ఓం నమ: శివాయ-51
మౌనము మాటాడునట మాయేదో చేసావులే
మేథా దక్షిణా మూర్తిగా బోధించేది మాయేలే
మూగయు మాటాడునట మాయేదో చేసావులే
మూక పంచశతిగా కీర్తించేది మాయేలే
కాళ్ళకింద పద్మాలట మాయేదో చేసావులే
పద్మపాదుడు అతడట గురుభక్తి మాయేలే
పూవులే పళ్లట మాయేదో చేసావులే
పుష్పదంతుడు అతడట పుణ్యాల మాయేలే
బోడిగుండు శివుడట మాయేదో చేసావులే
శంకర భగవత్పాదుడట శంక లేనే లేదులే
మాయా సతిని చూసి అమ్మయ్య అని నీవు మోస్తుంటే,నే
బిక్కచచ్చి పోయానురా ఓ తిక్క శంకరా.
No comments:
Post a Comment