పొంగుచున్న గంగను నువు జటలలో బంధిస్తే
పంచాక్షరి వింతగ నిను పట్టి బంధించిందా
బ్రహ్మ పుర్రె పట్టుకుని నీ చేయి బిచ్చమెత్తితే
బ్రహ్మర్షులు చిత్రముగ నిన్ను బిచ్చమెత్తారా
అరిషడ్వర్గములను ఆహా నువు బెదిరిస్తుంటే
అసుర గణము అహముతో నిన్ను బెదిరించిందా
నందిని,భృంగిని నీద్వారకాపరులుగ నియమిస్తే
బాణుడు శోణపురి కాపరిగ నిను నియమించాడా
పరమ గురువు శివుడని భక్తుడు ప్రస్తుతిస్తుంటే
అప్రస్తుతమని విస్తుబోవ అంతా పరిహసిస్తున్నారా
బందీలెవరో తెలియని నా సందేహము తీర్చకుంటే
నిక్కమనుకుంటారా ఓ తిక్క శంకరా.
No comments:
Post a Comment