సౌందర్య లహరి-91
పరమపావనమైన నీపాదరజకణము
పతిత పాలకమైన పరమాత్మ స్వరూపము
ధర్మపు మర్మము తెలిసి నిర్మలమైన నా మనసు
తనివితీర కొలువగ తరలుతున్న నా తనువు
వశిన్యాదిదేవతానుగ్రహమైన నా వాక్కులు
ఊహాతీతశక్తి ఉనికిని తెలిపిన పనులు
పరస్పరానురాగ గలితమైన నా తపనలు
సమానాధిక్యము లేని అమ్మ సన్నిధానభావము
ఓడిపోనివ్వని ఒడిలాలన ఒరవడిలో
నా త్రికరణములు అమ్మ పాద శరణాగతి కోరువేళ
నీ మ్రోలనే నున్న నా కేలు విడనాడకమ్మా,నా
మానస విహారి! ఓ సౌందర్య లహరి.
No comments:
Post a Comment