శివ సంకల్పము-62
భూత నాథుడిగ కానరాకుంటే నే భూతద్దములో చూడాలా
సింధువులో కానరాకుంటే నే బిందువులో చూడాలా
సీమ పందిలో కానరాకుంటే నే చీమలో చూడాలా
ఇంద్ర భవనములో కానరాకుంటే నే ఇసుక రేణువులో చూడాలా
బ్రహ్మాండములో కానరాకుంటే నే భస్మములో చూడాలా
పరివారములో కానరాకుంటే నే చూడాలా
భువనములో కానరాకుంటే నే హృదయములో చూడాలా
భాషలో కానరాకుంటే నే భావములో చూడాలా
స్థూలములో కానరాకుంటే నే సూక్ష్మములో చూడాలా
భక్తితో నీవు కానరాకుంటే నే యుక్తితో చూడాలా
చిన్న రూపులలోనున్న నిన్ను చూచుటకు నే
చిక్కి శల్యమవ్వాలా ఓ తిక్క శంకరా.
No comments:
Post a Comment