KURYAAT KATAAKSHAM KALYAANI-02

 

  కుర్యాత్ కటాక్షం కళ్యాణి-శ్లోకము02

  *************************

 ప్రార్థన

    తనీయాంసం పాంసుం తవచరణ పంకేరుహ భవం

    విరించి సంచిన్నన్విరచయతి లోకానవికలం

    వహత్యేనం శౌరిః కథమపి సహస్రేణ శిరసాం

    హర సంక్షుద్యైనం భజతి భసితోద్ధూలన విధిం.

 శ్లోకము

 

  ద్వైపాయన ప్రభృతి శాపాయుధా త్రిదివ సోపాన ధూళి చరణా

  పాపాపహ స్వమను జాపానులీన జన తాపాపనోద నిపుణా

  నీపాలయా సురభి ధూపాలకా దురిత కూపాత్ ఉదంచయతు మాం

  రూపాధికా శిఖరిభూపాలవంశ మణిదీపాయితాం భగవతి.

 

 స్తోత్ర పూర్వ పరిచయము

   దేవతా సమూహములచే కదంబవనములో సేవింపబడుతూ,వారి కిరీట కాంతులచే ప్రకాశమును-మంచిగంధపు సువాసనలీను చేలాంచలమును ధరించి పరిమళమును అనుగ్రహింపచేస్తున్న జగజ్జననిని,తాంబూలరసమును ప్రసాదించి,అప్రతిహత ఆశుధారను అనుగ్రహించమనిన స్తుతిని మననము చేసుకుంటూ,ప్రస్తుత శ్లోకములోనికి ప్రవేశిద్దాము.

 పద విన్యాసము.

 జగజ్జనని- కరుణామయి.

 1.చరణా-పాదపంకజములు కల తల్లి

   ధూళి- చరణా-పరాగ పాద పంకజములు కల తల్లి

   సోపాన- ధూళి- చరణా-

   మెట్ల వంటి  - పరాగ  - పాదపద్మములు కల తల్లి

   త్రిదివ  -సోపాన  - ధూళి చరణా

   స్వర్గమునకు మెట్లవంటి  పరాగ పాదపద్మములు కల తల్లి

   ఆయుధ - త్రిదివ - సోపాన - ధూళిచరణా

   శక్తివంతులైన వారికి -         స్వర్గపు-       దారిచూపు 

 మెట్ల వంటి  -  పరాగ పాదపద్మములు కలతల్లి

   శాప   - ఆయుధ   -త్రిదివ  - సోపాన - ధూళిచరణా

   శపించగల -/వాక్శుద్ధి-వాక్సిద్ధి కల/తపోసంపన్నులైన వారికి  

  -స్వర్గమునకు -దారిచూపగల మెట్ల వంటి - పరాగ పాదపద్మములు 

   కల తల్లి

   ద్వైపాయన   -ప్రభృతి- శాపాయుధ - త్రిదివ సోపాన ధూళి 

   చరణా

   కృష్ణ ద్వైపాయనుడు/వేద వ్యాసుడు   మొదలగు తపోసంపన్నులకు స్వర్గమునకు 

   దారిచూపగల మెట్ల వంటి పరాగ పాద పద్మములు కల తల్లి

    

  "దేవర్షి ముని సంజాత స్తూయ మానాత్మ 

  వైభవా"

             నమోనమః

2 జగజ్జనని-నేర్పరి.

 నిపుణా-నేర్పరి

 అపనోద   - నిపుణా-

  తొలగించుటలో   -నేర్పరి

 తాప -  అపనోద   -నిపుణా

 తాపత్రయములను-తొలగించుటలో  -నేర్పరి

 జన- తాప -  అపనోద- నిపుణా

 జనుల - మూడు తాపములను- తొలగించుటలో- నేర్పరి

 అనులీన- జన - తాప-నిపుణా

 తన భక్త- జనుల- తాపములను తొలగించుటలో- నేర్పరి

 జాప- అనులీన జన- తాప- అపనోద-నిపుణా

 జపమును చేయు/జపించు తన భకత జనుల తాపములను 

 తొలగించుటలో నేర్పరి

 మను-  జాప- అనులీన -జన తాప- అపనోద- నిపుణా

 మంత్రమును జపించు తనభక్త జన తాపత్రయములను తొలగించుటలో 

 నేర్పరి

 ఆధ్యాత్మిక-ఆదిభౌతిక-ఆదిదైవికము అను మూడు తాపములను/తాపత్రయములను  

 తొలగించే జనని.

  తనకు-తన వారికి కలిగే శరీర సంబంధ రుగ్మతలు-మానసిక 

  రుగ్మతలు ఆధ్యాత్మిక తాపములు.

   విషజంతువులచే కలుగుబాధలు ఆదిభౌతికములు.

  వరదలు,అగ్నిప్రమాదములు-ప్రకృతి వైపరీత్యములు ఆదిదైవిక  

  తాపములు అని పెద్దలు చెబుతారు.

  "తాపత్రయాగ్ని సందగ్ధ సమాహ్లాదిక చంద్రికా అయిన తల్లి"  

  మనలను 

  వాటినుండి దూరము చేయును గాక.,

 3. జగజ్జనని-దివ్యమంగళ 

    

     రూపా- దివ్యమంగళ విగ్రహము.

     విశేషముగా భక్తిని గ్రహించునది/భక్తుని అనుగ్రహించునది.

  

  అధికరూపా-సాటిలేని దివ్య మంగళ  విగ్రహా

  వయోవస్థా వివర్జితా-వయస్సునకు సంబంధించిన మార్పులు లేనిది,సర్వావస్థా వివర్జితా-త్రిగుణములుగా ప్రకటింపబడుచున్నప్పటికిని /త్రిగుణాతీత స్థితియును తానైన,సర్వ మంగళ స్వరూపమే తానైనది.   

   అలకా- రూపాధికా -

 చక్కని కేశ సంపదతో కూడిన  అనుపమాన/ పోలిక కానరాని దివ్య 

 మంగళ విగ్రహా 

  ధూప-  అలకా- రూపాధికా

  ధూప సేవనమును పొందిన- చక్కని కేశసంపదతో కూడిన -దివ్య మన్గళ విగ్రహా 

  సురభి ధూప- అలకా- రూప- అధికా

 యదీయం సౌరభ్యం సహజముపలబ్ధం అని సంకీర్తించారు ఆదిశంకరులు.ఆ తల్లి కేశపాశ సహజ సౌందర్యము మా మనసులోని చీకటిని తొలగించును గాక.

   

" దశాంగం గుగ్గిలోపేతం-సుగంధంచ సుమనోహరం

   మహాదేవి నమస్తుభ్యం గృహాణ వరదో భవ"

  క్లేశ హరితములే అమ్మవారి 

  కేశములు.నిత్యసుగంధ 

  భరితములు.సౌభాగ్యప్రదములు.

    దేవి అథాంగ పూజ.

 అగరు సుగంధ ధూప సేవనమును భక్తులకు అనుగ్రహించిన కేశ 

 సంపద కల దివ్య మంగళ విగ్రహా"   నమో నమః

   4.జగజ్జనని-భవతారిణి.        

     ఉదంచయతు-ఉద్ధరించునుగాక

     మే - ఉదంచయతు-నన్ను ఉద్ధరించును గాక

  కూపాత్-మే-ఉదంచయతు-కూపములనుండి నన్ను ఉద్ధరించును గాక

  దురిత- కూపాత్- మే- ఉదంచయతు-పాపకూపములనుండి నన్ను ఉద్ధరించును గాక

 పాప-అపహ- దురిత- కూపాత్- మే-ఉదంచయతు

 పాపములను తొలగించి- పాప కూపము(బావి) నుండి- నన్ను పైకిలేపి- ఉద్ధరించును గాక

 నీపాలయా- పాప- అపహ- దురిత- కూపాత్- మే- ఉదంచయతు.

 కడిమి వనములోనివసించు తల్లి- పాపములను తొలగించి-,పాప కూపము నుండి- నన్ను- ఉద్ధరించును- గాక

 

 భగవతీ- నీపాలయ- పాప-అపహ- దురిత- కూపాత్- మే -ఉదంచయతు

 కడిమి వనవాసియైన భగవతి పాపములను తొలగించి,దురిత కూపము నుండి నన్ను ఉద్ధరించును గాక

 కదంబవనమును ప్రస్తుత శ్లోకములో నీపాలయా, అని సంకీర్తించారు.

 నయతి ప్రాణినః సుఖం-నీపం అన్నది వారి భావన.

 సుఖమును కలిగించేది-దుఃఖములేనిది .కదంబవనము.సకలప్రాణులకు సుఖమును కలిగించేది/దుఃఖమును తొలగించేది అమ్మ కరుణాంతరంగము.

 తల్లి మన హృదయాంతస్థ యైన వేళ మన హృదయము సైతము నీప-ఆలయమే..

 మణిదీపా - భగవతీ- నీపాలయా- పాప- అపహ- దురిత కూపాత్ -మే- ఉదంచయతు.

 మణిదీపమైన భగవతి-కదంబ వనవాసిని పాపములను తొలగించి-పాపకూపము నుండి-నన్ను ఉద్ధరించును గాక.

 భూపాల వంశ- మణిదీపా- నీపాలయా- పాప+ అపహ- దురిత కూపాత్- మే -ఉదంచయతు.

  రాజవంశ మణిదీపము-కదంబ వనవాసి-భగవతి-పాపములను తొలగించి-పాప కూపము నుండి- నన్ను- ఉద్ధరించును గాక.

 శిఖరి- భూపాల వంశ- మణిదీపా నీపాలయ భగవతి పాప అపహర దురిత కూపాత్ మే ఉదంచయతు.

 పర్వతరాజ వంశ మణిదీపము-కదంబ వనవాసిని భగవతి యైన తల్లి పాపములను తొలగించి దురిత కూపము నుండి నన్ను ఉద్ధరించునుగాక.

5. జగజ్జనని సర్వమంత్రాత్మికా

2.స్వమను-సర్వమంత్రాత్మిక యైన జగన్మాత అష్టాక్షరిగా,పంచదశిగా,షోడశి గా,ఇంకా అనేకానేక మంత్రములుగా నాదరూపముతో విరాజిల్లుతూ,నామపారాయణమును చేసేవారి తాపములన్నింటిని తొలగించివేస్తుంది.మంత్రాణాం మాతృకాదేవి

   "నామ పారాయణాభీష్ట" 

    జగజ్జనని అరిషడ్వర్గములలోని  క్రోధవశుడై కాశిపట్టణమునకు శాపమునీయబోవు స్థితి నుండి అన్నపూర్ణయై రక్షించినది అని కూడా మరొక పాఠాంతరము. 

   శిఖరి  భూపాల మణిదీపా-భగవతీ-పాపాపహరా-రూపాధికా అన్న పద భావమకరందముతో అమ్మను అభిషేకించారు.

  ద్వైపాయన-శాపాయుధ-సోపాన-పాపాపహ-జాపానులీన-తాపానోద-నీపాలయా-ధూపాలకా-కూపాత్-భూపాల-మణిదీపా-రూపాధికా అన్న పదములలోని "పా" అను అక్షరమును పలుమార్లు పునరావృత్తిచేసి నాదభూషణములను అలంకరించారు.

  యాదేవి సేవభూతేషు దయారూపేణ సంస్థితా

  నమస్తస్త్యై నమస్తస్త్యై నమస్తస్త్యై  నమోనమః,

  సర్వం శ్రీమాత చరణారవిందార్పణమస్తు.

    అమ్మ దయతో అర్చన కొనసాగుతుంది.

 

 

(