మార్గళి మాలై-25
***************
ఇరవై ఐదవ పాశురం
*****************
ఒరుత్తు మగనాయ్ పిరందు,ఓర్ ఇరవిల్
ఒరుత్తు మగనాయ్ ఒళ్త్తు వళిర
తరిక్కిలాన్ ఆంగితాన్ తీంగు నినైనద
కరుత్తై పిళ్ళైపిత్తు క్కంజన్ వయిత్తిల్
నెరుప్పెన్న నిన్ర నెడుమాలే! ఉన్నై
అరుత్తిత్తు వందోం ; పరై తరువదియాగిల్
తిరుత్తక్క శెల్వముం శేవగమం యాంపాడి
వరుత్తముం తీరందు మగిళిందు ఏలోరెంబావాయ్!
తల్లికి క్షమాపణ అభ్యర్థనలతో
శ్రీకరము శుభకరము భవహరణము శ్రీవ్రతము
శ్రీగోదా రంగనాథుల అనుగ్రహము అనవరతము.
ఒకతల్లి గర్భమున రాతిరి పుట్టినవాడు
మరొకతల్లి ఇంటచేర యమునను దాటినవాడు
హింసింపదలచిన కంసుని దుష్టప్రవృత్తిని
నిర్భయముగ తానె వెడలి నివృత్తిచేసినవాడు
అష్టాక్షరిగా పుట్టి-ద్వయమంత్రముగా పెరుగుతు
ఆబాల గోపాలమున అడుగో ఆడిపాడుచున్నాడు
"పర" మాకు ఇచ్చినను-లేకున్నను సమ్మతమే
కదలనిభక్తి కైంకర్యపు పరంపరలు ప్రసాదించు
భక్తిప్రపత్తులతో స్వామి జన్మవైభవమును కీర్తింపగ
ఆండాళ్ అమ్మవెంట తరలి రారో! తరుణులార!
" దేవకీ గర్భ సంకాశం-కృష్ణం వందే జగద్గురుం" నమో నమః.ఒక్కొక్క పాశురముతో ఒక్కొక్క మెట్టును గోపికలచే ఎక్కిస్తున్నది ఆచార్యస్థానములో నుండి గోదమ్మ.
ఈ పాశురములో గోపికలు శ్రీకృష్ణ జన్మరహస్య సంభాషణమును తమ జన్మరాహిత్య సంస్కారముగా భావించినారేమో,గోదమ్మ పలుకుతున్న ప్రతి పదము పరమార్థమును వివరించుచున్నది.
గోదమ్మ ఈ పాశురమును "ఒరుత్తు మగనాయ్" ఒకతె కొడుకు అని అంటున్నదే కాని దేవకీదేవి-యశోదాదేవి అని కాని,వారి కొడుకుగా కృష్ణుని నామమును గాని పేర్కొనలేదు. ఏమిటా ఒరుత్తు? అదే ఒకేఒక మూలపదార్థము.దానికి నామ రూపములు లేవు.మనలను అనుగ్రహించుటకు మనకోసము కాసేపు,మనము ఏ విధముగా మన చేతి వేళ్ళను ఒకసారి మూసి,మరొకసారి తెరిచి,ఇంకొక సారి కొన్ని మూసి-కొన్ని తెరిచి చేస్తుంటామో,అదే విధముగా మూలపదార్థమైన పరమాత్మ,దేవకీ-వసుదేవులుగాను,యశోద నందులుగాను ,తాము-మాయ గాను అనేక రూపములను దాల్చి,అనేక నామములను ధరించి,మనలను అనుగ్రహించుచున్నాడు,తన జన్మవృత్తాతమును తెలియచేస్తూ,
ఇంక రెండవ విషయము " ఓర్ ఇరవిల్" అర్థరాత్రి సమయము.అది అద్భుతమయమైన అద్వితీయ రాత్రి.స్వామి తాను సామాన్య మానవుల వలె పుట్టినాడు "పిరందు" అని చెప్పించిన రాత్రి.మన కథలో మూల పదార్థము ఇద్దరు స్త్రీ మూర్తులుగా మారి ఒకరు గర్భవాస వరమును,మరొకరు స్థన్య పాన వరమును మరొక భాగమయిన కుమారుని వలన పొందినవి.
చిమ్మచీకటి-చుట్టు గుండుసూది పడినను వినగల నిశ్శబ్దము. శ్రావణ బహుళ అష్టమి అర్థరాత్రి.బ్రహ్మాదులు బహువిధముల ప్రస్తుతించుచుండగా నల్లనయ్య పన్నెండు నెలలు గర్భవాసము చేసి,సామాన్యుని వలె పుట్టినాడు.దేవకీదేవి దివ్యరూపమును ఉపసమ్హరించి,చిన్ని బాలుడు గా మారమనగానే వల్లె అనినాడు.ఇక్కడి నుండి అద్భుతములు మొదలు.ఇన్నని చెప్పనలవి కానివి.
కారణము కార్యము రెండు తానైన స్వామి కార్యభారమును తన జనకునకు అప్పగించినాడు.రూపధర్మమును గౌరవించినాడు.
తనతో తోడ్కొని వచ్చిన యోగమాయను యశోద పిరాట్టు గర్భమున నిక్షిప్తము చేసినాదు.
స్వామి లీలలు సామాన్యులకు అర్థము కావు.ఇప్పుడు తను తండ్రి సహాయముతో గోకులమునకు వెళ్ళవలెను.వింతలు మొదలైనది.పంచేంద్రియములు వంచబడ్దవి మధురలో.ద్వారపాలకులు చేతనులు.ద్వారములు అచేతనములు.ద్వారములు వాని గడియలు చేతనములైనవి.ద్వార పాలకులు అచేతములై మూర్ఛపోయినారు.తలుపు గడియ విడివడినది.అచేతనములైన సంకెళ్ళును విడివడి సహకరించినవి. పంచేంద్రియ నిద్రాణమేమిటి? అని మనమనుకో వచ్చును.
యధారాజా-తథా ప్రజా.వారు పరమాత్నను దర్శించలేదు.బ్రహ్మాదుల స్తుతులు మధురలో వినపడలేదు.కదలలేరని గద్దించనులేదు.స్వామి తులసిమాల పరిమళమును ( రాబోవు పరిణాములను )వాసన పీల్చలేదు.విడివడిన తలుపు గడియను తిరిగి బంధించను లేదు.అంతా చీకటి-నిశ్శబ్దము.తమోగుణ భూయిష్స్ఠము.
అటువంటి చీకటికదా తమ స్వామిని సేవించి తరించినది అని ఆళ్వారులు చీకటిని గౌరవించి కీర్తిస్తారు.దానికి కారణము మధూర ప్రభువు కంసుడు సహిత రాగ భయక్రోధుడు.
బయలుదేరినాడు వసుదేవుడు.భూమాత పులకించినది.గగనము హర్షించినది.వాయువు సుగంధభరితమైనది.(జలము) యమున వినయశీలతో తన ఒరవడిని తగ్గించి సహకారమను పేరుతో సత్కరించినది.అగ్ని మధురలోని తమోగుణమును తరిమివేసి ప్రకాసవంతమై వసుదేవసుతుని నందనందనుని చేసినది.
మధురలో తమస్సు.గోకులములో ఉషస్సు.సంబరములు.సంతోషములు కారణము గోకులము వీతరాగ భయక్రోధము.స్వామి అనుగ్రహ సంపర్కముతో తిరిగి దరిచేరలేనంత దూరము తొలిగి పోయినవి.కనుకనే వారు నీ అనుగ్రహసంపదను పొందిన మేము" మగిళుందు"శేగమే" సంతోషముతో ఆదుతూ-పాడుతూ నిన్ను సేవిస్తాము అంటున్నారు స్వామితో.
స్వామి నుండి వరములు తీసుకొన దలచిన గోపికలు ఇప్పుడు పరిపూర్ణులై స్వామినే తమ వరముగా కోరుకుంటున్నారు.ప్రశంసనీయము.
ధర్మ సంరక్షకుడైన స్వామి మధురకు తానే వెళ్ళి,కంసునికి ముక్తినొసగినాడు.
అన్యథా శరణం నాస్తి-త్వమేవ శరణం మమ అని గోపికలతో పాటుగా మనము స్వామిని ఆశ్రయిద్దాము.
(ఆండాళ్ దివ్య తిరువడిగలే శరణం.)
No comments:
Post a Comment