ఓం నమ: శివాయ-107

 శివ సంకల్పము-107

 ఆనంద భాష్పాలతో అభిషేకము చేయనా

 భక్తి మకరందమును చందనముగ పూయనా

 ఆది అనాది లేదంటు బూదిని నే రాయనా

 శాంతి సహన పుష్పాలతో పూజను నే చేయనా

 పాపరహితము అనే దీపమునే వెలిగించనా

 పొగడపూల వాసనలనే పొగలను నే వేయనా

 లబ్బు డబ్బు శబ్దాలతో స్తొత్రములే చేయనా

 ఉచ్చ్వాస నిశ్వాసలనే వింజామరమునే వీచనా

 అరిషడ్వరగములు లేని ఆతిధ్యమును నేనియ్యనా

 హర హర మహా దేవ అంటు హారతులనే ఇవ్వనా

 దాసోహం దాసోహం అంటు ధన్యతనే పొందనా

 నా పక్కనే ఉన్నావురా చూడ చక్కనైన శంకరా.