sattamuni

"ఈశనే  శివగామి నీశనే"

'కుంభముని-మచ్చముని-సత్తముని-బ్రహ్మర్షి అంటూ "నటరాజపత్తు "సత్తముని యొక్క విశిష్టతను వివరిస్తుంది.స్వామి నాట్యమును ప్రత్యక్షముగా దర్శించే మహానుభావుడు.

సుందర మహాలింగముగా ప్రసిధ్ధి చెందినది తమిలనాడులోని చతురగిరి.వేదనిలయముగా వేదవిదుల నిలయముగా ప్రసిధ్ధికెక్కినది.ఎన్ కురైగళ్-నా ఆపదలను పారద్రోలే తారకము.

  లోకాసమస్తాత్ సుఖినోభవంతు అనే ఆశీర్వచనమునకు నిలువెత్తు మూలస్తంభములైన మహనీయులలో ద్రవిడ సంప్రదాయమునకు చెందిన సాక్షాత్ శివస్వరూపులు.సకల్సిధ్ధిలను తమ అధీనములో నుంచుకొనగలవారగుటచే ద్రవిడ సంప్రదాయము వీరిని సిధ్ధార్ అన్న గౌరవ నామముతో కీర్తిస్తుంది.

 అన్నివిద్యలను ప్రప్రథమముగా అవపోసన పట్టుటయే కాదు దాని సత్ఫలితములను సమస్త ప్రజలదగ్గరికి చేర్చే సత్ హృదయులు.అనేకానేక మంది ఉన్నప్పటికిని సత్తముని తన లక్ష్యసాధనకై ఎన్నో త్యాగములను చేసిన మహనీయుడు.

 "చదివించిరి ననుగురువులు

 చదివితిని సర్వశాస్త్రమర్మములెల్లన్ "

 అని ప్రహ్లాదుడు భాగవతములో నుడివినట్లుగా,

 సిధ్ధార్ కరువురార్,సిధ్ధార్ భోగార్ సకలశాస్త్ర సూక్ష్మములను అందించినారు.ఉత్తరభారత గురువును అనుసరించి ఎన్నో ఉత్తమ విద్యాప్రయోజనములను అభ్యసించాడు. 

 తన అధ్యయనమునకు మెరుగులు అద్దుతు పరుసవేది విద్యను సైతము ప్రదర్శించారు.

 ఉందుగలడందు లేడని సందేహము వలదు,సత్తమునిగారికి

రాని విద్యలేదు.తీరని సందేహమసలు లేదు.తన విజ్ఞానమును తరగని సంపదగా తరలించాలన్నదే ఆయన అభిమతము.కాని తోటివారైన తిరుమూలర్ సిధ్ధి అతి పవిత్రమైన విద్యకనుక దానిని బహిరంగపరచకూడదనె నియమమును అనుసరించేవాడు.

 "కొండ అద్దమందు కొంచమై యుండదా"

 సత్తముని విధానము ప్రకారము మానవుని-మహత్తుని ఆవరించి యున్నదే కాని వ్యత్యాసము కేవలము పరిమాణములలో మాత్రమే.స్థూలముగా సర్వము-సూక్ష్మముగా జీవుని నిండియున్న పరమాద్భుత శక్తి.ఏ విద్యభ్యాసమైనను ఈ నిర్వివాద సూత్రము మీదనే ఆధారపడి జరుగుతుంటుంది.

 

 

JAANAPADAMAA/JNAANAPATHAMAA

 జానపదమా/జ్ఞానపథమా

 ****************

 ఎడ్లుపాయె-గొడ్లుపాయె

 ఎనమదొరల మందమాయె

 పూలగొమ్మ నేలపూసె

 కందిరీగ కరిసిపోయె

 కోడి పాయె లచ్చమ్మది

 కోడిపుంజుపాయె లచ్చమ్మది

 బండిపాయె బస్సుపాయె

 నీటికుండ రైలుపాయె

 మరలినేను సూడపోతే

 గాలిమోటరెక్కిపోయె

 అరె అరె అరె

 దూడబోయె లచ్చమ్మది

 లేగదూడబాయె లచ్చమ్మది

 కొండబాట అత్తుంటే

 కోయిలమ్మ  కూత్తుంటే

 వాగుబాటనొత్తుంటే

 వాయిలాల సప్పుడాయె

 పట్టనంత ఎగురుకుంటు

 ఇంటిదారినొస్తుంటే

  

అరె అరె అరె

 పోతుబాయె లచ్చమ్మది లేత పోతుబాయె లచ్చమ్మది

 లచ్చన్న దారిలోన లంబాడియాతనాయె

 సిగురారి     సంతలోన పోతలింగని గంతులాయె

 బంతిపూలు తెంపపోతే గుమ్మడొచ్చి కరచిపోయె

 అరె అరె అరె

 గంపబాయె లచ్చమ్మది పూలగంపబాయె లచ్చమ్మది.

 ఎంతటి వాక్చమత్కారమో వారిది.దొరల దౌర్జన్యాన్ని హెచ్చరిస్తున్న ఈ పాట ఎంతో సందేశాత్మకనక తప్పదు.

 ఎడ్లుపాయె గొడ్లుపాయె అంటున్నారు అవి ఎక్కడికిపోయినాయి అనగానే ఎనమదొరలమందమాయె అన్నారు.చివరికి కోడి పాయె పుంజుపాయె అంటున్నారు.ఇది ఎంతో నిగూర్థముతో నున్న పదము.ఒక విధముగా మహాభారత జూదములో ధర్మరాజు ద్రౌది సహితముగా ఓడి వనములపాలయినారి గంద అది యాదికి తెస్తున్నది.దొరికిన మందము దోచుకొనుడె అన్నట్లున్నది కంద.చిన్న/పెద్ద అని కూడా చూడకుండ లేగదూడ/లేగపోతు అనబట్టిరి.

 అంతే కాకుండా బస్సుపాయె,నీటికుండ రైలుపాయె విజ్ఞానము పెరిగింది కాని వారి కష్టములకు విముక్తి లేకపాయె.మరలి సూడంగానే గాలిమోటరెళ్ళిపాయె.వారి ఆశలు నిరాశలాయె గంద.

రెండవ చరణమును గమనిస్తే పల్లెల్లో హాయిగా కొండబాటల్లో,కోకిలమ్మ కూతలతో నడుస్తున్న ప్రశాంతతను భంగము కలిగిస్తూ,ఆనందమును చెరిపివేస్తూ వాగు చప్పుడు తెర్చవలసిన వాయిదా చప్పుడును గుర్తుచేస్తూ గుండెల్లో గుబులు పుట్టెంచినప్పటికిని,గట్లనే దిగమింగి ఇంటిబాట పట్టినవానికి వాని గొడ్డుగోద మాయమాయె/దోచుకెళ్లిండ్రో/మిత్తికి జమకట్టిండ్రో  గుబులాయె.

 పోతులింగని గంతులేమో జాతరల సోపతేందో బంతిపూలు నేలపూసె గుమ్మడేమో కరచిపోయె

చేతికందిన పంటను అది ఇచ్చే బూమిని గుంజుకెళ్ళినారు అంటూ

 గంపబాయె లచ్చమ్మది/పూలగంపబాయె లచ్చమ్మది అని దొరల దౌర్జన్యపుమును కళ్ళకు కట్టినట్లు

చెబుతూనే జర భద్రం కొడుకో అన్నట్లున్నది . 

 

 

 

జననీ జోహారులు.

జననీ జోహారులు

ఒదిగి ఒదిగి అందించే,ఒద్దికైన ప్రేమను

పొదుగుతున్న కోడిలో,నీలో నే చూస్తున్నా

చక్కని రూపమునిచ్చిన ఓర్పుకు నా జోహారులు

..............

హారము రిపుసం హారమనే అపురూపపు ప్రేమను

ఎగురుతున్న కాకిలో,నీలో నే చూస్తున్నా

చల్లని జీవితమును ఇచ్చిన ఉక్తికి నా జోహారులు

.....................

బుద్ధులను నేర్పించే సత్యబద్ధమైన ప్రేమను

పూజిస్తున్న గోవులో,నీలో నే చూస్తున్నా

విచక్షణను ఇచ్చిన శిక్షణకు నా జోహారులు

....................

సందు సందు మారుచున్న అందమైన ప్రేమను

దాస్తున్న పిల్లిలో,నీలో నే చూస్తున్నా

అప్రమత్తతను ఇచ్చిన ఉదాత్తతకు నా జోహారులు

......................

వీక్షణమున రక్షించే లక్షణమైన ప్రేమను

ఒడ్డునున్న తాబేటిలో,నీలో నే చూస్తున్నా

కరుణను వర్షించే కన్నులకు నా జోహారులు

.......................

వెనుకంజయే లేని వెన్నంటు ప్రేమను

ఎగురుచున్న కంగారులో,నీలో నే చూస్తున్నా

విడువక ముడిపడిన కడుపుతీపికి నా జోహారులు

.......................

గుడ్లను గూటికి మార్చిన గుండెకోత ప్రేమను

రాగాల కోకిలలో,నీలో నే చూస్తున్నా

అనురాగము వెదజల్లు త్యాగమునకు నా జోహారులు

..........

ఎన్నెన్నో రూపాలలో ఎన్నలేని ప్రేమను

పరిమాణము కొలువలేని ప్రణామముల కోవెలను

మొక్కుబడి తీర్చినట్లు ఒక్కరోజు మొక్కుటేల

ఎదగుడిలో ప్రతిష్టించి

పదిలముగా పూజిద్దాము.

అమ్మా అన్నింటిలో నీవే కనిపిస్తున్నావు

కమ్మని నీ ప్రేమతో నన్నే మురిపిస్తున్నావు.

 జగమంతా నిండిన

జననీ జోహారులు.

అమ్మా!!! నన్ను మన్నించు.

  అమ్మా!!! నన్ను మన్నించు.

 ************************  

  పదినెలల వ్యవధిలో,తన గర్భ పరిధిలో

  పాపలా మారు నన్ను కనుపాపలా చేరుతూ

  పుట్టగానే నన్నుచూసి ముసిముసిగా నవ్వావు

  పదినెలల వ్యవధిలో నీ గర్భ పరిధిలో

  రూపమే తెలియని నేను పాపగా మారుతూ

  పుట్టగానే నిన్నుచూసి కసికసిగా యేడ్చాను

  ముద్దొస్తూ పెరగాలని చనుపాలగా మారావు

  యెద్దేవా చేశాను నా పాలబడ్డావని

  నోరు కాలుతుందంటూ గోరుముద్ద పెట్టావు

  నోరుజారి నేనేమో గోరుచుట్టువన్నాను

  నిదురకై జోకొడుతూ జోలపాట పాడావు

  చీదరగా చీకొడుతూ జోరీగవన్నాను

  సుడిగుండములను దాటించగ ఈతగా మారావు

  గుదిబండవని చాటుతూ రోతగా అన్నాను

  కడుపులో తన్నినా,కడవరకు తన్నినా

  చిలిపి చేష్టలన్నావు,చిరునవ్వే నవ్వావు

  కల్లమాట కాదు,కానేకాదు వమ్ము

  తల్లడిల్లనీదు నిజంగా నన్ను నమ్ము

 మసక తొలగిపోయింది,అసలు తెలుసుకొమ్మంది

 మాధవ నివాసమైన నీ మధుర గర్భవాసినై

 తల్లీ తరియించనీ తరతరముల సాక్షిగా.

అమ్మకానిదేది?

  ముక్కోటి దేవతలు మెచ్చిన నిచ్చెనరా

  "కొనగలవా అమ్మను" కోట్లను వెచ్చించి

   ఆశ్చర్యమున మనము అమ్మనే తలుస్తాము

 " అమ్మ బాబోయ్" అంటూ ఉద్వేగం తోడుగా

   ఆనతి కాదనలేక అమ్మనే తలుస్తాము

   "అమ్మమ్మ ఎంతమాట" అంటూనే   ఉంటాము

    ఆటపాటలలోను అమ్మనే తలుస్తాము

    "అమ్మదొంగ" అంటు అల్లారు ముద్దుగా

    ఆటవిడుపు సమయములో అమ్మనే తలుస్తాము

    "అమ్మయ్య "అంటూ మనకమ్మని పలుకులతో

  

     ఆక్రందనలోను అమ్మనే తలుస్తాము

     "అమ్మా "అని అంటూ అప్రయత్నం గానే

    అనవసరపు మాటలలో అమ్మనే తలుస్తాము

    "అమ్మలక్క" కబురులు బహు కమ్మగ ఉంటాయంటు

    ఆకలిలోను మనము అమ్మనే తలుస్తాము

     అడగనిదే" అమ్మైనా" పెట్టదని అంటూ

    అన్నిభావాలలో అపరంజిగ దాగినది

    సప్తస్వర శోభిత "తప్తకాంచనముర అమ్మ"

   

    తళతళలతో కళలెన్నడు తరగని జాబిల్లి

    "అమ్మ కానిదేది లేదు" ఇది కమ్మని నిజము

    అమ్మ "అమ్మకానికే లేదు" ఇది త్రిభువన విజయము.

 " మా అమ్మ సీతమ్మ పావన పాద పద్మములకు ప్రణామములతో-సుబ్బలక్ష్మి.

 

అమ్మంటే ఏమిటో నేను చెప్పనా - సంతకాల పుస్తకము.

 అమ్మంటే ఏమిటో నేను చెప్పనా -

సంతకాల పుస్తకము.
******************
వికారమును తనుభరించి, ఆకారమును ఇస్తుంది,
అమ్మ ఒక "అద్భుతం."
తాడు తాను సృష్టించి, ఆహారమును ఇస్తుంది,
అమ్మ ఒక "అమృతం."
కానరాని శక్తినిచ్చి, కదలికలను కలిగిస్తుంది,
అమ్మ ఒక" అవ్యక్తం."
గర్భసంచిని పెరగనిచ్చి, తాను జరుగుతూనే ఉంటుంది,
అమ్మ ఒక "అక్షయం."
శిశువు జననము గురించి, ప్రసవ వేదన తానై సహకరిస్తుంది,
అమ్మ ఒక "అద్వైతం".
కసిగా నన్నేడిపించి, ముసి ముసి నవ్వౌవుతుంది,
అమ్మ ఒక "అనుభవం."
పాలను పట్టించి, ఒట్టువేసినట్లే ఒడిలో కట్టిపడేస్తుంది,
అమ్మ ఒక "అయస్కాంతం."
ముద్దులతో మురిపించి ఒజ్జయై తీర్చిదిద్దుతుంది,
అమ్మ ఒక" అధ్యయనం".
సూర్య-చంద్రులను చూపించి సూక్ష్మాలను నేర్పుతుంది,
అమ్మ ఒక "అభ్యాసం".
పట్టుదలను అందించి నేను పడిలేస్తుంతే ఫరవాలేదు అంటుంది
అమ్మ ఒక "అనునయం."
కష్టమునకు తానోర్చి కావలిసినదేదైన కాదనలేనంటుంది,
అమ్మ ఒక" అల్లాయుద్దీన్ అద్భుతదీపం."
మనసారా దీవించి మానవత్వ విలువలను ప్రేరేపిస్తుంది,
అమ్మ ఒక" అభ్యుదయం."
ఆది-భౌతిక పుష్టినిచ్చి మార్గము సుస్పష్టముచేస్తుంది,
అమ్మ ఒక "అదృష్టం."
నిగ్రహమునిచ్చి నవగ్రహపీడలను దూరంచేస్తుంది,
అమ్మ ఒక "అనుగ్రహం."
వారసులనిచ్చి, సృష్టిని కొనసాగింపచేస్తుంది,
అమ్మ ఒక "అజరామరం."
ఇంకా...ఇంకా.ఇంకా ఎన్నో ఎన్నెన్నో !!!!!!!!!!
చెప్పాలనుకుంటున్నా కాని చెప్పలేకపోతున్నా
ఎన్ని నేను చెప్పినా కొన్నిగానె అవుతున్నాయి, ప్చ్,ప్చ్,ప్చ్
బిక్కమొగము వేసిన నన్నుచూసి ................
ఎప్పటివలె బెంగతీర్చి, సంభాషించుటకు భాషలు చాలవంటుంది,
అమ్మ ఒక "అనిర్వచనీయం".
మొక్కవోని ధైర్యమిచ్చి ," ముక్కోటిదేవతలను" తన మునివేళ్ళపై చూపుతుంది
" వారి సంతసపు సంతకాల పుస్తకమే అమ్మ"
చెంతనున్న పులకించును ఆపాదమస్తకమే అమ్మా!
నీ లక్షణముల అక్షరాలు అక్షింతలై దీవిస్తుంటే
ప్రతి స్త్రీలో నీ సంతకము ప్రతిబింబము అవుతోంది
ప్రతీకగ, ప్రణామములు స్వీకరిస్తూ

మాతృదేవోభవ మనసా స్మరామి.

 మాతృపూజాదినోత్సవ శుభాకాంక్షలు.

**************************************
మాతృ దేవోభవ-మనసా స్మరామి
***********************************
అమ్మ చల్లని ఒడిలో మొదలైనది నా జన్మ
అనవరతము అమృతము కురిపిస్తుంది అమ్మ.

పెరుగుతు..పెరుగుతు,

బోర్లపడగ ప్రయత్నిస్తే పొట్ట వత్తుకుంటోంది నాకు
పొట్ట వత్తుకుంటోందని అమ్మ మనసు తిట్టుకుంది.

అమ్మ మనసు తిట్టుకుంటోందని బోర్లపడటం ..మానేసా.

పెరుగుతు..పెరుగుతు,

అన్నీ అందుకోవాలని అంబాడాలనుకున్నా
అంబాడగ ప్రయత్నిస్తే అదిరాయి నా మోకాళ్ళు
మోకాళ్ళను చూసి అమ్మ మనసు బెంబేలెత్తేసింది
అమ్మ మనసు బెంబేలెత్తేసిందని పాకటము..మానేసా
.
పెరుగుతు..పెరుగుతు,
మడుగులొత్తించుకుందామని అడుగులేద్దామనుకున్నా
అడుగులేయ ప్రయత్నిస్తే పిచ్చి పిర్ర చుర్రుమంది
పిర్ర చుర్రుమనుట చూసి అమ్మ మనసు నొచ్చుకుంది
అమ్మ మనసు నొచ్చుకుందని.నడక నేను నేర్చుకున్నా.

పెరుగుతు..పెరుగుతు,
చక్కదనము అందీయగ చదువుకోవాలనుకున్నా
చదువుకోగ ప్రయత్నిస్తే అవరోధాలెదురాయె
అవరోధాలను చూసి అమ్మ బాధ పడింది
అమ్మ బాధ పడిందని..అసలు మనిషి నేనయ్యా.

పెరుగుతు..పెరుగుతు,

నా సందేహం పెరిగింది ...అది..
నా బాధతో మమేకమైన ..అమ్మ.
ఒక్కసారి..ఒకే ఒక్కసారి
నేను గట్టిగా ఏడిస్తే..నన్ను చూస్తూ
గమ్మత్తుగా నవ్వింది..ఎందుకో..తెలియదు
మీకైన తెలుసా..ఎప్పుడో..ఎప్పుడంటే
నేను పుట్టినప్పుడు ???????????????

ఎంత పెద్దవాడినైన అద్దమంటి నా మదిలో
ముద్దుగా కూర్చున్న హృద్యమైన ఆ నవ్వును
ఆశీర్వచనమై ఆలంబనగా ఉండనివ్వు...అమ్మా..వందనము

అమ్మ స్వగతం

 

  అమ్మ స్వగతం

  **********

 ముద్దుగుమ్మ కాదు అమ్మ (నేడు)

 మొద్దుబారిన రాతి బొమ్మ

 విరిగిన తన రెక్కచూసి

 ఎగురలేని తనము తెలిసి

 ఎవరికి చెబుతుంది అమ్మ

 ఏమని చెబుతుందమ్మా?

 నిట్టూర్పుతో సాగింది నిశితో

 తన పయనము

 నిశివెనుక వెలుగే వస్తుందని

 వేకువమ్మ చెప్పింది తాకుతూ

 ఆ అమ్మను.

 పట్టుదలతో సాగింది నెట్టూతూ

 తన పయనము

 శిశిరములో ఉన్నావు వసంతమేవస్తుందని

 చెట్టుతల్లిచెప్పింది గట్టిగా 

 ఆ అమ్మకు

 ఎండమావితో సాగింది మొండిగా

 తన పయనము

 ఎండవెనుక తప్పక వెన్నెలమ్మ వస్తుందని

 జాబిలమ్మ చెప్పింది జాలిగా

 ఆ అమ్మకు

 కలికాలముతో సాగింది కన్నీళ్ళతో

 తనపయనము

 వాన వెనుక తప్పక హరివిల్లే వస్తుందని

 అంబుదమే చెప్పింది వంధువుగా

 ఆ అమ్మకు

 నిత్యమైన ప్రకృతి సత్యమైన పలుకులు విని,

  అదరదు శోకాగమనమునకు

 అమ్మ ఆపదు తనగమనాన్ని.

ABOUT ME

 

ABOUT ME

 నా గురించి.నా పేరు నిమ్మగడ్డ సుబ్బలక్ష్మి.విశ్రాంత తెలుగు అధ్యాపికను.కుతూహలమే కాని తగినంత కుశాగ్రబుద్ధి లేనిదానను అయినను శారదాంబను

   " నీ పాదము పట్టి నిల్చెదను
     ప్రక్కనె నీ వు పరీక్ష వ్రాయుమా" అని

    ప్రార్థించగా అనుగ్రహించిన ప్రసాదములు  నా రచనలు అనుకొనబడే ఈ చిన్ని కవితలు.

    సాహితీ సింధువులో ఒక చిన్న బిందువునైన నేను వీటిలోని లోపములను పెద్దమనసుతో సవరించుటకు  మీ ముందుంచుతున్నాను.వాటిని సవరించి ఆశీర్వదించగలరు.ధన్యవాదములతో.

IF A IS ADDED TO A SPECIFIC WORD-పదమునకు ముందు ఆ వచ్చిచేరితే -? *

padamunaku mumdu A vachchichaeritae -?

 ********************************

 telugu padamulu tama mumdu A anu achchunu chaerchukuni,pratyaeka arthamunu teliyachaestumTaayi.svatasidhdhamugaa arthavamtamaina padamu tana mumdu A anu achchunu chaerchukuni,vaeroka arthamunu manaku amdistumdi.

 konni padamulanu pariSeeliddaamu.

1.sannam-Asannam

2.pannulu-Apannulu

3.kali-Akali

4.bharaNam-AbharaNam

5.viri-Aviri

6.paga-Apaga

7.karshakuDu-AkarshakuDu

8.moedamu-Amoedamu

9.loechanamu-Aloechanamu

10.kaaram-Akaaram

11.mudamu-Amudamu

12.tapamu-Atapamu

 marikonni padamulanu jatachaeddaamaa.

  dhanyavaadamulu.

పదమునకు ముందు ఆ వచ్చిచేరితే -?

 ********************************

 తెలుగు పదములు తమ ముందు ఆ అను అచ్చును చేర్చుకుని,ప్రత్యేక అర్థమును తెలియచేస్తుంటాయి.స్వతసిధ్ధముగా అర్థవంతమైన పదము తన ముందు ఆ అను అచ్చును చేర్చుకుని,వేరొక అర్థమును మనకు అందిస్తుంది.

 కొన్ని పదములను పరిశీలిద్దాము.

1.సన్నం-ఆసన్నం

2.పన్నులు-ఆపన్నులు

3.కలి-ఆకలి

4.భరణం-ఆభరణం

5.విరి-ఆవిరి

6.పగ-ఆపగ

7.కర్షకుడు-ఆకర్షకుడు

8.మోదము-ఆమోదము

9.లోచనము-ఆలోచనము

10.కారం-ఆకారం

11.ముదము-ఆముదము

12.తపము-ఆతపము

 మరికొన్ని పదములను జతచేద్దామా.

  ధన్యవాదములు.

 

VARUSA MARITAE-?

 gaaraDi maaTalu

 ***************

   aTunumDi iTuvaipunaku jarugutu aksharamulu chaesae gammattulu emta cheppinaa takkuvae.manaku vaaTipai makkuvae.kaavaalamTae konni padamulanu pariSeeliddaamu.

1.kalachi-baadhimchinadi

  chilaka-pakshi/chiluka anikooDaa amTaaru.

2.taDimi-taaki

  miData-purugu

3.chilipi-saradaa

  pilichi-Ahvaanimchi

4.paDaka-talpamu

  kadapa-pradaeSamu

5.rusumu-pannu/sumkamu

  musuru-vaana

6.chempa-pamche

7.puri-ripu

8.churaka-karachu

9.nadi-dina

10.jarigi-girija

   marikonni padamulanu jatachaeyamDi.

  dhanyavaadamulu.

 గారడి మాటలు

 ***************

   అటునుండి ఇటువైపునకు జరుగుతు అక్షరములు చేసే గమ్మత్తులు ఎంత చెప్పినా తక్కువే.మనకు వాటిపై మక్కువే.కావాలంటే కొన్ని పదములను పరిశీలిద్దాము.

1.కలచి-బాధించినది

  చిలక-పక్షి/చిలుక అనికూడా అంటారు.

2.తడిమి-తాకి

  మిడత-పురుగు

3.చిలిపి-సరదా

  పిలిచి-ఆహ్వానించి

4.పడక-తల్పము

  కదప-ప్రదేశము

5.రుసుము-పన్ను/సుంకము

  ముసురు-వాన

6.చెంప-పంచె

7.పురి-రిపు

8.చురక-కరచు

9.నది-దిన

10.జరిగి-గిరిజ

   మరికొన్ని పదములను జతచేయండి.

  ధన్యవాదములు.

 

NIRAMTARAM KAALAMU-JNAANAMU

 

IMPORTANCE OF , IN THE SENTENCE.

 kaamaa nuvvemta jaaNavammaa

 **************************

 piTTakomchamu koota ghanamu anaka maanaru meeru kaamaa chaesae panulu choostae.

 konni vaakyamulaloe nunna kaamaasthaanamunu gamanistae ,emtaTi adbhutamulanu sRshTimchagalavoe chinnagurtulu saitamu ani oppukoeka tappadu.

 konni vaakyamulanu pariSeeliddaamu.

1." maaraeDu" daLamulatoe" maa", "raeDu" poojalamdukonuchunnaaDu chooDu.

2."Ahaaram" koesam Ame "A" "haraam" nu ammimdi.

3."A" kaliprabhaavam "Akali"gaa maarimdi.

4."ASrama" praSaamtata "A" Srama" nu maripistoemdi.

5."I" Sapatham" bhakturaaliki "ISapatham" nu choopimchimdi.

   marikonni vaakyamulaloe kaamaa chaeyuchunna gammattunu choopimchamDi.

   dhanyavaadamulu.

 కామా నువ్వెంత జాణవమ్మా

 **************************

 పిట్టకొంచము కూత ఘనము అనక మానరు మీరు కామా చేసే పనులు చూస్తే.

 కొన్ని వాక్యములలో నున్న కామాస్థానమును గమనిస్తే ,ఎంతటి అద్భుతములను సృష్టించగలవో చిన్నగుర్తులు సైతము అని ఒప్పుకోక తప్పదు.

 కొన్ని వాక్యములను పరిశీలిద్దాము.

1." మారేడు" దళములతో" మా", "రేడు" పూజలందుకొనుచున్నాడు చూడు.

2."ఆహారం" కోసం ఆమె "ఆ" "హరాం" ను అమ్మింది.

3."ఆ" కలిప్రభావం "ఆకలి"గా మారింది.

4."ఆశ్రమ" ప్రశాంతత "ఆ" శ్రమ" ను మరిపిస్తోంది.

5."ఈ" శపథం" భక్తురాలికి "ఈశపథం" ను చూపించింది.

   మరికొన్ని వాక్యములలో కామా చేయుచున్న గమ్మత్తును చూపించండి.

చుక్కా, నవ్వవే-చుక్కానవ్వవే

   ధన్యవాదములు.naa,daanivi naadaanivi.

 

NIRAMTARAMU.KAALAMU-JNAANAMU.

 niramtaram

 **********

 sekanu numDi Sakamu varaku kalamunu kolustu,nirviraamamugaa payanichaedi kaalamu.cheekaTini tarimivaesi velugunu manaku choopimsguTaku ushoedayam emta AvaSyakamoe vaelimudralaku badulu Elika mudranu amdeeyaalugu sthitiki chaerchunadi niramtara saadhanamu.adhyayanamu/abhyaasamu paripushTinamdimchuTaku pakshamula/rekkala vamTivi anukoevachchunu.

 prativaaru nityavidyaarthulae kanuka marinni kottaviSaeshamulatoe rendavabhaagamugaa mimmalni kalustaanu.

 నిరంతరం

 **********

 సెకను నుండి శకము వరకు కలమును కొలుస్తు,నిర్విరామముగా పయనిచేది కాలము.చీకటిని తరిమివేసి వెలుగును మనకు చూపింస్గుటకు ఉషోదయం ఎంత ఆవశ్యకమో వేలిముద్రలకు బదులు ఏలిక ముద్రను అందీయాలుగు స్థితికి చేర్చునది నిరంతర సాధనము.అధ్యయనము/అభ్యాసము పరిపుష్టినందించుటకు పక్షముల/రెక్కల వంటివి అనుకోవచ్చును.

 ప్రతివారు నిత్యవిద్యార్థులే కనుక మరిన్ని కొత్తవిశేషములతో మిమ్మల్ని కలుస్తాను.  

 

TELUGUTALLI BIDDALAM ACHCHU/HALLU/GUNIMTAMU/OTTU.

emtachakkaTi payanamu maadi.naalugugaa naluguriki chaeruvagaa avvaalani maaraamu kaani maemu eppaTikini alisikaTTugaanae umTaamu.

 achchunu naenu.halluni naenu.achchu tanaku taanugaa roopudiddukonina guNimtapu gurtunu naenu.aksharamu tanaku taanugaa malachukonina guNimtapu gurtunu naenu.maemu nalugurumu eppuDu maa amma venakaalae aDutoo-paaDutoo naDustumTaamu.maa amma mammalanu kamTikireppalaagaa choosukunToo bhaashaa saurabhamunu vedajallutumTumdi.

ఎంతచక్కటి పయనము మాది.నాలుగుగా నలుగురికి చేరువగా అవ్వాలని మారాము కాని మేము ఎప్పటికిని అలిసికట్టుగానే ఉంటాము.

 అచ్చును నేను.హల్లుని నేను.అచ్చు తనకు తానుగా రూపుదిద్దుకొనిన గుణింతపు గుర్తును నేను.అక్షరము తనకు తానుగా మలచుకొనిన గుణింతపు గుర్తును నేను.మేము నలుగురుము ఎప్పుడు మా అమ్మ వెనకాలే అడుతూ-పాడుతూ నడుస్తుంటాము.మా అమ్మ మమ్మలను కంటికిరెప్పలాగా చూసుకుంటూ భాషా సౌరభమును వెదజల్లుతుంటుంది.