ఓం నమ: శివాయ-64

                శివ సంకల్పము-64

  నగుమోముతో నగములు నిన్ను బంధువు అంటున్నవి

  సాలెపురుగు పాలె దోమ నిన్ను దయా సింధువు అంటున్నది

  తుమ్మెద అమ్మమ్మ నిన్ను కమ్మని చుట్టము అంటున్నది

  కరిరాజు పరివారము నిన్ను వారి సరివాడివి అంటున్నది

  ఎద్దు తరపు పెద్ద నిన్ను పెద్దయ్యవి అంటున్నది

  లేడి చేడియ నిన్ను ఐనవాడివి అంటున్నది

  వ్యాళపతి వాసుకి నిన్ను చుట్టమని చుట్టుకుంది

  తిన్నని కన్న అడవి నిన్ను కన్నతండ్రి అంటున్నది

  హరి సంగతి సరేసరి అసలు చుట్టమంటాడు

  ఇందరి చుట్టమైన నీవు నన్ను చుట్టుకోకుంటే

  "నరత్వం దేవత్వం నగ వన మృగత్వం" అన్న లహరి

  లెక్కలోకి రాదురా ఓ తిక్క శంకరా.