చంద్రునికో నూలుపోగు.
శ్రీవాణి ముద్దుబిడ్డ చిరంజీవ శ్రీపతి
ప్రణవనాద ఉద్దండ సుఖీభవ పండిత
స రి గ మ ప ద ని అను సప్తస్వర ఆరాధ్యుల
శకుంతల- సాంబమూర్తి దంపతుల గారాబాల
సుస్వరాల-శుభగుణాల సుపుత్రా! సుబ్రహ్మణ్యం
ప్రణవనాద ఉద్దండ సుఖీభవ పండిత
స రి గ మ ప ద ని అను సప్తస్వర ఆరాధ్యుల
శకుంతల- సాంబమూర్తి దంపతుల గారాబాల
సుస్వరాల-శుభగుణాల సుపుత్రా! సుబ్రహ్మణ్యం
జయీభవ!!!! విజయీభవ!!!
ఆజానుబాహువుల అతిశయమెరుగని రూపం
ఆ నారద-తుంబురుల సంగీతపు ప్రతిరూపం
ఆ నారద-తుంబురుల సంగీతపు ప్రతిరూపం
ఆ గళము స్వరములతో గారడీలు చేస్తుంటే
నమ్మరుకాని అది అమ్మచేతి గోరుముద్ద
నమ్మరుకాని అది అమ్మచేతి గోరుముద్ద
ఆ పలుకులు బహుముఖముల గమ్మత్తులుచేస్తుంటే
అచ్చంగా నాన్నవీపుమీద చేయు సవారీ
అచ్చంగా నాన్నవీపుమీద చేయు సవారీ
నవరస నవోన్మేష నటనను కనపరుస్తుంటే
చెంగు-చెంగు ఎగురుచున్న తువ్వాయి గంటలు
చెంగు-చెంగు ఎగురుచున్న తువ్వాయి గంటలు
కొప్పరపు కవులను మెప్పించిన వివరణలు
చప్పుడుగాకుండా చప్పరించు పిప్పర్మెంట్లు
చప్పుడుగాకుండా చప్పరించు పిప్పర్మెంట్లు
అర్థశతాబ్దపు పాటల ప్రపంచ ప్రస్థానము
జైత్రయాత్ర ఎగరేసిన జాతీయ పతాకము
జైత్రయాత్ర ఎగరేసిన జాతీయ పతాకము
శతవసంత మూర్తిమత్వ సినిమా పురస్కారము
శతమానం భవతి అను శుభ ఆశీర్వచనము
శతమానం భవతి అను శుభ ఆశీర్వచనము
ముందు-ముందు రాబోవు సందడి సందర్భములు
మా అందరిని ఊరించే చెట్టుమీది దోరపండ్లు
మా అందరిని ఊరించే చెట్టుమీది దోరపండ్లు
మీ విజయకీర్తి కేతనము వినువీధిని ముద్దాడుతుంటే
మీ వినయమూర్తి తొణకని నిండుకుండై నేలను ముద్దాడుతోంది
మీ వినయమూర్తి తొణకని నిండుకుండై నేలను ముద్దాడుతోంది
"చంద్రునికో నూలుపోగు-మన బాలుగారు సిరుల తులతూగు.""
పుట్టినరోజు శుభాకాంక్షలు
No comments:
Post a Comment