ఓం నమో నారాయణాయ-02

శ్రీ విష్ణుచిత్త కులనందన కల్పవల్లీం
శ్రీ రంగనాథ హరిచందన యోగ దృశ్యాం
సాక్షాత్ క్షమాం కరుణయా కమలామివాన్యాం
గోదామనన్య శరణం - శరణం ప్రపద్యే"

ఓం నమో నారాయణాయ-2
్్్్్్్్్్్్్్్్్్్్్్్
విచిత్రముగ నామది " శ్రీ విల్లిపుత్తూరుగా" మారినది
"విష్ణు చిత్తీయమై" శ్రీ హరి సంకీర్తనమే కోరుతోంది

'పాలు-నీరు--దేహాలంకరణ" నిరాకరణమైన
పాలకడలి నాథుని '"వ్రత నియమ సం యమనములో"

నిస్తుల వైభవ స్తుతులే " కస్తూరి తిలకమైన"
నాసాగ్ర మౌక్తికమూర్తి భక్తుల " సత్య వాక్య పాలనలో"

హరిచందనమూర్తిని సంకీర్తించు "వేదాంత దేశికులైన"
సాధు సజ్జనుల సమర్పణము " సవినయ భిక్ష రూపములో"

కృతకృత్యులనొనరించు " నిత్య నిరంజనమైన"
"కాత్యాయినీ వ్రతమును" చేయుచున్న గోప కాంతలలో

"తెల్లవార వచ్చెనమ్మ" చెలులారా రారె
తెల్లబరచగ "భక్తి" పూలమాలలతో నేడె.

భావము

వ్రత నియమానుసారము దేహాభిమానములేని వారియందు,సత్యవాక్య పరిపాలకుల లోను,సాధు పుంగవులకు అర్పించు సవినయ భిక్షలలోను,సర్వ సంపత్ప్రదమగు "కాత్యాయినీ వ్రతమును" చేయుచున్న గోప కాంతలలోను నిమగ్నమైన నా మనసు, మీతో కలిసి పాశుర పఠనము చేయుచు,భక్తి అను పూలను,శరణాగతి అను దారముతో అల్లిన హారములను స్వామికి సమర్పించుటకు త్వరత్వరగా కదిలిరండి.తెల్ల వారుచున్నది.

( ఆండాళ్ తిరువడిగళే శరణం )