గుర్తించిన శ్రీ కరి పాములకు గుడినే కట్టించావు
గుడిగోపురమునుచూసిన పాపనాశనమే అన్నావు
గుడ్డితనమును పోగొట్టి చూపునిస్తుంటావు
గుర్తించువారికి భక్తి గుళికలూందిస్తావు
గురువుగా మారి వారిని తరియింపచేస్తావు
గుడిలో కూర్చుని గురుతర పూజలందుకుంటావు
గుహునితండ్రిగా నీవు అహమును తొలిగిస్తావు
గుగ్గిల నాయనారు భక్తిని గుబాళింప చేసావు
గుణనిధిని కరుణించి గుండెలో దాచుకున్నావు
గుచ్చిన బాణముచూపి పాశుపతమునుఈచ్చావు
గుక్క తిప్పుకోకుంద ఎక్కిఎక్కి ఏడ్చు నన్ను,నీ
అక్కున చేర్చుకోవేమిరా ఓ తిక్క శంకరా!
No comments:
Post a Comment