మంగళం మహత్
*******************
హాయి హాయి హాయి వెన్నెలమ్మ హాయి హాయి హాయి హాయి
తీయ తీయనైన పాటపాడనీయి బాధపోయి రానీ హాయి
అంటున్న గాన గంధర్వుని జన్మదినం మనకు సుదినము,
బాలుగారు బహుశా....
.
శకుంతములు నేర్పాయి సుస్వరములు శుభాంగికి
మీ ఆలాపన ప్రారంభం ..ఆ గర్భగుడిలో
హరికథలు అందించినవో సుధలను ఆ.సాంబునికి
మీ సాధన సాకారం ..ఆ మాధవ మాసములో
సీమంతపు ఆశీసులు మంత్రించినవో శిశువుని
మీ గాత్రపు సొబగులు ఆ నాడుల సవరింపులో
జననపు జవ్వాజులు పంచమస్వర కోకిలకి
మీ స్వరముల సరిగమలు ఆ ఆమని రాకలో
నామకరణ శ్రీకరములు నారద తుంబుర పాటకి
మీ ఉంగాల రాగములు ఆ నాదోపాసనలో
అన్నప్రాసపు జన్నముల పున్నెములు శిక్షణకి
మీ బహుముఖ ప్రజ్ఞాపాటవము ఆ అమృతోత్సవములో
అక్షరాభ్యాసపు లక్షణపు అక్షింతలు దక్షతకి
మీ పండితారాధ్య పట్టాలు ఆ స్నాతకోత్సవములో
అర్థాంగి కుటుంబము ఆసరగ యజమానికి
మీ ఆత్మీయపు ఆస్తులు ఆ గృహస్థాశ్రమములో
అభ్యాసపు స్వరవరములు అహర్నిశల శ్రామికునికి
మీవైన ప్రశంసలు ఆ అభిమాన నందనములో
అభిననల అలరింపులు అల్లరి తాతయ్యకి
జిలిబిలి మనవళ్ళ,మనవరాళ్ళ ఆ సుతిమెత్తని ఉయ్యాలలో
ఆయురారోగ్యములు,అష్టైశ్వర్యము
మీ ఆనంద జీవితాన ఆ ఆదిదంపతుల అవలోకనములో....వినబడనీ
.........
" శతమానం భవతి..శతాయుష్ పురుషస్య వేంద్రియే ప్రతితిష్ఠతి."
.
No comments:
Post a Comment