OM NAMA SIVAAYA-15

 




  ఓం నమః శివాయ-15

  *****************



  తిరిపమెత్తువాడవని నిరుపేద శ్రీనాథుడు

  గలగల ప్రవహించనీయని గడుసువాడవని గంగ

  చరచర పాకనీయవని చతురుడవని కాళము
  పరుగులుతీయనీయవని పాశమున్నదని లేడి

  క్రిందకు జారనీయవని నిందిస్తున్నది విషము

  జరుగలేక  ఉన్నానని వంతపాడు జాబిలి

  కట్టడి చేస్తున్నావని కట్టుకున్న కపాలములు

  హద్దు దాటనీయవని వద్దనున్న వృషభము

  ఆ లయకారుడు ఆలయమున ఉంటాడా? అంటూ
  మేమెంతో గొప్పవారలమని వంతులవారీగ

  నీ చెంతనే ఉంటూ,కాని చింతలను చేస్తుంటే,వాటి
  పక్కదారి మార్చవేర ఓ తిక్క శంకరా.



    శివుడు బిచ్చగాడు.గంగను ప్రవహించనీయడు.(స్వేచ్చగా)పాములను పాకనీయడు.లేడిని పరుగెత్తనీయడు.చంద్రుని కదలనీయడు.విషమును కంఠము జారనీయడు.ఎద్దును రంకెలు వేయనీయడు.పక్కనే ఉండి తనను నిందిస్తున్నా వాటినేమిచేయలేడు-నింద.




  రుద్ర చమకములో చెప్పినట్లు "యంతాయచ-ధర్తాయచ" ఎక్కడ-ఏవస్తువులు ఎలా ఉండాలో వాటి స్థానమును-స్వభావమును నియంత్రించి-పోషించగల ఆచార్యుడు శివుడు.-స్తుతి.

  ఏకబిల్వం శివార్పణం.