OM NAMA SIVAYA-106

 తిక్కవాడివై నీవుంటే భక్యుల మొక్కులెలా పెరుగుతాయి

 మండే చెట్టూవై నీవుంటే పక్షులెలా వాలుతాయి 

 కరిగే కొండవై నీవుంటే మృగములెలా తిరుగుతాయి

 పారని గంగవై నీవుంటే జలచరముఎలా బతుకుతాయి

 స్వార్థపరుడివై నీవుంటే అర్థనారీశ్వరమెలా అవుతుంది

 శితికంఠుడివై నీవుంటే స్థితికార్యమెలా జరుగుతుంది 

 లయకారుడివై నీవుంటే శృతిలయలెలా నిన్ను చేరతాయి

 మన్నించమని నేనంటే నిన్నెంచను అని అంటావు

 ఆదరమేమో నీది అవగతమయ్యెను అంతలోన

 ఆ నిందా వాక్యములు అవి గతమయ్యెను వింతలోన

 అంతలేసి మాటలాడ ముద్దుమాటలంటావురా

 అద్దమంటి మనసున్న ఓ పెద్ద శంకరా.

 సంపద్వర్గముఁ బాఱద్రోలి రిపులన్ జంకించి యాకాంక్షలన్
   దంపుల్వెట్టి కళంకముల్నఱికి బంధక్లేశదోషంబులన్
   జింపుల్చేసి వయోవిలాసములు సంక్షేపించి భూతంబులన్
   జెంపల్వేయక నిన్నుఁగాననగునా శ్రీకాళహస్తీశ్వరా!

తాత్పర్యము: ప్రభో, శ్రీకాళహస్తీశ్వరా! సంపదలను త్యజించి, అరిషడ్వర్గములను భేదించి, ఆశలను పక్కకుపెట్టి, పాపములను ప్రక్షాళన గావించుకుని, బంధుబాధలను విడిచి, వయస్సు దాని విలాసములను వదులుకుని, పంచభూతాత్మకమైన వాసనలను పారద్రోలిన గానీ నిన్ను చూడగలనా ప్రభో?