ఓం నమ: శివాయ-69

 శివ సంకల్పము-59

 నీకు మల్లే నీ నామమునకు నిలకడలేదురా శివా

 పెదవులు తెరుచుకోగానే పదమని పరుగెడుతుండి

 శంభో అని పిలువగానే అంభోరుహము చేరుతుంది

 శివ శివ అని పిలువగానే శిఖరాగ్రమును చేరుతుంది

 మహాదేవ అని పిలువగానే తుహినముగా మారుతుంది

 నీలగ్రీవ అని పిలువగానే వినీల గగనము అవుతుంది

 విశ్వనాథ అని పిలువగానే విశ్వమంత తిరుగుతుంది

 ఈశ్వరా అని పిలువగానే ఈడ ఉండనంటుంది

 ఉమాపతి అని పిలువగానే ఉరకలు ఆపేసింది

 పశుపతి అని పిలువగానే వశమయ్యాను అంది

 ఎవరేమని పిలిచినా ఎక్కడికి పోవద్దని దానికి

 ముక్కుతాడు వేయరా ఓ తిక్క శంకరా.