ఓం నమ: శివాయ-26
రూపివా,అరూపివా అపురూపివా శివా నీవు
కన్నతండ్రిని చూడ నే కాశికి పోవ కానరాడు
దేవతల మోహమడచ మొదలు చివర కానరాడు
చిదంబరము పోయిచూడ చిన్నగాను కానరాడు
అటు చూడని-ఇటుచూడని ఆటలెన్నో ఆడతాడు
నింగిలో సాగుతాడు-నేలలో దాగుతాడు
అగ్గినంటి ఉంటాడు,గాలి నేనె అంటాడు
జ్యోతిని నేనంటాడు,ప్రీతిని నీకు అంటాడు
ఈ వలసలు ఎందుకంటే చిద్విలాసమంటాడు
ఓంకార రూపుడ ఇవి నీ ఆకారపు లీలలుగ
జంగమ దేవర నా ఆలింగనముగా మారి,నీ
చక్కదనము చూప వేర ఓ తిక్క శంకరా.
No comments:
Post a Comment