ఓం నమ: శివాయ-13
గుర్తించిన పురుగు కరిపాములకు గుడినే కట్టించావు
గుడి గోపురమును చూసిన పాప నాశనము అన్నావు
గుడ్డితనమును పోగొట్టి చూపు నిస్తుంటావు
గుర్తించనివారికిని భక్తి గుళికలు అందిస్తుంటావు
గురువుగా మారి ఎందరినో తరియింపచేస్తావు
గుడిలోన కూర్చుని గురుతర పూజందుకుంటావు
గుహుని తండ్రిగా మారి అహమును తొలగిస్తావు
గుగ్గిల నాయనారు భక్తిని గుబాళింపచేసావు
గుణనిధిని కరుణించి గుండెలో దాచుకుంటావు
గుచ్చిన బాణము చూపి పాశుపతమునిచ్చావు
గుక్క తిప్పుకోకుండా ఎక్కి ఎక్కి ఏడ్చుచున్న నన్ను,నీ
అక్కున చేర్చుకోవేమిరా ఓ తిక్క శంకరా.
No comments:
Post a Comment