సమాంతర ప్రయాణం

సమాంతర ప్రయాణం
*********************
అప్సరసలు-అభిఘాతలు
అందుకోలేరు అంటూ
పదాతిదళ పౌరుషముగ
పరుగులు తీస్తున్నది రైలు
పశువులు-పచ్చికలు
పాడి పంటలు అంటూ
పచ్చదనపు ముచ్చటగ
చొచ్చుకుపోతున్నది రైలు
ఉత్తానము-పతనము
అనివార్యము అంటూ
నల్లని బెర్రీల బాలునిగ
కూతలు పెడుతున్నది రైలు
పర్వతములు-కందకములు
ఎత్తు పల్లములు అంటూ
ఎత్తుగడల గమ్మత్తుగ
కొత్తగ తోస్తున్నది రైలు
కర్షకులు-కార్మికులు
నదులు మరలు అంటూ
మనసైన చిత్రకారునిగ
రంగులద్దుతోంది రైలు
సుకుమారము-శ్రమ వైనము
డయిజీలు డయిలీలు అంటూ
బడుగుకు ఓదార్పుగ
బడియగుచున్నది రైలు
లిప్తపాటు-శాశ్వతము
సమాంతరమే అంటూ
అనుభవాల అనుభూతిగ
జేజేలైనది రైలు (బోగి)
శ్రీ రాబర్ట్ లూయీ స్టీవెన్సన్ గారి (ఫ్రం ఎ రైల్వే కేరేజ్ )స్పూర్తితో