ఓం నమ: శివాయ-13
కంటిచూపు ఉన్నది కాల్చుటకు అని నిన్ను చూసి కాబోలు
లంక చూసి రమ్మంటే కాల్చి వచ్చాడు ఆ హనుమ
ఆలి ఉన్నది అగ్గిలో దూకించుటకే అని నిన్ను చూసి కాబోలు
అయోనిజను కోరె అగ్గి పరీక్ష ఆ రాముడు
అసత్యాల పుర్రెను ఆదరించిన నిన్ను చూసి కాబోలు
అవలీలగ పలికాడు అసత్యమును ఆ ధర్మరాజు
అడగకుండ వరమిచ్చే అలవాటుని నిన్ను చూసి కాబోలు
అంతటి వ్యధను పొందాడు ఆ దశరథ మహా రాజు
పొగడ్తలకు పొంగిపోవు నిన్ను చూసి కాబోలు
కౌరవులకు అపాత్ర ఆదరణను ఇచ్చె ఆ బలరాముడు
ఒక్కొక్కరు చేస్తున్న ఈ నికృష్టపు పనులన్నీ
నిక్కచ్చిగ నీవిరా ఓ తిక్క శంకరా.
No comments:
Post a Comment