శివ సంకలపము-53
నిన్ను బాణముతో కొట్టితే బాగా కరుణిస్తావు
నిన్ను పాషాణుడివని తిట్టితే పరమ సంతోషిస్తావు
నిన్ను రోకలిబండతో కొట్టిన కలికిని కనికరిస్తావు
నిన్ను రాళ్ళతో కొట్టితే రయమున కనిపిస్తావు
నిన్ను లెక్కచేయని వాని మొక్కులందుకుంటావు
నిన్ను సేవించని వానికి సేవకునిగ మారుతావు
నిన్ను ముప్పతిప్పలు పెట్టినా గొప్ప భక్తులంటావు
నిన్ను రాపాడే వారినే కాపాడుతు ఉంటావు
పరమ హింసలను చేస్తుంటే పరమ హంసలు అంటావు
ఆత్మస్తుతి చేసేవాడిని ఆత్మీయుడు అంటావు
నిజ భక్తుల కరుణించి నీచ భక్తులను నీవు
పక్కకు పొమ్మనవురా ఓ తిక్క శంకరా.
No comments:
Post a Comment