సౌందర్య లహరి-101
పరమపావనమైన నీ పాదరజ కణము
పతితపాలకమైన పరమాత్మ స్వరూపము
ఎడమనేత్ర కాంతిమారె లక్ష్మితత్వముగ
ఇడుములనెడబాపక స్థితికార్యపు మాతృకగ
కుడినేత్ర కాంతిమారె పార్వతితత్వముగ
విడనాడక కాపాడగ కరుణ ప్రతిరూపముగ
మూడవ నేత్ర కాంతిమారె సరస్వతి తత్వముగ
మూఢత్వము తొలగించగ సారస్వత రూపముగ
ఉద్ధరింపగ మమ్ములను ముగ్గురమ్మలను అందించిన
నీ ఊపిరి నాలుగు వేదములైన వేళ
నీ మ్రోలనేనున్న నా కేలు విడనాడకమ్మా,నా
మానస విహారి ఓ సౌందర్య లహరి.
No comments:
Post a Comment