పాలకడలి జనించిన గరళము నిను చేరితే
మురిపాల పడతి హరిని శ్రీహరిని చేసింది
శరభరూపమున నీవు శ్రీహరిని శాంతింప చేస్తే
విభవమంత హరిదేగా ప్రహ్లాదచరిత్రలో
చిలుకు ఏకాదశి నాడు చకచక లేచేసి
దామోదరుడు నిన్ను చేరినది మోదము కొరకేగా
అభిషేక జలాలతో నీవు ఆనందపడుతుంటే
అలంకారాలన్నీ హరి తన ఆకారాలంటాడు
అనుక్షణము నీవు అసురులను చెండాడుతుంటే
లక్షణముగా హరి తులసిని పెండ్లాడాడు
అలసటయే నాదని ఆనందము హరిది అని
ఒక్క మాట చెప్పవేర ఓ తిక్క శంకరా.
No comments:
Post a Comment