ఓం నమ: శివాయ-54
విశ్వ నాథుడివని నిన్ను విబుధులు మాట్లాడుతుంటే
అనాథుడిని నేనంటూ ఆటలాడుతావు
పరమ యోగీశ్వరుడవని నిన్ను ప్రమథగణము అంటుంతే
పార్వతీ సమేతుడినని ప్రకటిస్తూ ఉంటావు
భోళా శంకరుడవని నిన్ను భక్తులు భళి భళి అంటుంటే
వేళాకోళములేయని అంటావు వేడుకగా
నాగాభరణుడవని నిన్ను యోగులు స్తుతి చేస్తుంటే
కాలాభరణుడిని అంటు లాలించేస్తుంటావు
విషభక్షకుడవు అంటు ఋషులు వీక్షిస్తుంటే
అవలక్షణుడిని అంటూ ఆక్షేపణ తెలుపుతావు
మంచి చెడులు మించిన చెంచైన దొర నీవు
వాక్కు నేర్చినాడవురా ఓ తిక్క శంకరా.
No comments:
Post a Comment