tTIRUVEMBAVAY-21

 

 

 పరమాద్భుతము పరమాత్మ అనుగ్రహము.ఆరుద్రనక్షత్ర దర్శన అడుత్తనాళ్-మరుసటిరోజు నుండి శైవ సనాతన ధర్మమును అనుసరించి తిరుమాణిక్య వాచగరు దర్శించి-స్తుతించిన,"తిరుపళ్ళిఎళుచ్చి" పది పాశురములతో,తురుపెరుం తురై లో కొలువైన అవుడయార్ కోవెల లోని ఆత్మనాథస్వామికి సమర్పించు "సుప్రభాత సేవ" గా దీనిని భావిస్తారు.

 స్వామికి మన ఉపాధి ధర్మములను ఆపాదిస్తూ,మనలో ఒకనిగా భావిస్తు,తెలవారుచున్నదని,నిదురను చాలించి,మేల్కాంచి జగద్రక్షణను జరుపమనుట వాచ్యార్థము.

 నిజమునకు స్వామి అనవరతము జాగరూకతతో మనలను కంటికి రెప్పవలె కాపాడుతుండుట కాదనలేని సత్యము.

అయితే మరి ఈ

 తిరు -శుభకరమైన,మంగళప్రదమైన

 పళ్ళి-నిదుర-పవళింపు నుండి,

ఎళుచ్చి-మేల్కొలమనటములోని అంతరార్థము ఏమిటి?

 పళ్ళి అనే పదమునకు విజ్ఞులు పాఠము అని కూడ అన్వయిస్తారు.

 స్వామి! ఓ అంతరాత్మ మేము ఉపాధి ధర్మమును అనుసరించి,స్వల్పకాలిక లయమును ముగించి తిరిగి జాగరూకులమైనాము.

( నీ అనుగ్రహముతో)

 స్వామి మాకు యుక్తాయుక్త విచక్షణమను పాఠమును బోధించి మమ్ములను ఉధ్ధరించు.

 పళ్ళి అనే పదమునకు ఉపచారమును కూడా కొందరు భావిస్తారు.

 ఈ ఉపచారము మనకు ఉపశమనమును కలిగిస్తుంది కనుక నీ భక్తులు నీవనుగ్రహించిన వారి శక్తి సామర్థ్యములను అనుసరించి నిన్ను సేవించుటకు సిధ్ధముగా నున్నారు.కనుక మేల్కాంచి వారిని ఆశీర్వదించి,అనుగ్రహించు.

 బహిర్ముఖుడవై మా  బడుగుల బాగోగుల బాధ్యతను స్వీకరించు.మేల్కొనియున్న మా మనసు మమ్ములను తికమక పెట్టుతు అకలావికలము చేస్తుంది చంచలత్వముతో గంతులు వేస్తుంటుంది.

   తిరుపెరుంతురు లోని ఆత్మనాథ మమ్ములను సంరక్షించు.

తిరువెంబావాయ్-21

***************

 పోట్రియన్ వాళ్ముదల్ ఆగియపొరుళె

 పూలందద పూంకళత్తు కినైయునై మలర్కొండు

  ఏట్రివన్ తిరుమగణ్ తెనుక్కురళ్ మలరుం

  ఎళిన్లగై కొండుం తిరువడి తొళొకోం

  శేట్రిదళ్ కమలంగళ్ మలరుందన్ వయిల్శోల్

  తిరుప్పెరుం తురైయురై శివపెరుమానే

  ఏట్రియార్ కొడి ఉడియాయె ఎన ఉడియాయె

  ఎం పెరుమానె పళ్ళి ఎళుందరుళాయె

 

 వృష కేతనాయ పోట్రి

 ********************

 తిరుమాణిక్యవాచగరు ఈ పాశురములో మనచే రెండు అద్భుతములను ఆవిష్కరింపచేస్తున్నారు.

 మొదటిది,

 తిరుపెరుంతురై లోని అవుడియార్ కోవెల.

  ఈ కోవెల నిర్మాణముమన కంచర్ల గోపన్న భద్రాచల కోవెల నిర్మాణముతో పోలిక కలిగియున్నది.

  మంత్రిగా నున్న మాణిక్యవాచగరు అశ్వములను కొనుటకు తెచ్చిన రాజధనమును కోవెల నిర్మాణమునకు వెచ్చించి,స్వామి కృపాకటాక్షమునకు సాక్ష్యము తానైన వృత్తాంతము.

   రెండవది,

 "తిరుపళ్ళిఎళుచ్చి" అను అద్భుత స్తోత్రరాజ ఆవిష్కారము చేసి,మనలను అత్యంత అదృష్టవంతులుగా ఆశీర్వదిస్తున్నారు.

   తిరుపెరుంతురైలో విరాజిల్లుతున్న నా శివస్వామి,

నీవు-వాళ్ముదల్ ఆగియ పొరులు.

 ప్రధమముగా ప్రకటింపబడినది నీ దివ్య మంగళ విగ్రహము.

 నీ పాదపద్మములు -మాకు శరణములు.

 అవి ఆశ్రిత రక్షణములు.అవ్యాజ కరుణాకరములు.

 కనుకనే ,

 మేము సామాన్య కన్నులతో చూడగలుగుచున్న కమలములు ఎంతచమత్కారమును చేయుచున్నవో.

 వెలుగురేఖలు వ్యాపిస్తున్నాయి.సూర్యుడు మెల్లగ తన బంగరు కిరణములతో కొలను లోని కమలములతో కరచాలనము చేస్తున్నాడు.అవి పులకించి విప్పారుతు ప్రకాశిస్తున్నాయి.

కాని అవి అంతకు ముందే,

 తిరుముగన్-నీ ముఖారవిందపు,

 నీ తిరువడి తొళుకో-నీ పాదారవిందముల కాంతిని,

 ఎళినగై కొండు-తమతో తీసుకొని వచ్చాయి అని అనిపిస్తున్నది.

 తూరుపు వేకువ రేఖలు విస్తరిస్తున్న సమయమిది స్వామి మేలుకొని మమ్ములను ఏలుకొనవయ్యా. 

  

 తిరుపెరుంతురై అరుళ ఇది

 అంబే ఆత్మనాథ తిరువడిగళియే పోట్రి.

  నండ్రి.వణక్కం.