chinmayamudra-81

 నీ చిన్మయముద్రను నేను అనురక్తితోచూస్తుంటే
  నీ తలపని గంగమ్మ నన్ను తుంగతొక్కుతానంటున్నది

  నీ జటాజూటము నన్ను దక్షుడు అనుకుంటున్నది
  నీ శిరమున శశి  గ్రహణము నాకేనని అంటున్నది

  నీ కంఠములోని విషము నన్ను కబళించాలనుకుంటున్నది
  నీ చేతి డమరుకము నా వివరము అడుగుతున్నది

  నీ నడుము పులితోలు కలవరమేఅంటున్నది
  నీ వాహనమైన ఎద్దు నన్ను గద్దిస్తోంది

  నీ మంజీరమైన పాము నాపై బుసలు కొట్టుతున్నది

  వేడుకొనుట దేవుడెరుగు నిన్ను చూడనీయకున్నవి

 నీ వైనము ఏమిటి? నావైపు చూడవు భయముతో
 ఉక్కిరిబిక్కిరి అవుతున్నానురా ఓ తిక్క శంకరా!


 శివ దర్శనమునకై వెళ్ళిన భక్తుని శివుని గంగ-జటాజూటము-చంద్రుడు-విషము-డమరుకము-పులితోలు-మంజీరము ఎద్దు ఎద్దేవా చేస్తూస్వామి దగ్గరకు వెళ్ళనీయకున్నవి.శివుడు వాటిని మందలించలేని అసమర్థతతో,కళ్ళుమూసుకొని ధ్యానముద్రలో నున్నట్లు నటిస్తున్నాడు.

వైనము నమః శివాయ-ధ్యానము నమః శివాయ
భయము నమః శివాయ-అభయము నమః శివాయ

 నమఃశివాయ నమః శివాయ ఓం నమః శివాయ


" జటాభిర్లంబమానాభిరృత్యంత  మభయప్రదం
  దేవం శిచుస్మితం ధ్యాయేత్ వ్యాఘ్రచర్మ పరిష్కృతం"

  వ్రేలాడుచున్న జటలతో కూడినవాడై,నృత్యము చేయుచున్న వాడును,అభయమునిచ్చువాడును,స్వచ్చమైన చిరునగవు కలవాడును,వ్యాఘ్రచర్మముచే అలంకరింపబడినవాడును అగు సదాశివుని ధ్యానించెదను.

deepamu-90

  ఓం నమః శివాయ-65
   ********************

  సుగంధిపుష్టి కర్తకు సుప్రభాత దీపములు
నిటలాగ్ని హోత్రునికి నిత్య ధూప దీపములు
పాషాణపు దేవునికి ప్రభల వెలుగు దీపములు
కందర్ప దర్పునికి కర్పూర దీపములు
పరంజ్యోతి రూపునికి ప్రమిదలలో దీపములు
జలజాక్షునికి వేడుకగా జలములోన దీపములు
ప్రమథ గణాధిపతికి ప్రదోషవేళ దీపములు
ఆశాపాశ రహితునికి ఆకాశదీపములు
మా ఆర్తిని తొలగించే కార్తీక దీపములు
దీపములను పేర వెలుగు నీ నామ రూపములు
జాణతనము తోడుకాక జ్వాలాతోరణములో
చిక్కు కున్నావురా ఓ తిక్క శంకరా.
.............................................................................................................................................................................................................................సుగంధ భరితుడు,పోషకుడు,వృద్ధికారుడు అని చెబుతు శివుడు పొద్దున్నే వెలిగించే దీపాలకై ఎదురుచూస్తుంటాడు.కామ దహనము చేసానంటు కర్పూర దీపాలను కోరతాడు.లింగము రాయి కనుక దీపాలను చూడలేదు. పద్మములు జలములో నున్న దీపాల వేడిని తట్టుకోలేవు.మన ఆశలన్నిటిని దూరము చేస్తానంటు శివుడు ఆకాశదీపాలకై తేరిపారి చూస్తుంటాడు. తన భక్తుల రూపము నామము ఈ దీపములే అంటు ఎటుపారిపోయే దారిలేక,చేతకాక శివుడు చేతకానివాని వలె అందు ప్రవేశిస్తాడు.నింద. పరంజ్యోతి అయిన
శివుడు మన పాప ప్రక్షాళనకై మనకొరకు తాను మనలను ఉద్ధరించుటకు "జ్వాలా తోరణ ప్రవేశము" చేస్తాడని. స్తుతి.
( ఏక బిల్వం శివార్పణం)

virraveegu

   ఓం నమః శివాయ-83
  ********************

 విర్రవీగు వారిపై వెర్రిప్రేమచూపుతావు
 స్వార్థపు అభ్యర్థనలను ప్రార్థనలని అంటావు

 అహంకార తపములకు సహకారమవుతావు
 ప్రీతిపాత్రములుగ అపాత్రవరములిస్తావు

 ఆలోచనన్నదిలేక అసురత్వమునాదరిస్తుంటావు
 నిర్లక్ష్యము కూడదంటు ప్రత్యక్షము అవుతావు

 అడిగినాడు అంటావు-అడుసు తొక్కుతుంటావు
 అదునుచూసి వారు అదుపుతప్పుతారు అనుకోవు

 గతితప్పిన ఫలితములతో గాబరపడుతుంటావు
 మేకను జయించావు-పులిని జయించావు

 మేకవన్నెపులులతో  తికమకపడుతుంటావు

 నక్కవినయములేరా అవి ఓ తిక్కశంకరా.


శివుడు తనను గురించి తపము చేశారని,ప్రత్యక్షమై,వారికి వరములను అనుగ్రహించవలెననుకుంటాదు.కాని వారు రావణుని వలె అహంకారముతో తపమాచరించుచున్నారో,స్వార్థముతో అనుగ్రహమును కోరుతున్నారో,లేక తానిచ్చిన వర ప్రభావమును తన పైననే పరీక్స్గితారో,వారి నిజ స్వభావమెటువంటిదో ఆలోచించలేడు-నింద.

 అసురులు నమః శివాయ-అమరులు నమః శివాయ
 వరములు నమః శివాయ-వగచుట నమః శీవాయ

 నమః శివాయ నమః శివాయ ఓం నమః శివాయ

sarabha

 ఓం నమః శివాయ-74
 **************

 గణపతిని శిక్షించగ గజముతలను పెట్టావు
 అంధకుని  రక్షించగ భృంగిగా మార్చావు

 దక్షుని జీవింపచేయ మేకతలను పెట్టావు
 బ్రహ్మ తలలు పడగొడుతు భిక్షపాత్రలంటావు

 నరసింహుని శాంతింపగ పక్షితలతో వెళతావు
 వ్యాఘ్రపాదుడంటు కాళ్ళకు పులిపాదములతికిస్తావు


 తలరాతల మార్పులంటు తలలనే మారుస్తుంటావు
 వెతలను తీరుస్తానంటు కతలనే రాస్తావు

 నా కతవినిపించానంటే నా తల మారుస్తావేమో
 తలమానికము నేనంటు తలల మార్పుచేర్పులతో

 తలకొక మాదిరిగ తరియింపచేయువాడనంటు,వారిపై
 ఉక్కుపాదమెందుకురా ఓ తిక్కశంకరా.

 శివుడు తాను తలరాతలను మారుస్తానంటూ,చేతకాక వారి తలను తీసి వేరొక తలను అతికిస్తుంటాడు.అంతటితో ఆగకుండా కాళ్లకు పులిపాదములను అతికిస్తాడు.భ్రింగికి మూడుకాళ్ళు కలిగిన వికృత రూపమునిచ్చాడు.బ్రహ్మకల్పము ముగుసిన వెంటనే వాని తలలను దండగా గుచ్చుకొని వేసుకొని మురిసిపోతు,నేను తలమానికమైన వాడినని గొప్పలు చెప్పుకుంటాడు.-నింద.

 కతలు నమః శివాయ-వెతలు నమః శివాయ
 శరభుడు నమః శివాయ-శర్వుడు నమః శివాయ

నమః శివాయ నమః శివాయ ఓం నమః శివాయ


" భ్రంగీచ్ఛానటనోత్కటః కరిమదగ్రాహీ స్ఫురన్ మాధవా
  హ్లాదో నాదయుతో మహాసి తవపుః పంచేణా చాదృతః
  సత్పక్షో సుమనో వనేషు న పునః సాక్షాన్మదీయే మనో
  రాజీవే భ్రమరాధిపో విహరతాం శ్రీశైల వాసి విభుః."

   శివానందలహరి.

 భృంగి ఇష్టపడునట్లుగా నాట్యము చేయువాడును,గజాసురుని మదమణచిన వాడును,ఢక్కా నాదమును చేయువాడును,శుధ్ధస్పటిక తెల్లదనమును కలవాడును,నారాయణునకు ప్రియమైన వాడును,సజ్జనులను కాపాడుటలో మంచిమనసున్న శ్రీశైల భ్రమరాంబిక పతి శరణు-శరణు.స్తుతి.

 ఏక బిల్వం శివార్పణం.

OM NAMA SIVAYA-76

ఓం నమః శివాయ-83
  ********************

 విర్రవీగు వారిపై వెర్రిప్రేమచూపుతావు
 స్వార్థపు అభ్యర్థనలను ప్రార్థనలని అంటావు

 అహంకార తపములకు సహకారమవుతావు
 ప్రీతిపాత్రములుగ అపాత్రవరములిస్తావు

 ఆలోచనన్నదిలేక అసురత్వమునాదరిస్తుంటావు
 నిర్లక్ష్యము కూడదంటు ప్రత్యక్షము అవుతావు

 అడిగినాడు అంటావు-అడుసు తొక్కుతుంటావు
 అదునుచూసి వారు అదుపుతప్పుతారు అనుకోవు

 గతితప్పిన ఫలితములతో గాబరపడుతుంటావు
 మేకను జయించావు-పులిని జయించావు

 మేకవన్నెపులులతో  తికమకపడుతుంటావు
 నక్కవినయములేరా అవి ఓ తిక్కశంకరా.


శివుడు తనను గురించి తపము చేశారని,ప్రత్యక్షమై,వారికి వరములను అనుగ్రహించవలెననుకుంటాదు.కాని వారు రావణుని వలె అహంకారముతో తపమాచరించుచున్నారో,స్వార్థముతో అనుగ్రహమును కోరుతున్నారో,లేక తానిచ్చిన వర ప్రభావమును తన పైననే పరీక్స్గితారో,వారి నిజ స్వభావమెటువంటిదో ఆలోచించలేడు-నింద.

 అసురులు నమః శివాయ-అమరులు నమః శివాయ
 వరములు నమః శివాయ-వగచుట నమః శీవాయ

 నమః శివాయ నమః శివాయ ఓం నమః శివాయ


  రాక్షసులు-అసురులు వ్యవహారికములో సమాన పదములుగా నున్నప్పటికిని,కించిత్ వ్యత్యాసము ఉన్నదేమో అనిపిస్తుంది.పూర్తిగా తమోభావముతో నిండిన మనసుతో-కౄరమైన చేష్టలతో జీవితమును గడుపువారు రాక్షసులు.వీరి ప్రవృత్తిలో సత్వ-రజోభావములకు తావుండదు.అసురుల విషమునకు వస్తే వీరు త్రిగుణములను కలిగిన వారైనప్పటికిని,వాటి సమతౌల్యతను పాటించలేనివారు.చాలా సమయములలో వీరు సంపూర్ణ సంస్కారవంతులుగా ప్రవర్తించునప్పటికిని,వారిలోని తమోగుణము సత్వ-రజో గుణములను తోసివేసి,ఇంద్రియములను ఆయుధములగా తీసుకొని,వాటితో కలిసిదుష్కృత్యములకు జీవి పూనుకునేటట్లు చేస్తుంది.తత్ఫలితముగా వారు కర్మ ఫలములను అనుభవిస్తారు.ఉదాహరణకు రావణాసురుడు కామము చేత-హిరణ్యకశిపుడు వైరము చేత ప్రభావింపబడినవారే కాని,తక్కిన విషయములలో వారు సంస్కార వంతులే.

  ఇంకొక ముఖ్యమైన విషయము మనము గమనించవలసినది వీరు జీవాత్మలు.వీరు కోరుకున్నది పరమాత్మను.జీవాత్మ-పరమాత్మ సమన్వయమే సదాశివ తత్త్వము.వారు స్వామిని కోరుకొనుచున్నారు.స్వామి వారిని అనుగ్రహించుచున్నారు.ధూర్జటి మహాకవి అన్నట్లు "పాలున్ బువ్వయు" స్తుతి.

   ఏక బిల్వం శివార్పణం.

OM NAMA SIVAYA-74

 ఓం నమః శివాయ-74
 **********************

 నీ కళ్యాణపు కర్తయైనాడుగ ఆ రతిరాజు
 నీ సేమపు మామ యైనాడు ఆ హిమరాజు

 నీ శిగపై కొలువైనాడు ఆ నెలరాజు
 నీ మేనికి వస్త్రమైనాడు ఆ కరిరాజు

 నీ కంఠపు కంటెయైనాడు ఆ భుజగరాజు
 నీమ్రోలన్ నిలిచినాడు ఆ వృషభరాజు

 నీతో పాటుగ కొలువైనాడు ఆ యమరాజు
 నీవంటే నిరసనతో యున్నాడుగ ఆ దక్షరాజు

 విరాజమానుడిని అని నీవు అన్నా,నువ్వు రాజువు కాదని
 ఇందరు రాజులు నిన్ను ఆడించగ మందహాసముతో

 నటరాజను ఒక రాజును నీకొసగిరి ,నీ
 తక్కువ చాటేందుకేర ఓ తిక్కశంకరా.

OM NAMA SIVAYA-73

  ఓం నమః శివాయ-73
  *****************

 అసత్యమాడు బ్రహ్మపుర్రె అంతగా నచ్చిందా
 ఆభరనముగా చేసి అలంకరించుకున్నావు

 హింసకు గురిచూసే బోయకన్ను నచ్చిందా
 రక్తాశ్రువులను కార్చ అనురక్తిని చూపావు

 అమ్మ దగ్గర ఉండనన్న అర్భకుని వాక్కు నచ్చిందా
 అమృతధారగ మారి ఆర్ద్రతనందించావు

 స్వార్థమే నింపుకున్న కరి ఉదరము నచ్చిందా
 ఉదారతను చూపిస్తు ఒదిగిఒదిగి పోయావు

 పృష్టభాగమున పూజలందు ఆవుచెవి నచ్చిందా
 లంకకు నేరానంటు గోకర్ణమున నిలిచావు

 పెంపును అందించుతావో పంపు అని చంపుతావో
 పెక్కుమాటలేలరా ఓ తిక్క శంకరా.

OM NAMA SIVAYA-72

  ఓం నమః శివాయ-72
  *****************

 పాలుతాగి విషము కక్కు పాముమీది మోజుతో
 పాలకడలి విషము మింగ పావుగా మారావు

 అసత్యమాడిన ఆ బ్రహ్మ ఎంత చతురుడో
 తన కపాలమును చూపి దొంగవని అంటాడు

 ఫాలములో దాగిన కన్ను ఎంతచుప్పనాతిదో
 అసలు తెరువనీయవని అలుకతో ఉంటుంది

 తలపైని తైతక్కల గంగకెన్ని నిక్కులో
 అటుఇటు కదలనీయవని ఆడిపోసుకుంటుంది

 కుదురుగ ఉండలేని చంద్రునికెంత కినుకో
 రాహుకేతు బాధను కబళించవు అంటాడు

 కొంచమైనగాని  మంచి-చెడులు గమనించక
 తొక్కేస్తున్నవట గదర ఓ తిక్క శంకరా,

OM NAMA SIVAYA-71

  ఓం నమః శివాయ-71
  ***************

  కంటినీటి పూసలు నీకు కలిమిని అందీయగలవా
  సిగపూవగు గంగమ్మ సిరులను అందీయగలదా

  కట్టుకున్న గజచర్మము పట్టుపుట్టమీయగలదా
  నమ్ముకున్న ఎద్దు నీకు సొమ్ములనందీయగలదా

  కరమున నున్న శూలము వరములనందీయగలదా
  పట్టుకిఉన్న పాములు నీకు పసిడిని అందీయగలవా

  కరుగుచున్న నగము తరగని సంపదనీయగలదా
  కదలలేని చంద్రుడు ఇంద్రపదవినీయగలదా

  కాల్చున్న కన్ను నీకు కాసులనందీయగలదా
  ఆదిశక్తి అండనున్న ఆదిభిక్షువైన నిన్ను నమ్మి

  " ఒం దారిద్ర దుఃఖ దహనాయ నమః శివాయ" అంటుంటే
   ఫక్కుమని నవ్వారురా ఓ తిక్క శంకరా.

  ఓం నమః శివాయ-71
  ***************

  శివుడు ధరించిన రుద్రాక్షలు-గంగమ్మ-ఎద్దు-శూలము-మంచుకొండ-చంద్రుడు-అగ్గి కన్ను సంపదలనిచ్చు శక్తిలేనప్పటికిని,భక్తులు అమాయకంగా   దరిద్రమనే దుఃమును కాల్చివేసి,ఐశ్వర్య ప్రదుడు శివుడని నమ్మి,  కీర్తిస్తుంటేనవ్వుకుంటూ వింటుంటాడేకాని,అది అబధ్ధమని చెప్పడు-నింద.

  ధనికుడు-నమః శివాయ-దరిద్రుడు నమః శివాయ
  భావము నమః శివాయ-భాగ్యము నమః శివాయ

  నమః శివాయ నమః శివాయ ఓం నమః శివాయ.

 దారిద్ర దుఖః హరణ స్తోత్రము-వశిష్ట మహర్షి విరచితము.

 ***********************************************

1.నరకము దాటిస్తాడు-సకలము పాలిస్తాడు

  శృతులను వినిపిస్తాడు-సుధలను కురిపిస్తాడు

  సర్పాలను ధరిస్తాడు- కర్పూరపు కాంతివాడు

  దరిద్రమును దహిస్తాడు-దయార్ద్ర హృదయుడు శివుడు.

2.. పాము కంకణముల వాడు-పార్వతి మెచ్చినవాడు

   యమునికి యముడైనవాడు-తోయమును ధరించాడు

   కరిచర్మము ఒలిచాడు-కళాధరుని మెచ్చినోడు

    దరిద్రమును దహిస్తాడు-దయార్ద్ర హృదయుడు శివుడు.

3. జలధిని దాటిస్తాడు-జన్మలు తీసేస్తాడు

   భక్తుల దగ్గరి వాడు-భ్రష్టుల శిక్షిస్తాడు

   వెలుగు గుప్పిస్తాడు-స్మరణతో నర్తిస్తాడు

   దరిద్రమును దహిస్తాడు-దయార్ద్ర హృదయుడు శివుడు

  

4. మూడు కన్నులవాడు-మువ్వల పాదముల వాడు

   బూడిద పూతల రేడు-భువనైక మనోహరుడు

   చర్మము ధరియించుతాడు-కర్మలు తొలగించుతాడు

    దరిద్రమును దహిస్తాడు-దయార్ద్ర హృదయుడు శివుడు.

5. ముల్లోకములు వాడు-మూలస్థానము వాడు

   పసిడి వస్త్రములవాడు-ప్రసాద గుణమే వాడు

   చీకటి కూల్చేస్తాడు-చీకును తుంచేస్తాడు

   దరిద్రమును దహిస్తాడు-దయార్ద్రహృదతుడు శివుడు.

6. బ్రహ్మ కొలుచు వాడు-బ్రహ్మాండములు వాడు

   కాలసాక్షి ప్రియుడు-కాల కాలాంతకుడు

   చూడచక్కని రేడు-మూడు కన్నుల వాడు

   దరిద్రమును దహిస్తాడు-దయార్ద్ర హృదయుడు శివుడు 

7.శ్రీ రామునికి సఖుడు-కైలాస నిలయుడు

  సేవగణ సేవితుడు-కైవల్య వరదుడు

  పాములు మెచ్చినవాడు-పావన చరితుడు

  దరిద్రమును దహిస్తాడు-దయార్ద్ర హృదయుడు శివుడు.

8. సామి శివగణములకు-సామగాన ప్రియుడు

   నామ స్మరణ ప్రియుడు-నంది వాహనుడు

   కర్మఫలమిస్తాడు-చర్మ వస్త్ర ధరుడు

   దరిద్రమును దహిస్తాడు-దయార్ద్ర హృదయుడు శివుడు. 

  ఏక బిల్వం శివార్పణం.

OM NAMA SIVAAYA-70

  ఓం నమః శివాయ-67
  *********************
 నీ పాదము పట్టుకుందమన్న చిందులేస్తు అందకుంది
 నీ నడుమును అడుగుదామన్న పులితోలు అలిగింది

 నీ హృదయము దరిచేర్చమన్న కుదరదు అని అంటున్నది
 నీ మనసుకు మనవిచేద్దామంటే భక్తులను అదిచుట్టుకుంది

 నీ చేతికి చెబుదామంటే చెడ్దపుర్రె అడ్డుకుంది
 నీ చుబుకము పట్టుకుందామంటే విషము సెగలు కక్కుతోంది

 నీ కన్నులకు కనిపిద్దామన్న కొంచమైన తెరువకుంది
 నీ ముక్కుకు మొక్కుదామంటే మూసి జపము చేస్తున్నది

 నీ జటకు ఉటంకిందామంటే గంగవెర్రులెత్తుతోంది
 నన్ను రానీయక తమ సొంతమంటు గంతులేస్తున్నవి

 నీదరి సేదతీరుతు ఆదరమునే మరచిన వాటి
 టక్కరితనమును చూడరా ఓ తిక్కశంకరా.


 సాధకుడు కష్టపడి శివానుగ్రహముతో తన ఇంద్రియములను వశపరచుకొని,శివదర్శనమునకై వస్తే.స్వామి ధరించిన పాదమంజీరము నుండి, జటలో నున్న గంగ వరకు అడ్డగించుచున్నవి.శంకరుడు తమకే సొంతమని దరిచేరనీయకుంటే,దయాళువుగా కీర్తింపబడు శివుడు నిర్దయతో తటస్థముగా నున్నాడు.దర్శన భాగ్యమును కలిగించుట లేదు-నింద.

 హృదయము నమః శివాయ-ఆదరము నమః శివాయ
 ఉపేక్ష నమః శివాయ-ఆపేక్ష నమః శివాయ

 నమః శివాయ నమః శివాయ ఓం నమః శివాయ.


" తలమీదం కుసుమప్రసాద మలిక స్థానంబుపై భూతియున్
  గళసీమంబున దండ నాసిక తుదన్ గంధప్రసాదంబులో
  పల నైవేద్యము జేర్చునే మనుజుడా భక్తుండు నీ కెప్పుడున్
  చెలికాడై విహరించు రౌస్యగిరిపై శ్రీకాళహస్తీశ్వరా."

   ధూర్జటి మహాకవి.

  శంకరా! ఎవరైతే తలమీద సదా నీ నిర్మాల్యమును,నుదుట విభూతిని,మెడలో రుద్రాక్షలను,ముక్కుయందు నీ అభిషేక జలసుగంధమును,ఉదరములో నీ నైవేద్యమును కలిగియుండునో,వారు వెండికొండపై నీ స్నేహితులతో సమానముగా వర్తించగల అనుగ్రహమును పొందియున్నారు కనుక నేను వాటిని మహాప్రసాదముగా ధరించి,నీ మహిమావిశేషములను లోకవిదితము చేయుటకై,దీనిని నీచే కల్పించబడిన లీలా విశేషముగా స్వీకరింతును.శరణు-శరణు  సదాశివా-స్తుతి.

  ఏక బిల్వం శివార్పణం.

OM NAMA SIVAYA-69

ఓం నమః శివాయ-46
  ***************

 రూపివా/అరూపివా/అపురూపివా? శివా నీవు
 కన్నతండ్రిని చూడ నే కాశిపోవ కానరాడు

 దేవతల మోహమడచ మొదలు-చివర కానరాడు
 చిదంబరము పోయిచూడ చిన్నగను కానరాడు

 అటుచూడని-ఇటుచూడని ఆటలెన్నో ఆడతాడు
 నింగిలోకి సాగుతాడు-నేలలో  దాగుతాడు

 అగ్గినంటి ఉంటాడు-గాలినేనే అంటాడు
 జ్యోతిని నేనంటాడు-ప్రీతిని నీకంటాడు

 ఈ వలసలు ఎందుకంటే చిద్విలాసమంటాడు
 దాగుడుమూతలు ఆడుతు  పట్టుకోమంటాడు

 సుందరేశ్వరడునంటాడు ముందున్నానంటాడు
 ఒక్కరూపునుండవేమిరా ఓ తిక్కశంకరా.

OM NAMA SIVAYA-68

 ఓం నమః శివాయ-68
 *****************

 మాతంగపతిగ నువ్వుంటే ఏది రక్షణ వాటికి?
 గణపతి అవతరించాడు కరివదనముతో

 అశ్వపతిగ వుంటె నీవు ఏదిరక్షణ వాటికి?
 తుంబురుడు వచ్చాడు గుఱ్ఱపు ముఖముతో

 నాగపతిగ ఉంటేను ఏది రక్షణ వాటికి?
 పతంజలి వచ్చాడు మనిషి ముఖముతో

 వానరపతిగ ఉంటేను ఏది రక్షణ వాటికి?
 నారదుడు వచ్చాడు వానర ముఖముతో

 సింహపతిగ ఉంటేను ఏది రక్షణ వాటికి?
 నరసింహుడు వచ్చాడు సింహపు ముఖముతో

 పశుపతిగ నీవుంటే అశువులకు రక్షణలేదని
 ఒక్కటే గుసగుసలు ఓ తిక్కశంకరా.

 శివుడు తాను పశుపతినని,వాటిని సంరక్షిస్తానని చెప్పుకుంటాడు కాని కళ్ళెదురుగానే శిరము వేరు-మొండెం వేరుగా ఎన్నో రూపములు కనిపిస్తూ,శివుని చేతగానితనమును ఎత్తిచూపిస్తున్నాగాని కిమ్మనక ఊరుకుంటాడు కాని దురాగతములను ఆపడు.-నింద.తాను కూడ శరభ రూపమును ధరించి మరొక్కసారి ఋజువు చేసాడు.

 శిరము నమః శివాయ-మొండెము నమః శివాయ
 పశువు నమః శివాయ-మనిషి నమః శివాయ

 నమః శివాయ నమః శివాయ ఓం నమః శివాయ.


 " ఛందఃశాఖి శిఖాన్వితైర్ద్విజవరైవరైః సంసేవితే శాశ్వతే
   సౌఖ్యాపాదిని ఖేదభేదిని సుధాసారైః ఫలైర్దీపితే
   చేతః పక్షిశిఖామణే త్యజవృధా సంచార మంత్యైరలం
   నిత్యం శంకర పాదపద్మ యుగలీనీడే విహారం కురు."

     శివానంద లహరి.

  మనసా! నీ అవివేకపు ముసుగును తొలగించి  అన్నిటింలో శివస్వరూపమును దర్శించుటకు ప్రయత్నించు.స్వామి నిరాకారుడు.ప్రకటింప బడుతున్న-ప్రకటించేయ బడుతున్న ఈ బాహ్య ఆకారములు స్వామి లీలలనె విభూతులు.కనుక నీవు వ్యర్థముగా అటు-ఇటు సంచరించకు.శంకరుని పాదపద్మములనే శుభప్రదమైన గూటిలో  విహరించు.ఎందుకంటే ఆ గూడు వేదములనే చెట్టును ఆశ్రయించుకొని యున్న,వేదాంతము అనే కొమ్మలతో,వాని వాలి యున్న మంచి పండితులనే పక్షులతో ప్రకాశిస్తుంది.అనుగ్రహమును ప్రసాదిస్తుంటుంది.-స్తుతి.

   ఏక బిల్వం శివార్పణం.

OM NAMA sIVAYA-67

   ఓం నమః శివాయ-68
   *****************

 పాశము విడువనివాడు యమపాశము విడిపించగలడ
 గంగను విడువని వాడూ నా బెంగను తొలగించగలడ?

 మాయలేడిని విడువని వాడు మాయదాడినెదిరించగలడ
 పాములు విడువని వాడు పాపములను హరించగలడ?

 విషమును విడువనివాడు మిషలను కనిపెట్టగలడ
 ఉబ్బును విడువనివాడు నా జబ్బును పోగొట్టగలడ?

 నృత్యము విడువనివాడు దుష్కృత్యములను ఆపగలడ
 భిక్షాటన విడువని వాడు శిష్టరక్షణమును చేయగలడ?

 చిన్ముద్రలు విడువని వాడు ఆదుర్దా గమనించగలడ
 వింతరాగమున్నవాడు వీతరాగుడవుతాడ?

 కానేకాడంటు బుగ్గలు నొక్కుకుంటున్నారురా
 చుక్కచుక్క నీరు తాగు ఓ తిక్కశంకరా


 శివుడు అమ్మ పార్వతిమీది ప్రేమను వదిలిపెట్టలేడు.గంగను వదలలేక గట్టిగానే బంధించాడు.మాయలేడిని చేతినుండి జారనీయడు.విషమును-భిక్షాటనను-నృత్యమును అసలే వదిలిపెట్టలేడు.వీటన్నిటిని మించి,ఎన్నిసార్లు అనుభవమైనా పొగత్లకు లొంగిపోతుంటాడు.మాయామోహితుడైనప్పటికిని తాను మాయా రహితుడనని చెప్పుకుంటాడు కనుక శివుడు  విషయవాసనలను జబ్బును తగ్గిస్తాడని నమ్మకము లేదు.-నింద.

 విషము నమః శివాయ-మిషలు నమః శివాయ
 పాశము నమః శివాయ-పార్వతి నమః శివాయ

 నమః శివాయ నమః శివాయ ఓం నమః శివాయ


 " ఆకాశేన శిఖీ సమస్త ఫణినాం నేత్రాకలాపీనతా
   సుగ్రాహి ప్రణవోపదేశ నినదైః కేకేతియో గీయతే
   శ్యామాం శైల సముద్భవాం ఘనరుచిం దృష్ట్వా నటంతం ముదా
   వేదాంతోపవనే విహార రసికం తం నీలకంఠం భజే."

   శివానంలహరి.

  నల్లని కంఠముతో, ఆకాశమును పింఛముగా ధరించి ప్రకాశించుచున్న నెమలి అను శివుడు,పార్వతీదేవి అనే నల్లని మేఘకాంతిని చూసి,సంతోషముతో నర్తించుచు,వేదాంతమనే ఉద్యానవనములో విహరించుచు,ఆనందించుచున్నది.అట్టి పవిత్ర పాశబంధితులైన పార్వతీపరమేశ్వరులు,మనలనందరిని రక్షించెదరు గాక.

 మాతాచ పార్వతీదేవి-పితాదేవో మహేశ్వరః
 బాంధవా శ్సివభక్తాశ్చ-స్వదేహో భువనత్రయం.

  ఏక బిల్వం శివార్పణం..

OM NAMA SIVAYA-65

మురుగ్గ నాయనారుతొండైనాడులోని తిరువెర్కాడులో జన్మించెను.చిన్నప్పటి నుండి శివ భక్తుడు.శివ భక్తులకు మధుర పదార్థములను వడ్డించి,వారు తృప్తిగా తినుటనుశివారాధనగా భావించెడివాడు. కపర్ది పరీక్ష అనగా కలిమిహరించుకుపోయినది.కాని కలిమి దూరమైనను శివ సంతర్పణల చెలిమిని వీడలేదు. శివభక్తులకు అన్నసంతర్పణలు ఆగిపోలేదు..మంచుకొండవానిమీద భక్తి ధనార్జనకు మంచిచెడుల విచక్షణను చేయనీయలేదు.అన్ని దానములలో అన్నదానము గొప్పదని ఆర్యోక్తి.

శివ సంతర్పణములకు కావలిసినధనమునకై చతుషష్టి కళలలో ఒకటైన జూదమును ఎంచుకొని,నిష్ణాతుడైనాడు.మంచు కొంద దేవుని మీది భక్తి మంచి-చెడుల విచక్షనను మరచినది.అందరిని జూదమాడుతకు పిలువసాగాడు.రానన్న వారినినిర్బంధముచేయసాగాడు.ఎక్కువ సొమ్మును పందెముగా ఒడ్డమనే వాడు.ఓడిన,ధనమును నిర్దాక్షిణ్యముగా తీసుకోసాగాడు.
ధనమును ఈశ్వరార్చనకు ఉపయోగించెడివాడు.తనకొరకు అసలు వినియోగించెడివాడు కాదు.జూదగాడిని మెచ్చిన శివుడుగా సుందరారుచే కీర్తింపబడినాడు.వేదపురీశ్వర ఆలయములోమూర్ఖ నాయనారు విగ్రహము కలదు.కార్తీక మూలా నక్షత్రమునందు భక్తులచే పూజలందుకొనుచున్న నాయనారును అనుగ్రహించిన నాగాభరణుడు మనందరినిరక్షించునుగాక.

( ఏక బిల్వం శివార్పణం.)

OM NAMA SIVAAYA-64

  ఓం నమః శివాయ-64
  ********************

  సూర్యోదయమగు వేళ సోయగాల రంగులతో
  మధ్యాహ్న సమయమున మరో పసిడి ఛాయలో

  సూర్యాస్తమయ సమయమున తామ్రవర్ణ తళుకులతో
  వృక్షములలో దాగి నీవు హరికేశౌని లీలగా

  బూదిపూతలతో నిండిన బూడిదరంగుతో
  నరసింహుని శాంతింపచేయ నానారంగులతో

  రాత్రివేళ రుద్రులందు నల్లనైన చీకటిగా
  పగటివేళ రుద్రులందు తేటతెలుపు రూపుగా

  తెల్లని కంఠముతో కాదని నల్లనైన కంఠముతో
  క్షణమునకో రంగుమార్చు చంచల స్వభావముతో

  ఊసరవెల్లికి ఊహనందించినది నీవేనంటే,నే
  ముక్కున వేలేసానురా ఓ తిక్క శంకరా.

   శివుడు ఒక్క రంగుతో నుండక పలురంగులను మార్చుతు,అంతటితో ఆగకుండా తన మనోభావములను కూడ స్థిరముగా నుండనీయక ఘోర-అఘోర రూపములుగా నిలకడ లేకుండ ఉంటాడు-నింద
.
 రంగు నమః శివాయ-రూపము నమః శివాయ
 భేదము నమః శివాయ-అభేదము నమః శివాయ

 నమః శివాయ నమః శివాయ ఓం నమః శివాయ.

   శివుడు నిరాకార-నిర్గుణ నిరంజనుడు.నిరంజనుడు అనగా ఏ రంగును కలిగినవాడు కాదు.అయినప్పటికిని సృష్టించిన జగతిని పోషించుటకై నానా రూపములతో నానా రంగులతో ప్రకటింపబడుచున్నాడు.కారుణ్యము-కాఠిన్యము ఒకే నాణెమునకు ఇరువైపులు.నల్లని రేగడినేలగా తాను మారి,అందులోని ఒక గింజను చొప్పించి,హరిత మొలకను రప్పించి,దానిని శుష్కముచేసి,దాని కంకులో సరిపడు వడ్లగింజను చొప్పించి,దానిని నూర్చగానే తెల్లని బియ్యపు గింజను మనకు అందిస్తున్నాడు.అదే విధముగా నీలి మేఘముగా సాగుతు,నీటిని నింపుకొని,నల్లని మేఘమై,ఏ రంగు లేని నీటిని వర్షించి,వాన వెలిసిన తరువాత ఏడురంగుల హరివిల్లుగా మారు హరుని నేనేమని వర్ణించగలను.అవ్యాజకరుణతో మనలను రక్షించమనుట తప్ప.-స్తుతి.

  ఏక బిల్వం శివార్పణం.

CHAMAKAMUTO MAMAEKAMU-06

OM NAMA SIVAAYA-71

    ఓం నమః శివాయ-71
   ***********************

బూజుగూడు గుడియంటు మోజు పెంచుకున్నావు
తెలిసికొనవు ఆ పురుగు కట్టినదది ఎంగిలిదారములతోనని

మణులు పెట్టి కొలిచినదని మమత పెంచుకున్నావు
తెలిసికొనవు ఆ పాము పెట్టినది విషపు కోరలతోనని

ఏంచక్కటి అభిషేకమని ఏనుగును ఎనకేసుకొస్తావు
తెలిసికొనవు థు థు అంటు చిమ్మినది తొండపునీళ్ళనని

ఎన్నడు మూయని గుడియని ఎన్నో చెబుతుంటావు
తెలిసికొనవు శిరముతెగిన రాహుకేతు పూజలకని

దీపమును చూపిస్తూ,"వారెవా"వాయులింగమునంటావు
తెలిసికొనవు దీపము గాలికి రెపరెపలాడుచున్నదని

శ్రీకాళహస్తీశ్వరుడనని జాస్తి కబురులాడతావు,నీ పేరును
ఒక్కరైన పిలువరురా ఓ తిక్కశంకరా.

  శివుడు సాలెగూటిని గుడి అనుకుంటాడు.విషముతాకిన మణులను వినోదముగా స్వీకరిస్తాడు.తొండముతో నీళ్ళుపట్టుకుని తెచ్చి,లింగముపైన పోస్తే అభిషేకము అనుకుంటాడు.తన ప్రతిభకు రెపరెపలాడు దీపమును సాక్ష్యముగా చూపిస్తాడు.ఏదో చెప్పుకుని తృప్తి పడనీలే అనుకుంటే అంతటితో ఆగక గ్రహణ సమయములో కూడా తన గుడి తెరిచి ఉంటుందని తాను అనుగ్రహములను ప్రసాదిస్తుంటానని అంటాడు కాని ఆ సమయములో జరిగే పూజలు రాహు-కేతువులకు కాని తనకు కాదని తెలిసికొనలేనివాడు-ఇంతా చేస్తే జనాలు కాళహస్త్యికి వెళుతున్నామంటారు కాని ఈశ్వరదర్శనమని అసలు చెప్పుకోరు.-నింద

మును నీచే నపవర్గ రాజ్యపదవీమూర్ధాభిషేకంబు గాం
    చిన పుణ్యాత్ములు నేను నొక్కసరివో చింతించి చూడంగ నె
    ట్లనినం గీటఫణీంద్రపోతమదవేదండోగ్ర హింసావిచా
    రినిఁగాఁగా నినుఁగానఁగాక మదిలో శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! ముందు నీవు మోక్షపదవీ సామ్రాజ్యమును ఒసంగిన పాము, సాలెపురుగు, ఏనుగు, కిరాతుడు మొదలైన వారందరూ నేనూ సమానులమే. ఏ విధముగా అన వారు నిన్ను మదిని చూచితిరి. నేను చూడలేకపోతి

 దీపము నమః శివాయ-దీవెన నమః శివాయ

 వాయువు నమః శివాయ-సాయము నమః శివాయ

నమః శివాయ నమః శివాయ ఓం నమశివాయ.

" ఏ వేదంబు పఠించె లూత? భుజగంబేశాస్త్రములు సూచె,దా
 నేవిద్యాభ్యసనంబొనర్చె కరి.చెంచేమంత్రమూహించె? బో
 ధావిర్భావ నిదానములు చదువులYYఆ? కావు నీ పాద సం
 సేవాసక్తియె కాక జంతుతతికిన్ శ్రీకాళహస్తీశ్వరా"

 మహాకవి ధూర్జటి.

 చదువులెన్ని చదివినా జ్ఞానమును-మోక్షమును కలిగించలేవు.వాటన్నిటికి మించినది నీ దివ్యపాద సంసేవాసక్తియే నని,సాలెపురుగు-పాము-ఏనుగు-ఎరుకులవాడి నిరూపించి నిర్యాణమునందినారు.ఓ పరమేశా! ఏ మంత్ర జపములు తెలియని,నీ తత్త్వమును అవగతము చేసుకోలేని నన్ను,నీ అనవరత నిర్హేతుక కృపతో నీ పాద సర్వస్య శరణమును అనుగ్రహింపుము.నమస్కారములు-స్తుతి.

 ఏక బిల్వం శివార్పణం.

OM NAMA SIVAYA-108

  ఓం నమః శివాయ-108

  ******************



  కరుణరస పట్టిది కచ్చితము కనికట్టనలేనిది

  నేనేమరియున్నవేళ తానే నన్నుచేరినది



  మనోకలశము చూచినది మక్కువ తిక్కశంకరుని

  తక్కువచేసినగాని దయతలుచు దిక్కగువానిని



  సన్నుతిచేయుచు సంతోషపు జలమును నింపుచున్నది

  అనురక్తితో భక్తిదారమును చుట్లుగ చుట్టుచున్నది



 పదపదమని చేరినవి పరమేశుని పదములు మామిడాకులై

 అపరాధము తలంచుచు పలాయనమైనది నింద కుందుచు



 నా పశ్చాత్తాపము పరివర్తన చెందెను నారికేళమై

 నిను నిందించిన ఇంద్రియములు నిష్కృతి కోరెను



 పుణ్యహవచనము జరుగుచున్నది పునీతమవ్వగా

 వసియింపుము శివా నామది వాత్సల్యము వాసికెక్కగా



 ధూర్జటి మహాకవి "శ్రీకాళహస్తీశ్వర శతకములో" నొక్కి వక్కాణించినట్లు,బిడ్ద పాలబువ్వను తినకుండా అరటిపండ్లు కావాలని మారాం చేస్తే,జోరున కురుస్తున్న వర్షంలో తడుస్తు వెళ్ళి,వాటిని తెచ్చి,బిడ్దకు తినిపించి,తండ్రి ఎంతమురిసి పోతాడో,అదే వాత్సల్యముతో నిన్ను అణువణువునా నిందించి,నీ అవ్యాజకరుణను తెలిసికోలేని అహంకారముతో,అజ్ఞానముతో అనేకానేక పరుషపదప్రయోగములతో నిన్ను నిందిస్తే,నా తప్పులను మన్నించి,నా అజ్ఞానమును తొలగించి,కనువిప్పు కలిగించి,కన్నతండ్రిలా నన్ను నీ అక్కున చేర్చుకునేందుకు అనుగ్రహించిన సదాశివా.ధన్యోస్మి.నా ఇంద్రియములు వాటి పాపములకు నిష్కృతిని కోరి,పుణ్యాహవచనమును చేసుకొని,పునీతములై,నాహృదయమందిరములో నిన్ను నిరంతరము నిలుపుకోవాలని ఆశపడుచున్నవి.నీ నా కోరికను మన్నించి,నా చేయి పట్టి నడుపుతు,నీ ఆశ్రిత వాత్సల్యమును లోక విదితము చేయి తండ్రీ.అనేకానేక నమస్కారములు.



  " భక్తో భక్తి గుణావృతే ముదమృతాపూర్ణే ప్రసన్నే మనః

   కుంభే సాంబ తవాంఘ్రి పల్లవయుగం సంస్థాప్య సంవిత్ఫలం

   సత్వం మంత్రముదీరయన్ నిజశరీరాగ శుధ్ధిం వహన్

   పుణ్యాహం ప్రకటేకరోమి రుచిరం కళ్యాణమాపాదయన్."



 శ్రీ శివానందలహరి.



  ఏక బిల్వం శివార్పణం.













  ఓం నమః శివాయ-99

  ******************



  కరుణరస పట్టిది కచ్చితము కనికట్టనలేనిది

  నేనేమరియున్నవేళ తానే నన్నుచేరినది



  మనోకలశము చూచినది మక్కువ తిక్కశంకరుని

  తక్కువచేసినగాని దయతలుచు దిక్కగువానిని



  సన్నుతిచేయుచు సంతోషపు జలమును నింపుచున్నది

  అనురక్తితో భక్తిదారమును చుట్లుగ చుట్టుచున్నది



 పదపదమని చేరినవి పరమేశుని పదములు మామిడాకులై

 అపరాధము తలంచుచు పలాయనమైనది నింద కుందుచు



 నా పశ్చాత్తాపము పరివర్తన చెందెను నారికేళమై

 నిను నిందించిన ఇంద్రియములు నిష్కృతి కోరెను



 పుణ్యహవచనము జరుగుచున్నది పునీతమవ్వగా

 వసియింపుము శివా నామది వాత్సల్యము వాసికెక్కగా



 ధూర్జటి మహాకవి "శ్రీకాళహస్తీశ్వర శతకములో" నొక్కి వక్కాణించినట్లు,బిడ్ద పాలబువ్వను తినకుండా అరటిపండ్లు కావాలని మారాం చేస్తే,జోరున కురుస్తున్న వర్షంలో తడుస్తు వెళ్ళి,వాటిని తెచ్చి,బిడ్దకు తినిపించి,తండ్రి ఎంతమురిసి పోతాడో,అదే వాత్సల్యముతో నిన్ను అణువణువునా నిందించి,నీ అవ్యాజకరుణను తెలిసికోలేని అహంకారముతో,అజ్ఞానముతో అనేకానేక పరుషపదప్రయోగములతో నిన్ను నిందిస్తే,నా తప్పులను మన్నించి,నా అజ్ఞానమును తొలగించి,కనువిప్పు కలిగించి,కన్నతండ్రిలా నన్ను నీ అక్కున చేర్చుకునేందుకు అనుగ్రహించిన సదాశివా.ధన్యోస్మి.నా ఇంద్రియములు వాటి పాపములకు నిష్కృతిని కోరి,పుణ్యాహవచనమును చేసుకొని,పునీతములై,నాహృదయమందిరములో నిన్ను నిరంతరము నిలుపుకోవాలని ఆశపడుచున్నవి.నీ నా కోరికను మన్నించి,నా చేయి పట్టి నడుపుతు,నీ ఆశ్రిత వాత్సల్యమును లోక విదితము చేయి తండ్రీ.అనేకానేక నమస్కారములు.



  " భక్తో భక్తి గుణావృతే ముదమృతాపూర్ణే ప్రసన్నే మనః

   కుంభే సాంబ తవాంఘ్రి పల్లవయుగం సంస్థాప్య సంవిత్ఫలం

   సత్వం మంత్రముదీరయన్ నిజశరీరాగ శుధ్ధిం వహన్

   పుణ్యాహం ప్రకటేకరోమి రుచిరం కళ్యాణమాపాదయన్."



 శ్రీ శివానందలహరి.



  ఏక బిల్వం శివార్పణం.

......ప్రియ మిత్రులారా.నా ఈ చిన్ని ప్రయత్నమునకు ఊపిరినిచ్చినది మీ ఉన్నత సం స్కారమే కాని నా
అర్హత కాదు.ఈ పవిత్ర
" శివ సంకల్ప" పలుకులను -చూసినా-చూడకున్నా,వినినా-వినకున్నా,చదివినా-చదువకున్నా,చర్చించినా-లేకున్నా,ఎప్పుడో పుక్కిట పట్టేశామని వెక్కిరించినా,గొప్పగా ఏమిలేదు అని పెదవిని చప్పరించినా,తప్పులు సవరించుటకు కనికరించినా.మేమా--తప్పులను సవరించేది అని హుంకరించినా
(ఫలశృతి)
గంగా స్నాన ఫలితమును ఇచ్చు గంగాధరుని ఆన
నాశ రహిత పుణ్యమును ఇచ్చు నాగాభరణుని ఆన
విభవమొసగు-విజయమొసగు విశ్వేశ్వరుని ఆన
సర్వ జనులకు శుభములు ఇచ్చు సదా శివుని ఆన.
( సవినయ ధన్యవాద కుసుమాంజలి)













  ఓం నమః శివాయ-99

  ******************



  కరుణరస పట్టిది కచ్చితము కనికట్టనలేనిది

  నేనేమరియున్నవేళ తానే నన్నుచేరినది



  మనోకలశము చూచినది మక్కువ తిక్కశంకరుని

  తక్కువచేసినగాని దయతలుచు దిక్కగువానిని



  సన్నుతిచేయుచు సంతోషపు జలమును నింపుచున్నది

  అనురక్తితో భక్తిదారమును చుట్లుగ చుట్టుచున్నది



 పదపదమని చేరినవి పరమేశుని పదములు మామిడాకులై

 అపరాధము తలంచుచు పలాయనమైనది నింద కుందుచు



 నా పశ్చాత్తాపము పరివర్తన చెందెను నారికేళమై

 నిను నిందించిన ఇంద్రియములు నిష్కృతి కోరెను



 పుణ్యహవచనము జరుగుచున్నది పునీతమవ్వగా

 వసియింపుము శివా నామది వాత్సల్యము వాసికెక్కగా



 ధూర్జటి మహాకవి "శ్రీకాళహస్తీశ్వర శతకములో" నొక్కి వక్కాణించినట్లు,బిడ్ద పాలబువ్వను తినకుండా అరటిపండ్లు కావాలని మారాం చేస్తే,జోరున కురుస్తున్న వర్షంలో తడుస్తు వెళ్ళి,వాటిని తెచ్చి,బిడ్దకు తినిపించి,తండ్రి ఎంతమురిసి పోతాడో,అదే వాత్సల్యముతో నిన్ను అణువణువునా నిందించి,నీ అవ్యాజకరుణను తెలిసికోలేని అహంకారముతో,అజ్ఞానముతో అనేకానేక పరుషపదప్రయోగములతో నిన్ను నిందిస్తే,నా తప్పులను మన్నించి,నా అజ్ఞానమును తొలగించి,కనువిప్పు కలిగించి,కన్నతండ్రిలా నన్ను నీ అక్కున చేర్చుకునేందుకు అనుగ్రహించిన సదాశివా.ధన్యోస్మి.నా ఇంద్రియములు వాటి పాపములకు నిష్కృతిని కోరి,పుణ్యాహవచనమును చేసుకొని,పునీతములై,నాహృదయమందిరములో నిన్ను నిరంతరము నిలుపుకోవాలని ఆశపడుచున్నవి.నీ నా కోరికను మన్నించి,నా చేయి పట్టి నడుపుతు,నీ ఆశ్రిత వాత్సల్యమును లోక విదితము చేయి తండ్రీ.అనేకానేక నమస్కారములు.



  " భక్తో భక్తి గుణావృతే ముదమృతాపూర్ణే ప్రసన్నే మనః

   కుంభే సాంబ తవాంఘ్రి పల్లవయుగం సంస్థాప్య సంవిత్ఫలం

   సత్వం మంత్రముదీరయన్ నిజశరీరాగ శుధ్ధిం వహన్

   పుణ్యాహం ప్రకటేకరోమి రుచిరం కళ్యాణమాపాదయన్."



 శ్రీ శివానందలహరి.https://www.facebook.com/groups/1842231192589419/permalink/2282195658592968/?sfnsn=wiwspmo&extid=imN5NkQaSKJjLSEF&d=n&vh=i




  ఏక బిల్వం శివార్పణం.

OM NAMA SIVAYA-107

  ఆనంద భాష్పాలతో అభిషేకము చేయనా
  భక్తి మకరందమును  చందనముగ పూయనా

  ఆది-అనాది లేదంటు బూదిని నే పూయనా
  శాంతి సహనపుష్పాలతో పూజలనే చేయనా

  పాప రహితము అనే దీపము వెలిగించనా
  పొగడపూల వాసనలనే పొగలుగ నే వేయనా

  లబ్బు-డబ్బు శబ్దాలతో స్తొత్రములే  చేయనా
  ఉచ్చ్వాశ-నిశ్వాస  వింజామరలను  వీచనా

  అరిషడ్వర్గములు లేని ఆతిధ్యమునీయనా
  హర హర మహాదేవ అంటు హారతులే ఇయ్యనా

  దాసోహం-దాసోహం అంటు నే ధన్యతనే పొందనా
  నా పక్కనే  ఉన్నావురా  చూద చక్కనైన శంకరా!

మును నేఁ బుట్టినపుట్టులెన్ని గలవో మోహంబుచే నందుఁ జే
   సిన కర్మంబుల ప్రోవులెన్ని గలవో చింతిచినన్ గాన నీ
   జననంబే యని యున్న వాడ నిదియే చాలింపవే నిన్నుఁ గొ
   ల్చిన పుణ్యంబునకుం గృపారతుఁడవై శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! ముందు నేను ఎత్తిన జన్మలెన్నో, వాటిలో నేను చేసిన కర్మలెన్నో నాకు తెలియదు.ఎంత ఆలోచించినా నేను తెలుసుకోనలేకున్నను. ఈ జన్మమే పారమార్థికమని భావించుచున్న నాకు ఈ జన్మలో చేసిన నీ ధ్యానపుణ్యముచేత ఇదియే కడగొట్టు జన్మ గావింపుము ప్రభో

OM NAMA SIVAYA-106

 తిక్కవాడివై నీవుంటే భక్యుల మొక్కులెలా పెరుగుతాయి

 మండే చెట్టూవై నీవుంటే పక్షులెలా వాలుతాయి 

 కరిగే కొండవై నీవుంటే మృగములెలా తిరుగుతాయి

 పారని గంగవై నీవుంటే జలచరముఎలా బతుకుతాయి

 స్వార్థపరుడివై నీవుంటే అర్థనారీశ్వరమెలా అవుతుంది

 శితికంఠుడివై నీవుంటే స్థితికార్యమెలా జరుగుతుంది 

 లయకారుడివై నీవుంటే శృతిలయలెలా నిన్ను చేరతాయి

 మన్నించమని నేనంటే నిన్నెంచను అని అంటావు

 ఆదరమేమో నీది అవగతమయ్యెను అంతలోన

 ఆ నిందా వాక్యములు అవి గతమయ్యెను వింతలోన

 అంతలేసి మాటలాడ ముద్దుమాటలంటావురా

 అద్దమంటి మనసున్న ఓ పెద్ద శంకరా.

 సంపద్వర్గముఁ బాఱద్రోలి రిపులన్ జంకించి యాకాంక్షలన్
   దంపుల్వెట్టి కళంకముల్నఱికి బంధక్లేశదోషంబులన్
   జింపుల్చేసి వయోవిలాసములు సంక్షేపించి భూతంబులన్
   జెంపల్వేయక నిన్నుఁగాననగునా శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! సంపదలను త్యజించి, అరిషడ్వర్గములను భేదించి, ఆశలను పక్కకుపెట్టి, పాపములను ప్రక్షాళన గావించుకుని, బంధుబాధలను విడిచి, వయస్సు దాని విలాసములను వదులుకుని, పంచభూతాత్మకమైన వాసనలను పారద్రోలిన గానీ నిన్ను చూడగలనా ప్రభో?

OM NAMA SIVAAYA-105

   శివ సంకల్పము-105

 నువ్వు తిక్కలోడివని అంది నా మూఢత్వం

 నిన్ను చక్కదిద్దాలనుకుంది నా మూర్ఖత్వం

 నీకేమి తెలియదంది నా అహంకారం

 నీకు తెలియచేయాలనుకుంది నా అంధకారం

 నిన్ను గౌరవించలేనంది నా తాత్సారం

 నీతో గారడి చేయాలనుకుంది నా మాత్సర్యం

 నీకు నాగరికత లేదంది నాలోని ఆటవికం

 నిన్ను నాగరికుడిని చేయాలంది నాలోని ఆధునికం

 నీకు పాఠము చెబుదామనుకుంది నాలోని ఆర్భాటం

 నీకు పరీక్ష పెట్టాలనుకుంది నాలోని ఆరాటం

 సముద్రాన్ని పరీక్షించు ఉప్పుబొమ్మ నేనైతే

 నా తప్పు చెప్పినావురా ఓ గొప్ప శంకరా.

 "ధీయంత్రేణ వచోఘటేన కవితా కుల్యోపకుల్యాక్రమైః
  ఆనీతైశ్చ సదాశివస్య చరితాంభోరాశి దివ్యామృతైః
  హృత్కేదారయుతాశ్చ భక్తి కలమాః సాఫల్యమా తన్యతే
  దుర్భిక్షాన్మమ సేవకస్య భగవన్ విశ్వేశ భీతిః కుతః."


 బుధ్ధి యను యంత్రము ద్వారా వాక్కు అనే కుండతో చిన్న కాలువల వరుసలలో తీసుకురాబడిన సదాశివ చరిత్రమనే దివ్యజలము ద్వారా హృదయమనే పంటచేలలోకి భక్తి అనే పైరులు ఫలవంతముగా పెరుగుచున్నవి.ఇంక నాకు మరొక చింత ఏల? 

 శ్రీశైలేశు భజింతునో యభవుఁ గాంచీనాథు సేవింతునో
   కాశీవల్లభుఁ గొల్వబోదునో మహాకాళేషుఁ బూజింతునో
   నాశీలం బణువైన మేరువనుచున్ రక్షింపవే నీ కృపా
   శ్రీశృంగార విలాస హాసములచే శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! శ్రీశైలములో నిన్ను భజించమందువా? కాంచీపురమునందా, లేక వారాణసి లోనా లేక ఉజ్జయిని మహాకాలునిగానా? నీవే రూపమున సేవింపమన్న చేసెదను. నన్ను ణీ కృపాకరుణావీక్షణమందహాసములచే రక్షింపు ప్రభో

  








  

OM NAMA SIVAAYA-104

ఓం నమ: శివాయ
భక్తుల కంఠస్థమైన శితికంఠుని స్తోత్రములకు-దండాలు శివా
పృథ్వీలింగమైన ఏకామ్రేశ్వరునికి -దండాలు శివా
అగ్నిలింగమైన అరుణాచలేశునికి-దండాలు శివా
జల లింగమైన జంబుకేశ్వరునికి-దండాలు శివా 
వాయు లింగమైన శ్రీ కాళహస్తీశ్వరునికి- దండాలు శివా
ఆకాశలింగమైన చిదంబరేశ్వరునికి- దండాలు శివా
సూర్యబింబ లింగమైన కోణార్క దేవునికి-దండాలు శివా
చంద్ర బింబలింగమైన చంద్రకోన దేవునికి-దండాలు శివా
భక్తి ఆలింగనమైన మహాలింగమునకు -దండాలు శివా
(ఓం) న-మ:-శి-వా-య అను పంచాక్షరికి-దండాలు శివా
దం-డా-లు-శి-వా అను ఐదు అక్షరములకు-దండాలు శివా
సుస్పష్టపు ఇష్టమైన అష్టమూర్తికి-దండాలు శివా.

పుడమిన్నిన్నొక బిల్వపత్రమున నేఁ బూజించి పుణ్యంబునున్
   బడయన్నేరక పెక్కు దైవములకున్ బప్పుల్ ప్రసాదంబులున్
   గుడుముల్ దోసెలు సారెసత్తులడుకుల్ గుగ్గిళ్ళునుం బెట్టుచున్ 
   జెడి యెందుం గొఱగాకపోదు రకటా శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! జనులు భూమిలో భక్తసులభుడవైన నిన్ను ఒక్క బిల్వపత్రముతో పూజించక ఇతర దేవతలకు నానావిధములైన ప్రసాదములు పెట్టి చెడి ఎందుకూ కొరగాకుండా పోవుచున్నారు కదా

.......................................................................................................................................................................................................మాలిన్యము లేనిది మాల.పరమాత్మ ప్రతిభను గుర్తించి చేయు కీర్తనలే స్తోత్రములు.ఉదాహరణ-శివ మహిమ నవరత్న మాలిక.విలువైన నవరత్నములు కంఠమున అలంకరింపబడి అతిశయించుట సాధారణ అర్థము భక్తుల కంఠములందు తిరుగుతు వాగ్రూపముగా వెలువడుట గూఢార్థము.నేల,నింగి,నీరు,నిప్పు,గాలి,ఎండ,వెన్నెల,భక్తానుగ్రహ రూపములలో ప్రకాశించు శివునికి అనేక అనేక నమస్కారములు
( ఏక బిల్వం శివార్పణం )

OM NAMASIVAYA-103

కాసు లేనివాడవని కానిమాటలన్నాను
బేసి కన్నులను చూసి రోసిపోయి ఉన్నాను

దోసములే నీ పనులని ఈసడించుకున్నాను
వేసమేమిటో అంటుఈసడించుకున్నాను

నీ కొండను ఎత్తినాడు నీ విల్లు ఎత్తలేదు కద
సహకారమునుఈయనిది అతని అహంకారమేగ

దిక్కు నీవు అనగానే  పక్కనేఉంటావు
అహంకారమును వదిలేస్తే అధీనుడివి అవుతావు

స్వల్పకాలిక లయముతో శక్తినీస్తావు
దీర్ఘకాలిక లయముతో ముక్తిని ఇస్తావు

నిన్ను తక్కువన్న నా తెలివి పక్కదారి మళ్ళించి
మొక్కనీయరా భక్తితో  ముక్కంటి శంకరా!


 " రోధస్తోయహృతః శ్రమేణ పథికశ్చాయాం తరోర్వృష్టితో
   భీతః స్వస్థగృహం గృహస్థమతిధిః దీనః ప్రభుం ధార్మికం
   దీపం సంతమసాకులశ్చ శిఖినం శీతావృతస్త్వం తథా
   చేతః సర్వ భయాపహం వ్రజసుఖం శంభో పదాంభోరుహం

   శివానందలహరి.

  ఓ మనసా! ఏ విధముగా నీటిలో కొట్టుకొనిపోవువాడు ఒడ్డును,అలిసిన బాటసారి చెట్టు నీడను,వర్షభయము కలవాడు ధృఢమైన  ఇంటిని,అతిథి గృహస్థుని,దీనుడు ధార్మికుడైన ప్రభువును,చీకటిలో భయపడువాడు దీపమును,చలిలో వణుకువాడు మంటనుచేరునట్లుగా,సమస్త భయములను పోగొట్టి సుఖమునిచ్చు శివుని పాద పద్మములను ఆశ్రయింపుము.

  ఏక బిల్వం శివార్పణం.