రంగనాథుల సేవ" గా భావించి,సహకరించగలరని ఆశిస్తూ,
సవినయ నమస్కారములతో -మీ సోదరి.
సద్గురు పరంపరకు సాష్టాంగ ప్రణామములు.
( ఆండాళ్ దివ్య తిరువడిగలే శరణం.)
No comments:
Post a Comment