శివ సంకల్పము-66
మరునిశరము పూవుగా నిను మనువాడమని
మదనుడు అనగానే గౌరీపతివి అయ్యావు
క్షీర సాగర మథనములో విషము స్వీకరించమని
అర్థాంగి అనగానే గరళకంఠుడివి అయ్యావు
గంగ వెర్రినెత్తిమీద సుతిమెత్తగ మొత్తమని
భగీరథుడు అనగానే గంగాధరుడివి అయ్యావు
గంగిరెద్దు మేళములో నీకు రంగు వస్త్రము తానని
కరిరాజు అనగానే గజ చర్మధారివి అయ్యావు
భృంగి సైగచేయగానే నీ సింగారపు నాట్యమట
"సంధ్యారంభిత విజృంభితవు" నీవు కావని
"సం జ్ఞారంభిత విజృంభితుడవు" పాపం నీవని
పెక్కు మార్లు విన్నానురా ఓ తిక్క శంకరా .
No comments:
Post a Comment