చిలుకగ నే జన్మిస్తే చిదంబరుడ అంటాను
కోడిగ నే జన్మిస్తే కోటిలింగేశ్వర అంటాను
కాకిగ నే జన్మిస్తే కాళహస్తేశ్వర
ఆవుగ నే జన్మిస్తే అంబాపతి అంటాను
మేకగ నే జన్మిస్తే నే మేలమాడుతుంటాను
పాముగ నే జన్మిస్తే భృస్మేశ్వర అంటాను
ఏనుగుగ నే జన్మిస్తే ఏకాంబరేశ్వర అంటాను
కీటకముగ నే జన్మిస్తే నే కీర్తిస్తూనే ఉంటాను
జన్మకాదు ముఖ్యమనే కర్మసిద్ధాంతపు సాక్షిగా
ఏ జన్మలో నేనున్నా ఏలినవారి దయతో
"త్వమేవాహం" అని తలుస్తు నన్ను తరియింప చేయగా
బిరమున నన్ను బ్రోవరా పరమైన శంకరా.
No comments:
Post a Comment