ఓం నమ: శివాయ-52
ఆంతర్యము ఏమోగాని వెలుగసలే తెలియని
అమావాస్య జననానికి ఆనందపడతావు
విడ్డూరము ఏమోగాని వినయమే తెలియని
గంగ అభిషేకములకు పొంగిపోతు ఉంటావు
పూర్వపుణ్యము ఎమోగాని పువ్వులే తెలియని
మారేడు దళములకు మగ ఆనందపడతావు
ఇంద్రజాలమేదోగాని అందమే తెలియని
బూది పూతలకు మోజుపడుతుంటావు
నీదయ ఏమోగాని నియమములే తెలియని
నికృష్టపు భక్తులని నీదరి చేర్చుకుంటావు
కనికట్టో ఏమోగాని అసలు నీ జట్టే తెలియని
ఒక్కడిని ఉన్నానురా ఓ తిక్క శంకరా
No comments:
Post a Comment