ఓం నమ: శివాయ-50

   శివ సంకల్పము-50

  చేతులార పూజసేయ చెంతకు రావాలంటే

  చెట్టువు కమ్మంటావని చెప్పలేని భయం

  కనులారా దర్శించి కొలవాలనుకుంటేను

  కుక్కవు కమ్మంటావని ఎక్కడో భయం

  పాహి అంటు పాదములు పట్టుకోవాలనుకుంటే

  పాముగ మారమంటావని పాపిష్టి భయం

  తోడుగ ఉందమని వేడుకోవాలనుకుంటేను

  కోడివి కమ్మంటావని నీడలా ఏదోభయం

  హర హర మహదేవుడని వరము కోరుకోవాలంటే

  శరభము కమ్మంటావని నరనరములలో భయం

  అభయము అడగాలంటే అడుగడుగున భయము నాకు

  మొక్కవోని ధైర్యమీయరా ఓ తిక్క శంకరా.