ఓం నమ: శివాయ-14
ఉదారతను చాటగ ఆ అసురుని ఉదరములో నుంటివి
గంగిరెద్దు మేళము నిన్ను కాపాడినది ఆనాడు
కరుణామయుడవన్న ఆ అసురుని హస్తమున అగ్గినిస్తివి
మోహిని ఆకారము నిన్ను కాపాడినది ఆనాడు
భోళాతనమును చాటగ రావణునికి ఆలినిస్తివి
నారద వాక్యము నిన్ను కాపాడినది ఆనాడు
ఆత్మీయత అనుపేర ఆత్మలింగము నిస్తివి
గణపతి చతురత నిన్ను కాపాడినది ఆనాడు
భ్రష్టులైన వారిని నీ భక్తులు అని అంటావు
రుసరుసలాడగలేవు,కసురుకొనవు అసురతను
మ్రొక్కారని రక్కసులకు గ్రక్కున వరములనిస్తే
పిక్క బలము చూపాలిరా ఓ తిక్క శంకరా.
No comments:
Post a Comment