ఓం నమ: శివాయ-09
ఆనంద భాష్పాలతో అభిషేకము చేయనా
భక్తి మకరందమును గంధముగా పూయనా
భక్తి మకరందమును గంధముగా పూయనా
ఆది, అనాది నీవంటూ బూదిని నే పూయనా
శాంతి,సహన పుష్పాలతో పూజలు నేచేయనా
శాంతి,సహన పుష్పాలతో పూజలు నేచేయనా
పాప రహితము అనే దీపమును వెలిగించనా
పొగడ్తల పూల వాసనలు అను పొగలను నే వేయనా
పొగడ్తల పూల వాసనలు అను పొగలను నే వేయనా
లబ్బు-డబ్బు శబ్దాలతో స్తోత్రములను చేయనా
ఉచ్చ్వాస-నిశ్వాస వింజామరలనే వీచనా
ఉచ్చ్వాస-నిశ్వాస వింజామరలనే వీచనా
అరిషడ్వర్గములు లేని ఆతిధ్యమునీయనా
హరహర మహదేవ అంటు హారతులనే ఈయనా
హరహర మహదేవ అంటు హారతులనే ఈయనా
దాసోహం దాసోహం అంటు ధన్యతనే పొందనా
నా పక్కనే ఉన్నావురా చూడ చక్కనైన శంకరా.
నా పక్కనే ఉన్నావురా చూడ చక్కనైన శంకరా.
No comments:
Post a Comment